Louis Jean Marie Daubenton

Para outras páxinas con títulos homónimos véxase: Daubenton.

Louis-Jean-Marie-Daubenton

Retrato de Daubenton, por A. Roslin (1791)
Nome orixinal	(fr) Louis Jean-Marie Daubenton
Biografía
Nacemento	29 de maio de 1716 Montbard, ducado de Borgoña
Morte	31 de decembro de 1799, ou o 1 de xaneiro de 1800 París
Causa da morte	apoplexía
Cargos Colaborador da Encyclopédie, membro do Colexio de Francia, membro da Academia de Ciencias de Francia, director do Museo Nacional de Historia Natural de Francia, senador de Francia
Datos persoais
Outros nomes	Daubenton
País de nacionalidade	francesa
Formación profesional	Anatomía, Medicina
Educación	Universidade de Reims
Actividade
Campo de traballo	Historia natural
Ocupación	médico, anatomista, mineraloxista e naturalista
Empregador	École nationale vétérinaire d'Alfort (en) (1783–) Collège de France (pt) (1778–1800) Royal garden of medical plants (en)
Membro de	Royal Society (1755–) Academia francesa das ciencias Sociedade Filomática de Paris (pt) Academia Prusiana das Ciencias
Familia
Cónxuxe	Marguerite Daubenton
Irmáns	Pierre Daubenton
Premios
Membro da Royal Society
Sinatura
Descrito pola fonte	Salmonsens Konversationsleksikon (en) Nordisk familjebok Dicionario Enciclopédico Brockhaus e Efron
Lista Membro do Senado Conservador 25 de decembro de 1799 – 31 de decembro de 1799 Director of the Muséum National d'Histoire Naturelle (en) 1793 – 1794 ← Bernardin de Saint-Pierre (pt) – Antoine-Laurent de Jussieu → Lista  membro da Royal Society

Gravado cun retrato de Louis Daubenton, de Adrien Feart.

Monumento a Daubenton, no Parc Buffon de Montbard.

Louis-Jean-Marie D’Aubenton (máis coñecido, simplemente, como Daubenton), nado en Montbard, ducado de Borgoña, o 29 de maio de 1716, e finado en París, o 31 de decembro de 1799, ou o 1 de xaneiro de 1800, foi un médico, anatomista, mineraloxista e naturalista francés.

Traxectoria

Daubenton foi enviado a polo seu pai a París para estudar teoloxía, pero seguiu en segredo cursos de medicina e anatomía.

En 1739, tres anos despois da morte de seu pai, Daubenton instalouse en Reims, en cuxa univesidade doutorouse en medicina en 1741. Despois de obter este grao, volveu á súa cidade natal para exercer a profesión de médico.

Na mesma época, Georges-Louis Leclerc, conde de Buffon, tamén nacido en Montbard e amigo da infancia de Daubenton, chamouno para traballar con el no Xardín do Rei de París, para que o axudara nas tarefas de disección e estudos anatómicos. Daubenton e Buffon traballaron xuntos durante dez anos na Historia natural dos animais.

Daubenton describiu cerca de 200 especies de cuadrúpedes, cunha precisión sen precedentes. Este traballo foi considerado o punto de partida da moderna anatomía comparada.

Daubenton foi un dos primeiros naturalistas en aplicar a anatomía comparada ás especies fósiles, refutando así a suposta existencia de xigantes.

En 1778 Daubenton pasou a ser profesor de historia natural no Colexio de Francia. En 1783, era profesor de economía rural no Colegio d'Alfort e, en 1795, impartiu clases na Escola Normal Superior de París.

Foi elixido membro da Academia de Ciencias de Francia, para a que redactou un gran número de memorias. Escribiu tamén diversos artigos para a Encyclopédie.

Coa Revolución francesa o Gabinete do Rei converteuse no Museo Nacional de Historia Natural de Francia, e Daubenton no seu primeiro director.

Atribúese a Dabubento a naturalización de ovellas españolas en Francia, e publicou varios libros sobre como criar estes animais.

Como médico, recomendou as pílulas de ipecacuaña, que se chamaron na época pílulas de Daubenton.

En decembro de 1799 Daubenton foi elixido membro do Senado, pero morreu pouco despois a causa dunha crise de apoplexía.

Filosofía natural

Ao igual que Buffon, Daubenton desconfiaba do carácter obxectivo da sistemática, especialmente da linneana, e defendía construíla a partir da organización completa dos animais e non de certos caracteres.

Pero a diferenza de Buffon, rexeitaba o gradualismo na escala dos seres e mantiña unha visión da xerarquía animal moito máis estática. O seu concepto de especie, fundamentado na constancia dos caracteres morfolóxicos, era tipolóxico.

De aí tamén que a anatomía comparada xogase na súa obra un papel moito máis fundamental que na de Buffon.

Obra principal

• Instruction pour les bergers et pour les propriétaires de troupeaux (1782).

Honores

Eponimia

• Unha rúa de París achegada ao Xardín das Plantas leva o seu nome.
• Unha estación do metro parisiense, a Estación de Censier-Daubenton (liña 7).
• Unha rúa de Dijon tamén leva o seu nome.
• unha rúa de Roubaix así mesmo leva o seu nome.
• Un morcego: Myotis daubentonii.
• Unha familia de primates, a dos Daubentoniidae,
  • E a especie Daubentonia madagascariensis, tipo desta familia.

Véxase tamén

Bibliografía

• Alter, Anna & Philippe Testard-Vaillant (2003): Guide du Paris savant. París: Éditions Belin. ISBN 2-7011-3582-6.
• Bouillet, Marie-Nicolas & Alexis Chassang, dir. (1878): "Daubenton (L. J. Marie)" no Dictionnaire universel d'histoire et de géographie.
• Flourens, Pierre & Georges-Louis Leclerc, conde de Buffon (1869): Des manuscrits de Buffon, avec des facsimile de Buffon et de ses collaborateurs. (Ler en liña).
• Schmitt, Stéphane (2006): Aux origines de la biologie moderne. L'anatomie comparée d'Aristote à la théorie de l'évolution. París: Éditions Belin. ISBN 978-2-7011-3511-3.

Ligazóns externas

• Retrato
• Bibliografía relacionada con Louis Jean Marie Daubenton no catálogo da Biblioteca Nacional de Alemaña.