Monzón, Huesca

Monzón, Huesca

Monzón (es)
Localización
41°54′00″N 0°11′00″L
Estado	España
Comunidade autónoma	Aragón
Provincia	Provincia de Huesca
Capital de	Cinca Medio
Capital	Monzón (en)
Contén a división administrativa	Conchel (pt) Monzón (en) Q13049883 Selgua (pt)
Poboación
Poboación	17.839 (2023) (115,07 hab./km²)
Xeografía
Diocese	Diocese católica latina de Barbastro-Monzón
Superficie	155,022476 km²
Altitude	273 m
Comparte fronteira con	Binéfar Ilche Castejón del Puente Almunia de San Juan Peralta de Alcofea Pueyo de Santa Cruz San Miguel del Cinca Binaced San Esteban de Litera
Datos históricos
Evento clave 1089 Siege of Monzón (en) 1642 siege of Monzon (en) 19 de maio de 1642 Siege of Monzón (en)
Organización política
• Alcaldesa	Rosa Maria Lanau Morancho
Identificador descritivo
Código postal	22400
Fuso horario	UTC+01:00
Código INE	22158
Outro
Irmandado con	Muret Barcelona Elx
Páxina web	monzon.es

Monzón é un concello aragonés, pertencente á provincia de Huesca, situado na comarca do Cinca Medio. En 2008 tiña 17.050 habitantes.

Xeografía

A localidade de Monzón, de 155 km² de superficie, érguese xunto dos ríos Cinca e Sosa, baixo un castelo, que se levanta no alto dun outeiro. Monzón está atravesado pola estrada N-240 e máis polo camiño de ferro Madrid - Barcelona. Posúe importantes industrias químicas.

Historia

A cidade espallouse baixo o amparo do castelo, que a domina desde o alto.

Na época de dominación musulmá se disputaban Monzón os Banu Sabrit de Huesca e os Banu Qasi de Lleida. No século XI pertencía á liñaxe dos Banu Hud, sosténdose que foi tomada polo Cid en 1083. Aos cristiáns cumpríalles conquistar Monzón para cortar as comunicacións entre os reinos taifas de Zaragoza e Lleida.

O infante Pedro tomou Monzón en 1089, cando aínda reinaba seu pai Sancho Ramírez de Aragón. Sancho Ramírez creou entón o Reino de Monzón para o infante, o futuro Pedro I, antes de que fose rei de Aragón. En 1143 pasou a pertencer aos templarios.

Durante a Guerra de Cataluña, no reinado de Filipe IV de España, foi tomado no 1642 polas tropas franco-catalás, dirixidas por Philippe de La Motte Houdancourt. No ano seguinte polas tropas castelás de Felipe da Silva.

Nome

Sostense que provén de Monte de Sión, nome que serviría para ilustrar as relacións dos templario e as cruzadas en Terra Santa. Porén o nome é anterior a eles. Como outras localidades de Portugal, Italia ou Francia, Monzón provén do latín *MONTIONE(M), un aumentativo / afectivo de monte(m), acusativo de MONS, MONTIS "monte", posibelmente en alusión ao outeiro sobre o que se ergue a fortaleza da localidade.

Monumentos

• O castelo construído polos templarios, sobre unha fortaleza anterior árabe.
• Catedral de Santa María do Romeral, dos séculos XII e XIII.
• Convento de San Francisco, habitado até 1835 (actualmente é a sede do Conservatorio Profesional e máis do auditorio de Monzón).
• Ermida da virxe da Alegría, do século XVII.
• Casa do Concello, dos séculos XVI-XVII.
• Porta de Luzán.
• Muralla románica.

Festas

• San Mateo (Festas Maiores), o 21 de setembro.
• Luns de Pascua, romaría na ermida de Nosa Señora do Enfuelgo.