N-VI

A N-6 (anteriormente nomeada N-VI), coñecida tamén como Estrada da Coruña, é unha estrada radial española que une as cidades de Madrid e A Coruña, pasando por San Rafael, Tordesillas, Benavente, Astorga, Ponferrada e Lugo, entre outras.

N-VI Estrada Madrid - A Coruña
Tipoloxía	Estrada convencional
Rede	Rede de estradas do Estado
Dimensións
Lonxitude	606 km
Formato	1 ou 2 carrís por sentido, con beiravía
Localización
Inicio	Madrid
Fin	A Coruña
Circulación
Velocidade máxima	90-100 km/h

A nomenclatura actual desta vía, así como do resto das estradas nacionais de España, estableceuse no cuarto plan xeral de estradas de 1940 (Plan Peña). A N-VI foi desdobrada en autovía A-6 desde o seu nacemento en Moncloa ata Collado Villalba, e no tramo entre Adanero e Benavente. No tramo entre Guadarrama e Adanero o seu itinerario é o alternativo á autoestrada de peaxe AP-6 polo Porto dos Leóns e a localidade segoviana de San Rafael. Tampouco foi desdobrada no tramo entre Benavente e Nadela. Foi desdobrada entre as localidades de Nadela e Lugo pasando a denominarse LU-11, e entre Lugo e o fin do seu límite municipal, ademais desde O Carballo (San Pedro de Nós, Oleiros) no km 586 pasa a denominarse AC-12 durante 9 km ata o porto da Coruña.

No ano 2012 estreouse a película N-VI, do director compostelán Pela del Álamo.

Galería de imaxes

• 
  A N-VI en Becerreá
• 
  km 459 en Becerreá
• 
  N-VI en Begonte
• 
  A N-VI na Castellana, Aranga
• 
  N-VI en Guadarrama, entre as provincias de Segovia e Madrid.
• Vídeo atravesando Becerreá pola N-VI.

Véxase tamén

Bibliografía

• García-Fuentes, Manuel (1987). El camino de acceso a Galicia en el siglo XVIII (en castelán). Deputación da Coruña. ISBN 84-505-5521-3. 
• Malde, Antón (xaneiro de 2013). A vía per Loca Marítima ao seu paso polo territorio Mariñas-Betanzos (PDF) (2.ª ed.). Asociación de Desenvolvemento Rural «Mariñas-Betanzos». 
• —————— (2012). "Novas pontes históricas sobre os ríos Deo e Mandeo". A Xanela. Revista cultural das Mariñas (Betanzos) (34): 23–25.