Walter Hill

Walter Hill

(2014)
Biografía
Nacemento	(en) Walter Wesley Hill 10 de xaneiro de 1942 (82 anos) Long Beach, Estados Unidos de América
Educación	Universidade Estatal de Míchigan
Actividade
Ocupación	director de cinema, produtor delegado, produtor, guionista, produtor de cinema, realizador
Período de actividade	1968 -
Membro de	Writers Guild of America, West
Familia
Cónxuxe	Hildy Gottlieb
Premios
(2009)  Premio Máquina do Tempo (2007)  Emmy do Primetime de melhor série limitada (pt) , premiado polo traballo Broken Trail (pt) (2006)  Directors Guild of America Award for Outstanding Directing – Television Film (en) , premiado polo traballo Broken Trail (pt) (2004)  Primetime Emmy Award de melhor direção em série dramática (pt) , premiado polo traballo Deadwood (pt) (2004)  Directors Guild of America Award for Outstanding Directing – Drama Series (en) , premiado polo traballo Deadwood (pt) (2004)  Primetime Emmy Award de melhor direção em série dramática (pt) , premiado polo traballo Deadwood (pt) (1987)  Premio Hugo á mellor presentación dramática, premiado polo traballo Aliens
Descrito pola fonte	Obálky knih,

Walter Wesley Hill, nado en Long Beach (California) o 10 de xaneiro de 1942, é un director, guionista e produtor de cinema estadounidense, coñecido polos seus filmes de acción e pola revitalización do xénero do western.

Traxectoria

Hill naceu en California en 1942. En varias entrevistas contoou que de neno sufría de asma, razón pola que tivo moitos problemas para rematar a escola. O seu avó era perforador de petróleo e isto influíu para que máis tarde el traballase tamén nese labor.

Viviu e cursou estudos de arte na Universidade das Américas na Cidade de México. Posteriormente cambiouse á Universidade Estatal de Míchigan, onde se licenciou en historia.

Ata 1968 só fixo unha incursión no cinema, como segundo axudante de dirección no filme The Thomas Crown Affair. Foi tamén segundo axudante de dirección (sen acreditar) ese mesmo ano en Bullitt, e en Take the Money and Run (1969) traballou igualmente con Woody Allen, aínda que dixo que non lembraba facer moito á parte de pasar páxinas e encher tarxetas de tempo.

Desde o principio amosou inclinación á escritura de guións. O primeiro foi dun western titulado Lloyd Williams and His Brother; non chegou a adaptarse á pantalla grande, mais gustó á Warner Bros, que lle fixo máis encargas. Despois escribiu The Getaway e Hickey and Boggs, que se levaron ao cinema en 1972. O seu debut como director non chegou ata 1975 con Hard Times. En 1979 escribiu e dirixiu Os guerreiros, que se converteu nunha das súas obras máis destacadas e nun filme de culto nos Estados Unidos. Estaba baseado nunha novela de Sol Yurick, inspirada á súa vez no relato da Anábase, de Xenofonte.

A súa paixón sempre foi o western, e o seu referente fundamental a obra de John Ford, aínda que moitos dos seus éxitos fan parte do cinema policíaco e da comedia. Os seus filmes adoitan presentar situacións en que as personaxes principais se atopan baixo unha forte presión. A súa vida habitualmente é complicada e dá a sensación de que sempre foi así. Con frecuencia as súas personaxes masculinas viven ao seu xeito, sen confianza na natureza humana.

Hill constituíu xunto con Steven Spielberg, George Lucas, John Milius, Brian De Palma, Martin Scorsese, Paul Schrader ou Francis Ford Coppola a xeración de cineastas da década de 1970 que modernizou o cinema estadounidense.

Vida persoal

Hill casou con Hildy Gottlieb, axente de talentos da International Creative Management na Tavern on the Green de Nova York o 7 de setembro de 1986. Tiveron dúas fillas, Joanna e Miranda.

Filmografía

Ano	Título	Función			Notas
		Director	Guionista	Produtor
1972	Hickey & Boggs	Non	Si	Non
	The Getaway	Non	Si	Non
1973	The Mackintosh Man	Non	Si	Non
	The Thief Who Came to Dinner	Non	Si	Non
1975	The Drowning Pool	Non	Si	Non
	Hard Times	Si	Si	Non
1978	The Driver	Si	Si	Non
1979	Os guerreiros	Si	Si	Non
1980	Bandidos de lenda	Si	Non	Non
1981	Southern Comfort	Si	Si	Non
1982	48 Hrs.	Si	Si	Non
1984	Streets of Fire	Si	Si	Non
1985	Brewster's Millions	Si	Non	Non
1986	Crossroads	Si	Non	Non
	Blue City	Non	Si	Si
	Aliens	Non	Argumento	Non
1987	Traición sen límite	Si	Non	Non
1988	Red Heat	Si	Si	Si
1989	Johnny Handsome	Si	Non	Non
1990	48 horas máis	Si	Non	Non
1992	Alien 3	Non	Si	Si
	Trespass	Si	Non	Non
1993	Xerónimo	Si	Non	Si
1994	The Getaway	Non	Si	Non
1995	Wild Bill	Si	Si	Si
1996	O último home íntegro	Si	Si	Si
2000	Supernova	Si	Non	Non	Acreditado como "Thomas Lee"
2002	Invicto	Si	Si	Si
2012	Bullet to the Head	Si	Non	Non
2016	The Assignment	Si	Si	Non
TBA	Dead for a Dollar	Si	Si	Non

Véxase tamén

Ligazóns externas

• Walter Hill at IGN
• European box office figures for Walter Hill films at Box Office Story
• Walter Hill: The Cowboy Iliad - A Legend Told In The Spoken Word Arquivado 21 de setembro de 2021 en Wayback Machine.

Entrevistas

• Cotter, Marianne (setembro de 1994). "Walter Hill Rides the Western Wave". MovieMaker. Arquivado dende o orixinal o 18 de decembro de 2010. Consultado o 18 de setembro de 2021. 
• Zelazny, Jon (8 de decembro de 2012). "Kicking Ass with Walter Hill". The Hollywood Interview. 
• Gross, Larry (inverno de 1993). "Walter Hill". BOMB (42). Arquivado dende o orixinal o 14 de xaneiro de 2010. Consultado o 18 de setembro de 2021. 
• Sragow, Michael (xullo de 1982). "Don't Jesse James Me". Sight and Sound: 194–198.