Kerli

Kerli

(2012)
Biografía
Nacemento	(et) Kerli Kõiv 7 de febreiro de 1987 (37 anos) Elva, Estonia (pt)
Actividade
Ocupación	cantante, artista musical, compositora de cancións, compositora, pianista, produtora musical
Período de actividade	2002 -
Xénero artístico	Música pop, indie pop, trip hop (pt) , Synthpop, rock alternativo, Dream pop, pop rock, Música industrial, Rock gótico, música para bailar e música electrónica
Influencias	Björk
Instrumento	Piano e voz
Selo discográfico	Island Records Universal Music Group Ultra Music
Sinatura
Sitio web	kerlimusic.com

Kerli Köiv Vazmart, máis coñecida polo seu nome artístico Kerli, nada en Elva (Estonia) o 7 de febreiro de 1987, é unha artista musical estoniana.

Traxectoria

Kerli medrou con poucas comodidades, xunto coa súa única irmá Samantha Köiv Vazmart, e tamén coa forte convicción de que algún día ía cambiar de ambiente. Isto non lle resultou demasiado complexo, e con 14 anos quedou segunda no certame Eurolaul, que clasifica os artistas estonianos para participar no Festival de Eurovisión.

Con estudos en canto, ballet, actuación e piano clásico, Kerli decidiu adicarse de cheo á música, con bos resultados. No 2006 firmou un contrato discográfico con Island/Def Jam, no 2007 lanzou o seu EP debut e no 2008, o seu primeiro álbum de estudio, titulado Love Is Dead. Segundo o sitio web da artista, neste álbum atopamos implícita toda a historia da pequena Kerli, con inicio nunha pequena aldea de Estonia, e tendo que cruza-lo mar cara a Escandinavia para poderse converter nunha artista de verdade.

Dese cambio na súa contorna, Kerli afirma que medrou moito como persoa, xa que na súa terra non se lle permitía amosa-las emocións e, dada a falta de opcións, o seu soño de marchar e facer música foi sempre a súa maneira de evadirse e fuxir.

Outras cancións que podemos atopar no mesmo disco son: "I Want Nothing", "Bulletproof", "Beautiful Day", "Butterfly Cry", "Fragile" e "Hurt Me", cantada xunto coa súa irmá.

«Nunca tiven un soño que non se chegara a realizar» confesou Kerli, cando se dispoñía a viaxar ós Estados Unidos para gravar. «Canto máis grande sexa o soño, máis tempo leva que se faga realidade. No momento no que te deixas levar, é cando algo acode a ti». «Todo o que desexo é ser feliz. Quero facer do amor a miña armadura para que nada me poida ferir».

Gravou tamén dúas cancións para a banda sonora de Alice in Wonderland, "Strange" (xunto con Tokio Hotel) e "Tea party" (cun vídeo musical).

Discografía

Álbums de estudio

Ano	Título	Posición nas listas					Vendas e recoñecementos
		EUA	EST	BEL	ITA	SWI
2008	Love Is Dead Primeiro álbum de estudio Formatos: CD\Descarga dixital	126	1	52	64	92	Vendas nos Estados Unidos: 32,000 Vendas en Estonia: 3,500 Recoñecemento en Estonia: Platino

EPs

Ano	Álbum	Vendas
2007	Kerli EP Lanzamento: 16 de outubro de 2007	5000+
"—" denota que non entrou nas listas ou que non foi lanzado nese país.

Singles

Ano	Singles	Posición máis alta										Álbum
		SWI	BEL	ITA	GER	MTV BAL	AUT	LTV	PL	EST	EU
2008	"Love is Dead"	—	—	—	—	—	—	—	—	67	—	Love Is Dead
	"Walking on Air"	37	32	12	25	5	35	10	20	1	63
2009	"Creepshow"	—	—	—	—	15	—	—	42	15	256
	"Fragile"	—	—	—	—	—	—	—	—	—	—