Estado de Pohnpei
| |||||
| Localización | |||||
|---|---|---|---|---|---|
| |||||
| Estado | Estados Federados de Micronesia  | ||||
| Capital | Kolonia | ||||
| Poboación | |||||
| Poboación | 36.196 (2010) (97,41 hab./km²) | ||||
| Lingua usada | Língua mokilesa (pt)  Língua nukuoro (pt) Língua mortlockesa (pt) Língua kapingamarangi (pt) Língua pingelapesa (pt) Crioulo ngatik (pt) Língua pohnpeiana (pt) Lingua chuuk | ||||
| Xeografía | |||||
| Superficie | 371,6 km² | ||||
| Identificador descritivo | |||||
| Fuso horario | |||||
| ISO 3166-2 | FM-PNI | ||||
O Estado de Pohnpei é un dos catro estados dos Estados Federados de Micronesia (FSM). Os outros estados son Kosrae, Yap e Chuuk. A illa principal do Estado é Pohnpei.
Historia
[editar | editar a fonte]Pohnpei, cando era un territorio do Territorio en Fideicomiso das Illas do Pacífico, nun principio contiña Kosrae, que era un municipio da comarca.
Xeografía
[editar | editar a fonte]O estado de Pohnpei atópase no océano Pacífico. Atópase preto do extremo oriental das illas Carolinas e está a medio camiño entre Honolulu e Manila. A superficie do estado de Pohnpei ten unha superficie de 372 km², estando constituído por unha illa principal (Pohnpei) e 161 pequenas illas e atois. A súa altitude máxima, 791 m. atópase nun picacho remanente dun volcán.
As illas exteriores de Pohnpei son illas baixas, e inclúen Pingelap, Mokil, Ant, Pakin, Ngatik, Nukuoro, Oroluk e Kapingamarangi. Tamén se inclúe a gran parte mergullada do Arrecife Minto.
Coa excepción das chairas costeiras, taludes e abanos aluviais, a maior parte da illa de Pohnpei, unha Illa elevada, é montañosa, exuberante e verde. A súa selva é densa e rica; extensos pantanos de mangleiros se aliñan na costa. A illa é máis ou menos circular no seu contorno, os seus 130 km de circunferencia están rodeados por un arrecife de coral.
