Afonso Froilaz

Afonso Froilaz

Biografía
Nacemento	911 (Gregoriano)
Morte	933 (Gregoriano) (21/22 anos) Ruiforco de Torío, España
Lugar de sepultura	Basílica de Santo Isidoro de León
Monarca do Reino de León
925 – 926 ← Froila II – Afonso IV de León →
Monarca do Reino de Galicia
925 – 926 ← Froila II
Actividade
Ocupación	gobernante
Outro
Título	Rei de León Rei de Galicia
Familia	Dinastía ástur-leonesa
Pais	Froila II   e Nunilona Ximena

Afonso Froilaz foi rei de León e de Galiza durante un breve lapso de tempo, entre 925 e 926; tan desafortunado foi que a historia nin sequera o rexistra cun ordinal para acompañar o nome. A súa situación na cronoloxía dos "Reis de León" foi estabelecida só no século XX por Claudio Sánchez-Albornoz apoiándose en dous textos do século X, a nómina "rotense" e a "vigilana".

Traxectoria

Fillo e sucesor natural de Froila II, que xa tivera un reinado conflitivo, pois era un usurpador e contaba con moitos inimigos, poucos meses despois de ascender ao trono os fillos de Ordoño II, Sancho Ordoñes e Afonso Ordoñes tomaron armas contra el, por se xulgaren con máis dereito á coroa de León (unha vez que o trono lles fora usurpado polo pai de Afonso, o rei Froila, irmán de Ordoño). Sancho ficou coas terras galegas ao norte do río Miño e Afonso coas Terra de Foris. Asturias e Castela (coroado o 12 de febreiro de 926). Afonso Froilaz, vencido, refuxiouse nas Asturias, onde parece que mantivo o control da rexión até 931 sen renunciar ás súas pretensións ao trono. En 932 foi feito prisioneiro, xunto cos seus irmáns Ordoño e Ramiro, e o anterior rei, Afonso IV, por Ramiro II, o cal ordena que sexan todos cegados e encarcerados en mosteiros. No mosteiro de Ruiforco morreu uns anos máis tarde; dise que o futuro Ordoño IV era seu fillo, mais non hai probas que corroboren que Afonso teña tido descendentes.

Véxase tamén

Os reis e as raíñas da Galiza.

Froila II, Afonso Froilaz, Sancho I e Afonso IV. Uns reis en tempos de inestabilidade. (Nós Diario, 26.09.2022)

Bibliografía

• López Carreira, Anselmo (2003). Os reis de Galicia. Vigo: Edicións A Nosa Terra. ISBN 84-96203-44-1. 
• Carriedo Tejedo, Manuel (2014). "La familia gallega del rey Alfonso Froilaz (926-931)" (PDF). Rudesindus (en castelán) (Academia Auriense-Mindoniense de San Rosendo) (9): 107–152. ISSN 2255-5811. 

Outros artigos

• Lista de reis de Galicia
• Lista de reis de León

Ligazóns externas

• Xenealoxía dos reis de León e Asturias en inglés
• Los Reyes de León
• Especial do Diario de León

Reino de Galicia
Segue a: Froila II	Afonso Froilaz (925-926)	Precede a: Sancho I