Bromatoloxía

Bromatólogos exercendo o seu traballo

A bromatoloxía, ou ciencia dos alimentos, é a ciencia da natureza dedicada ao estudo dos alimentos.

Etimoloxía

O termo bromatoloxía está formado pola unión dos elementos bromat- e -loxía, derivados do nome do grego antigo βρῶμα, -ατος brôma, -atos "alimento", e o sufixo grego -λογία -loxía, "tratado", "estudo", "ciencia", repectivamente.

Concepto

Moitas veces confúndese o termo co de "tecnoloxía alimentaria". Pero o Instituto de Tecnólogos de Alimentos (Institute of Food Technologists) dos Estados Unidos, define a ciencia dos alimentos como "a disciplina na que se utilizan as ciencias biolóxicas e físicas, e a enxeñaría, para estudar a natureza dos alimentos, as causas da súa deterioración, os principios subxacentes no procesamento dos alimentos e a mellora dos alimentos para o consumidor". O libro de texto Food Science define a ciencia dos alimentos, en termos máis simples, como "a aplicación das ciencias básicas e a enxenaría para estudar a natureza física, química e bioquímica dos alimentos e os principios do procesamento dos alimentos".

Actividades dos bromatólogos

As actividades dos tecnólogos en alimentos, ou bromatólogos, inclúen o desenvolvemento de novos produtos alimenticios, o deseño de procesos para producir estes alimentos, a selección de materiais de empaquetado, os estudos de vida útil, a avaliación sensorial de produtos mediante enquisas ou consultas con posíbeis consumidores, así como probas microbiolóxicas e químicas. Os científicos de alimentos poden estudar fenómenos máis fundamentais que estean directamente relacionados coa produción de produtos alimenticios e as súas propiedades.

Disciplinas que comprende a bromatoloxía

A ciencia dos alimentos reúne múltiplas disciplinas científicas. Incorpora conceptos de campos como a química, a física, a fisioloxía, a microbioloxía e a bioquímica, entre outros. A tecnoloxía alimentaria incorpora conceptos da enxeñaría química, por exemplo.

Véxase tamén

Bibliografía

• Wanucha, Genevieve (24 de febreiro de 2009): "Two Happy Clams: The Friendship that Forged Food Science". MIT Technology Review.

Ligazóns externas

• [https://web.archive.org/web/20200719093924/http://dmoztools.net/Science/Technology/Food_Science/ Arquivado 19 de xullo de 2020 en Wayback Machine. Food Science]] (en inglés).
• Aprenda sobre a ciencia dos alimentos (en inglés).