Kwacha de Malawi
O kwacha de Malawi ("abrente" en bemba) é a moeda oficial de Malawi desde 1971, cando se substituíu a líbra de Malawi. O seu código monetario é ISO 4217: MWK. O kwacha está dividido en 100 tambala ("galos"). O nome da unidade monetaria provén dun antigo lema nacionalista compartido con Zambia: "Un novo abrente de liberdade". Este é o motivo polo que ambas as moedas teñen a mesma denominación (os códigos do kwacha zambiano son ISO 4217: ZMK).
Billetes
[editar | editar a fonte]Os billetes emitidos polo Banco Central corresponden ás denominacións de:
- 20 kwacha (morado)
- 50 kwacha (ciano)
- 100 kwacha (vermello)
- 200 kwacha (azul)
- 500 kwacha (rosa)
- 1000 kwacha (verde)
No ano 2007 emitíronse por derradeira vez os billetes de 5 e 10 kwacha, malia permaneceren en circulación e manteren o seu uso durante un tempo, ata que os bancos os foron retirando paseniño.[1]
Moedas
[editar | editar a fonte]A primeira serie de moedas abranguía os valores de 1 a 20 tambala. Posteriormente, en 1993 engadiuse o facial metálico de 1 kwacha e a principios de 2007 incluíronse dúas novas moedas bimetálicas de 5 e 10 kwacha, que irían substituíndo progresivamente os billetes da mesma denominación. No ano 2012 cuñouse unha nova serie de moedas de 1, 5 e 10 kwacha, de menor tamaño e peso.
Moedas actualmente en uso
[editar | editar a fonte]Estas son as características principais das moedas actualmente en circulación:
| Denominación | Circula desde | Forma | Metal | Diámetro | Canto | Anverso | Reverso |
|---|---|---|---|---|---|---|---|
| 1 kwacha | Aceiro | ||||||
| 5 kwacha | Aceiro | ||||||
| 10 kwacha | Aceiro |
Moedas da segunda serie
[editar | editar a fonte]| Denominación | Circula desde | Forma | Metal | Diámetro | Canto | Deseño no anverso | Deseño no reverso | |
|---|---|---|---|---|---|---|---|---|
| Anel | Centro | |||||||
| 1 tambala | Anos 70 | Circular | Cobre | Liso | Peixe e valor facial | Escudo nacional | ||
| 2 tambala | Anos 70 | Circular | Cobre | Liso | Ave e valor facial | Escudo nacional | ||
| 5 tambala | Anos 70 | Circular | Aceiro | Estriado | Garza e valor facial | Escudo nacional | ||
| 10 tambala | Anos 70 | Circular | Aceiro | Estriado | Millo e valor facial | Hastings Banda | ||
| 20 tambala | Anos 70 | Circular | Aceiro | Estriado | Elefante e valor facial | Hastings Banda | ||
| 50 tambala | 1993 | Heptagonal | Latón | Liso | Cebra e valor facial | Hastings Banda | ||
| 1 kwacha | 1993 | Circular | Latón | Estriado | Aguia e valor facial | Hastings Banda | ||
| 5 kwacha | 2007 | Circular | Níquel | Latón | 27 mm | Estriado | Pescadores e valor facial | Escudo nacional |
| 10 kwacha | 2007 | Circular | Latón | Aceiro | 28 mm | Estriado | Recolectores e valor facial | Escudo nacional |
Notas
[editar | editar a fonte]- ↑ "Malawi Kwacha notes (en inglés)". Arquivado dende o orixinal o 22 de abril de 2014. Consultado o 14 de marzo de 2016.
Véxase tamén
[editar | editar a fonte]Bibliografía
[editar | editar a fonte]- Krause, Chester L. e Clifford Mishler (2002). Standard Catalog of World Coins: (1901-2002). Krause Publications. ISBN 0-87349-401-6.
- Pick, Albert (2009). Standard Catalog of World Paper Money, Modern Issues, 1961-Present. Krause Publications. ISBN 0-87341-207-9.
