Եվմենոս II
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Եվմենես II (մ.թ.ա. 197-159 թթ.), Պերգամոնի կառավարիչ, որի օրոք Պերգամոնի թագավորությունը հասել է իր հզորության գագաթնակետին, իսկ Պերգամոն քաղաքը սկսել է մրցակցել Ալեքսանդրիայի հետ հելլենիստական մշակույթի կենտրոն կոչվելու համար։
| Եվմենոս II | |
| Εὐμένης Β' τῆς Περγάμου | |
 | |
| Պերգամոն-ի 5-րդ արքա | |
| Ստանձնեց պաշտոնը՝ | մ.թ.ա. 197 |
|---|---|
| Լքեց պաշտոնը՝ | մ.թ.ա. 159 |
| Այլ տիտղոսներ՝ | Զորահրամանատար |
| Նախորդող՝ | Ատտալոս I |
| Հաջորդող՝ | Ատտալոս II |
| Ծննդյան օր՝ | մ. թ. ա. 221 |
| Վախճանի օր՝ | մ. թ. ա. 159 |
| Ամուսին ՝ | Ստրատոնիկա Պերգամացի |
| Երեխաներ՝ | 1-ին կնոջից երեխա չունի, 2-րդ կնոջից` Ատտալոս III |
| Դինաստիա՝ | Ատտալյան դինաստիա |
| Հայր՝ | Ատտալոս I Սոտեր |
| Մայր՝ | Ապոլոնիս |
Եվմենոսը շարունակել է հոր քաղաքականությունը՝ դաշնակցել Հռոմի հետ սիրիացիների ու մակեդոնացիների դեմ։ Մ.թ.ա. 190 թ.-ին Մագնեսիայի ճակատամարտում ջախջախել է Սելևկյաններին և տիրացել նրանց փոքրասիական տիրույթներին ու Թրակիական Խերսոնեսին։ Մ.թ.ա. 176 թվականին Սելևկյան գահին հաստատեց Անտիոքոս IV Եպիփանեսին։ Դրանից հետո Եվմենեսը հայացքը թեքել է հյուսիս և ոազմական գործողություններ սկսել Պոնտոսի և Բութանիայի դեմ, որի կողմում էր ինքը՝ Հաննիբալը։ Երրորդ Մակեդոնյան պատերազմի ժամանակ դաշնակցել է հռոմեացիներին և Հռոմի հետ կապերը սերտացնելու համար մ.թ.ա. 172 թվականին այցելել է Հռոմ։
Եվմենոսի կառավարման տարիներին են կառուցվել Պերգամոնի ակրոպոլիսի համարյա բոլոր սքանչելի շինությունները, նաև հանրահայտ Զևսի զոհասեղանը (Պերգամյան զոհասեղան)։ Նրա օրոք Պերգամի գրադարանը սկսել է մրցակցել Ալեքսանդրիայի գրադարանի հետ, ինչը ստիպել է Պտղոմեոսյաններին արգելել պապիրուսի արտահանումը Եգիպտոսից։ Ի պատասխան այս քայլի պերգամցիները հայտնագործել են նոր տեսակի նյութ՝ մագաղաթ (պերգամենտ)։
 | Վիքիպահեստն ունի նյութեր, որոնք վերաբերում են «Եվմենոս II» հոդվածին։ |