The Hives
| The Hives | |
|---|---|
 Howlin' Pelle Almqvist no Southside Festival 2004 | |
| Orixe | Fagersta, Suecia  |
| Período | 1993 - presente |
| Xénero(s) | punk rock, garage rock revival |
| Selo(s) discográfico(s) | Universal Music, Polydor, Interscope |
| Membros | Howlin' Pelle Almqvist Nicholaus Arson Vigilante Carlstroem Dr. Matt Destruction Chris Dangerous |
| Na rede | |
| https://www.thehives.com | |
                 | |
The Hives é unha banda sueca de rock formada na cidade de Fagersta. Chegaron ao grande público coa edición do seu recompilatorio de grandes éxitos Your New Favourite Band, que contén o seu tema máis coñecido, "Hate to Say I Told You So". Un trazo característico da banda son os traxes brancos e negros que usan os seus membros nos directos.
Historia
[editar | editar a fonte]Comezos
[editar | editar a fonte]A banda afirma que se formou en 1993 (aínda que foi en 1989 cun nome e cun son distinto) baixo a dirección de Randy Fitzsimmons. Fitzsimmons suxeríulles que creasen unha banda de garage rock. Fitzsimmons actúa como o compositor e Svengali do grupo. A banda gravou unha demo titulada Sounds Like Sushi en 1994 e o ano seguinte asinaron con Bleeding Heart, un selo sueco de skate punk. Un ano despois editaron o seu EP de estrea, Oh Lord! When? How?, e Almqvist decidiu promocionar a banda á discográfica Burning Heart.
En 1997 The Hives lanzaron o seu álbum de estrea Barely Legal (por un dos primeiros nomes artísticos do guitarrista Vigilante Carlstroem), e comezaron unha xira. O ano seguinte editaría on seu segundo EP A.K.A. I-D-I-O-T.
Veni Vidi Vicious e Your New Favourite Band
[editar | editar a fonte]No mes de abril do ano 2000 aparecería o seu segundo álbum, titulado Veni Vidi Vicious, editado a través do selo Warner Music Group. A propia banda describiu o disco como "unha luva de veludo con puños americanos, brutal e sofisticado ao mesmo tempo". Do álbum sacáronse os sinxelos "Hate to Say I Told You So", "Main Offender", "Die, All Right!" e "Supply & Demand".
Despois de ver o vídeo de "Hate to Say I Told You So" na televisión alemá, Alan McGee (Oasis, Creation Records) decidiu levar a banda ao seu recentemente creado selo Poptones. Poptones editou o recompilatorio de grandes éxitos Your New Favourite Band no ano 2001, sendo este o traballo que os faría coñecidos, ao acadar o número 7 da lista británica de álbums. Despois do seu éxito, a banda re-editou os sinxelos "Hate to Say I Told You So" e "Main Offender" que conseguiron chegar aos portos 23 e 24 respectivamente na lista británica de sinxelos. O grupo tamén reeditou Veni Vidi Vicious nos Estados Unidos.
Durante a promoción de Veni Vidi Vicious e Your New Favourite Band The Hives conseguiu un contrato con Universal Music. Este feito levou a unha disputa entre a banda e Burning Heart, que afirmaba que The Hives asinara por un álbum máis no seu acordo.
Tyrannosaurus Hives
[editar | editar a fonte]Despois dunha extensa xira, a banda regresou a Fagersta para gravar o seu terceiro álbum. O resultado foi Tyrannosaurus Hives, o seu primeiro material novo en catro anos. Este álbum incluía os exitosos sinxelos "Walk Idiot Walk" (que se estreou no número 13 das listas británicas), "Two-Timing Touch and Broken Bones" (que entrou no top 50) e "A Little More for Little You". Os temas "B is for Brutus" e "No Pun Intended" apareceron no videoxogo Gran Turismo 4 e SSX On Tour respectivamente. No ano 2006 a súa canción "Diabolic Scheme" usouse na película de vampiros Frostbiten.
The Black and White Album
[editar | editar a fonte]
O sitio web de The Hives foi reformado na segunda semana de agosto do 2007, aparecendo cun novo deseño. A páxina revelaba a portada e o título do primeiro sinxelo, "Tick Tick Boom", do seu novo álbum, que sería lanzado o 14 de agosto nos Estados Unidos e o 8 de outubro no Reino Unido. A datas de edición do novo traballo, The Black and White Album, serían o 15 de outubro no Reino Unido polo selo Polydor e o 13 de novembro nos Estados Unidos polo A&M/Octone.
The Hives apareceron con ese primeiro sinxelo nun anuncio da marca deportiva Finish Line, e nun anuncio de Nike coa canción "Return The Favour". O seu tema "Try It Again" apareceu nun trailer da película estadounidense Get Him To The Greek. "Tick Tick Boom" sería usado en máis anuncios, incluídos o da tempada 2007 da canle NFL Network, o da serie da CBS Jericho, a serie Burn Notice, e tamén as películas Jumper, MacGruber e Get Smart, e ademais foi a sintonía oficial das Survivor Series 2007.
O 2 de outubro do 2008 Nicholaus Arson puxo unha entrada no diario da páxina da banda dicindo que os membros íanse tomar un descanso despois de que rematase a xira de presentación de The Black and White Album.
O 2 de xullo do 2010, a banda editou un EP titulado Tarred and Feathered, onde versionan os temas "Civilization's Dying" de Zero Boys, "Nasty Secretary" de Joy Rider & Avis Davis e "Early Morning Wake Up Call" de Flash and the Pan.
Membros
[editar | editar a fonte]- Howlin' Pelle Almqvist (nome real Pelle Almqvist): voz.
- Nicholaus Arson (nome real Niklas Almqvist): guitarra.
- Vigilante Carlstroem (nome real Mikael Karlsson Åström): guitarra.
- Dr. Matt Destruction (nome real Mattias Bernvall): baixo.
- Chris Dangerous (nome real Christian Grahn): batería.
Discografía
[editar | editar a fonte]Álbums
[editar | editar a fonte]| Álbum | Ano | Selo |
|---|---|---|
| Barely Legal | 1997 | Burning Heart Records |
| Veni Vidi Vicious | 2000 | Burning Heart Records |
| Tyrannosaurus Hives | 2004 | No Fun, Interscope, Polydor |
| The Black and White Album | 2007 | A&M Octone, Polydor |
| Lex Hives | 2012 | Disques Hives |
| The Death of Randy Fitzsimmons | 2023 | Disques Hives |
EPs
[editar | editar a fonte]- Oh Lord! When? How? - 1996 (Sidekicks Records)
- A.K.A. I-D-I-O-T - 1998 (Burning Heart)
- A Killer Among Us - 1998 (Hard-On Records)
- Tarred and Feathered - 2010 (No Fun AB)
Recompilatorios
[editar | editar a fonte]- Your New Favourite Band - 2001 (Poptones/Burning Heart/Epitaph/Sire/Reprise)
