Saltar ao contido

Jacques Songo'o

Na Galipedia, a Wikipedia en galego.
Modelo:BiografíaJacques Songo'o

(2022) Editar o valor en Wikidata
Biografía
Nacemento17 de marzo de 1964 Editar o valor en Wikidata (60 anos)
Sackbayene, Camerún Editar o valor en Wikidata
Altura182 cm Editar o valor en Wikidata
Actividade
Ocupaciónfutbolista Editar o valor en Wikidata
Período de actividade1988 Editar o valor en Wikidata -
Nacionalidade deportivaCamerún Editar o valor en Wikidata
Deportefútbol Editar o valor en Wikidata
Posición de xogoGardameta Editar o valor en Wikidata
Traxectoria Editar o valor en Wikidata
  Equipo Número de partidos xogados Puntos/goles/tantos anotados
– Tonnerre Kalara Club de Yaoundé
1984–1989 Canon Sportif de Yaoundé
1989–1993 Sporting Toulon Var 22(0)
1992–1993→ cesión:  Le Mans Football Club 22(0)
1993–1996 Football Club de Metz 101(0)
1996–2001   Deportivo da Coruña 150(0)
2001–2003 Football Club de Metz 26(0)
2003–2004   Deportivo da Coruña 1(0)
  Selección nacional Número de partidos xogados Puntos/goles/tantos anotados
1984–2002   Camerún 98(0)
Participou en
2002Mundial de Fútbol Corea/Xapón 2002
2002Copa de África de Nacións de 2002
1998Mundial de Fútbol Francia 1998
1998Copa de África de Nacións de 1998
1994Mundial de Fútbol Estados Unidos 1994
1992Copa de África de Nacións de 1992
1990Mundial de Fútbol Italia 1990
1988Copa de África de Nacións de 1988
1984Copa de África de Nacións de 1984
1984Xogos Olímpicos de 1984 Editar o valor en Wikidata
Familia
FillosFranck Songo'o, Yann Songo'o Editar o valor en Wikidata
Discogs: 2019945 FIFA: 154644 Editar o valor en Wikidata

Jacques Celestin Songo'o, nado en Sakbayenne (Pouma, Rexión do Litoral, Camerún) o 17 de marzo de 1964, é un exfutbolista camerunés. Xogaba de porteiro e estivo vinculado maiormente ao Deportivo da Coruña.

Traxectoria

[editar | editar a fonte]

Nacido en Sackbayémé, comezou a xogar ao fútbol na canteira do Canon de Yaoundé, un dos clubs máis importantes do Camerún e do continente africano. Xa co primeiro equipo, conquistou a liga camerunesa nas tempadas 1984/85 e 1985/86, así como a Copa do Camerún 1985/86, e as súas boas actuacións levárono á selección camerunesa.

Na tempada 1989/90 foi contratado polo SC Toulon, da Division 1 de Francia, co que debutou nun empate 1-1 ante o Metz o 24 de marzo de 1990.[1] Xogou ata 1992 no club de Toulon, onde coincidiu co seu compatriota Cyrille Makanaky e onde competiu polo posto de titular con Luc Borrelli.[2] Na campaña 1992/93 saíu cedido ao Le Mans, da Division 2, onde foi titular durante a maior parte da competición.

Ao ano seguinte foi fichado polo Metz, no que xogou durante os seguintes tres anos. Titular indiscutible, disputou 120 partidos oficiais. Na súa terceira campaña na Lorena foi o gardameta menos goleado da liga e conquistou a Copa da Liga, despois de derrotar ao Olympique de Lyon na final do Parc dos Príncipes, deténdolle a Marcelo o lanzamento decisivo na quenda de penaltis.[3]

As súas boas actuacións chamaron a atención do Deportivo da Coruña, que o contratou en xuño de 1996.[4] Na súa primeira tempada na Coruña, o equipo galego estaba a vivir un cambio de ciclo na portería, tralas marchas de Liaño e Elduayen, e contaba con outros tres gardametas (Canales, Kouba e Nuno).[5] Songo'o foi o elixido en case tódolos partidos por John Benjamin Toshack e polo seu sucesor no banco, Carlos Alberto Silva, disputando 37 partidos en liga nos que recibiu só 28 goles, gañando o Trofeo Zamora ao gardameta menos goleado do campionato, por diante de Bodo Illgner e César Sánchez.[6]

Continuou como indiscutible na portería coruñesa durante os seguintes tres anos, por diante de Kouba, Nuno, Rufai e Dani Mallo. Na tempada 1999/00 participou da conquista do primeiro e único título de liga na historia do Deportivo, contribuíndo con 36 partidos, nos que encaixou 40 goles. Foi o terceiro mellor rexistro do campionato, superado só por Martín Herrera e Juanmi.[7]

En 2001, Jacques abandonou o Deportivo para volver ao FC Metz, regresando ao club galego na tempada 2003/2004 para retirarse.

Como curiosidade, na tempada 1999/00, anotou un gol ante o Numancia, que supoñía o empate do Deportivo da Coruña, e foille anulado inxustamente por unha falta contra o porteiro que non cometeu.

Actualmente xoga co Deportivo da Coruña de Veteranos, onde conseguiu gañar a Liga e a Copa Indoor 2008.

Selección nacional

[editar | editar a fonte]

Coa selección do Camerún gañou dúas Copas de África, aínda que sendo suplente de Alioum Boukar.

Palmarés

[editar | editar a fonte]

Club

[editar | editar a fonte]
Metz
Deportivo

País

[editar | editar a fonte]

Notas

  1. ↑ "Sporting Club de Toulon et du Var 1-1 FC Metz". Transfermarkt (en inglés). Consultado o 21 de xaneiro de 2024. 
  2. ↑ "François Zahoui : Toulon restera Toulon…" (en francés). Consultado o 21 de xaneiro de 2024. 
  3. ↑ "FCMOL : 5 matches qui ont fait l’histoire" (en francés). 2 de decembro de 2016. Consultado o 21 de xaneiro de 2024. 
  4. ↑ "Llega el nuevo NKono". La Voz de Galicia (en castelán). 7 de xuño de 1996. p. 51. 
  5. ↑ Bouzas, Fabián (18 de outubro de 2017). "El otro póker de porteros que alumbró Riazor". La Voz de Galicia (en castelán). Consultado o 21 de xaneiro de 2024. 
  6. ↑ "Primera División 1996-97". BDFutbol (en castelán). Consultado o 21 de xaneiro de 2024. 
  7. ↑ "Primera División 1999-00". BDFutbol (en castelán). Consultado o 21 de xaneiro de 2024. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Jacques_Songo%27o&oldid=6714361»