Անտառային կաչաղակ

Ճայ (լատին․՝ Garrulus glandarius, ճնճղուկազգիների կարգի ագռավների ընտանիքի թռչուն։

Արտաքին տեսք

Ճայի կռնչոց

Մարմնի երկարությունը 34 սմ է, քաշը՝ մինչև 160 գ։ Ճակատը սպիտակավուն է, գագաթը՝ սև, մարմինը՝ բաց մոխրաշիկավուն, պոչը՝ սպիտակ։

Թևի վերին մեծ ծածկափետուրները երկնագույն են, սև շերտերով, առաջին կարգի թափահարող փետուրները՝ սև։ Բնադրում է ծառերին, դնում 5 - 7 խայտաբղետ ձու։ Թխսում է և՛ էգը, և՛ արուն, թուխսի գործընթացը տևում է 16 - 17 օր։ Տարածված է Եվրոպայում, Ասիայում, Աֆրիկայի հյուսիսարևմուտքում, Ռուսատանում, Ուկրաինայում՝ հիմնականում Ղրիմի, ինչպես նաև Կովկասյան անտառներում։

Հայաստանի Հանրապետության անտառներում և այգիներում հանդիպում է կովկասյան ճայը։ Սնվում է միջատներով ու թրթուրներով, հատապտուղներով, նսերմերով, անտառներում՝ հիմնականում կաղինով, որը ձմռան համար թաղում է հողում և այդպիսով նպաստում կաղնու տարածմանը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։