Արմինե Անդա

Արմինե Անդա;
Ծնվել է	ապրիլի 7, 1965 (59 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	Երևանի թատրոնի և կինոյի պետական ինստիտուտ
Մասնագիտություն	դերասանուհի, գրող և պրոդյուսեր

Արմինե Անդա (Արմինե Աբրահամյան, ապրիլի 7, 1965(1965-04-07), Երևան, Հայկական ԽՍՀ, ԽՍՀՄ), հայ դերասանուհի, գրող, պրոդյուսեր։

Կենսագրություն

Արմինե Աբրահամյանը ծնվել է 1965 թվականի ապրիլի 7-ին, Երևանում։ Ավարտել է Երևանի թատրոնի և կինոյի պետական ինստիտուտը։ Աշխատել է թատրոնում որպես դերասանուհի, հեռուստատեսությունում եղել է մանկական հաղորդաշարի հեղինակ, ռեժիսոր և վարող, ներկայացրել է իր հեքիաթները, հանդես եկել հեքիաթասացի ու տարբեր հերոսների դերերում^[1]։

Արմինե Անդայի առաջին սցենարա-պրոդյուսերական «Բոժոն» անիմացիոն կարճամետրաժ ֆիլմը (ռեժիսոր՝ Միքայել Վաթինյան) մասնակցել է տարբեր միջազգային կինոփառատոների և ստացել մրցանակներ։ «Ժաննան և ձայները» (ռեժիսոր՝ Միքայել Վաթինյան) լիամետրաժ խաղարկային ֆիլմի համաշխարհային պրեմիերան տեղի է ունեցել 2011 թվականին Հարավային Կորեայում՝ Պուսանի միջազգային կինոփառատոնի պաշտոնական մրցույթում, եվրոպական պրեմիերան՝ Շվեդիայում՝ Գյոթեբորգի միջազգային կինոփառատոնում։ Ֆիլմն ունեցել է պաշտոնական ցուցադրություններ նաև Ավստրիայի, ԱՄՆ-ի, Բելառուսի, Ուկրաինայի, Էստոնիայի, Վրաստանի և Հայաստանի լավագույն կինոփառատոներում։ Ֆիլմում հանդես է եկել որպես համասցենարիստ, պրոդյուսեր և գլխավոր դերակատար^[1]։

Նկարահանվել է նաև հայկական և արտասահմանյան կարճամետրաժ և լիամետրաժ ֆիլմերում՝ Ատոմ Էգոյանի «Լուսավորիչ», Է. Բաղդասարյանի «Ներում», «Դու գնա», Ն. Շեկի «2 աշխարհից ի հիշատակ», Մարիա Սահակյանի «Այդ ես չեմ», Միքայել Վաթինյանի «Ժաննան և ձայները», «Տաքսի «Էլի լավ ա»», Հ. Ռազավիի «Ականջօղ» և իր նկարահանած «Քամին փչում է»։ Մարիա Սահակյանի «Այդ ես չեմ» ֆիլմի իր դերակատարման համար ստացել է Հայաստանի ազգային կինոմրցանակաբաշխության «2-րդ պլանի լավագույն դերասանուհի» մրցանակ^[1]։

Արմինե Անդան հեղինակել է հեքիաթի մի քանի գիրք, որոնք լույս են տեսել իր նկարազարդումներով, ինչպես նաև 30 տպագրություններ գրական և մանկական մամուլում։ Նրա առաջին գիրքը՝ «Անկիմյուրի բնակիչները» հեքիաթ-վեպի 1-ին մասը, տպագրվել է 2002 թվականին՝ «Մուտք» մատենաշարով։ 2011 թվականին գրքի համար արժանացել է «Օրանժ» գրքի մրցանակի^[1]^[2]։

Ֆիլմագրություն

Որպես դերասան

Հեղինակ	Ֆիլմ
Ատոմ Էգոյան	«Լուսավորիչ»
Է. Բաղդասարյան	«Ներում»
Է. Բաղդասարյան	«Դու գնա»,
Ն. Շեկ	«2 աշխարհից ի հիշատակ»
Մարիա Սահակյան	«Այդ ես չեմ»
Միքայել Վաթինյան	«Ժաննան և ձայները»^[3]
	«Տաքսի «Էլի լավ ա»»
Հ. Ռազավի	«Ականջօղ»
Արմինե Անդա	«Քամին փչում է»^[4]

Որպես պրոդյուսեր, սցենարիստ

Ֆիլմ	Հանդես է եկել որպես
«Քամին փչում է»	Պրոդյուսեր
«Ժաննան և ձայները»^[5]	Սցենարիստ

Ծանոթագրություններ

↑ ^1,0 ^1,1 ^1,2 ^1,3 Արմինե Անդայի մասին zarkfoundation.com կայքում
↑ «Արմինե Անդա. «Անկիմյուրի բնակիչները»». ImYerevan.com. Արխիվացված է օրիգինալից 2019 թ․ ապրիլի 13-ին. Վերցված է 2019 թ․ ապրիլի 7-ին.
↑ «Հայաստանի ազգային կինոկենտրոն». ncca.am. Արխիվացված է օրիգինալից 2018 թ․ նոյեմբերի 26-ին. Վերցված է 2019 թ․ ապրիլի 7-ին.
↑ «Քամին փչում է». www.old.gaiff.am. Արխիվացված է օրիգինալից 2019 թ․ ապրիլի 7-ին. Վերցված է 2019 թ․ ապրիլի 7-ին.
↑ «Արմինե Անդա. «Մարդկությանը պակասում է ուղղակի հավատալու ֆենոմենը»». Վերցված է 2019 թ․ ապրիլի 7-ին.

Արտաքին հղումներ

Ես չեմ հավատում, որ կա ճշմարտություն առանց երազանքի

[zarkfoundation-1] 1,0 ^1,1 ^1,2 ^1,3 Արմինե Անդայի մասին zarkfoundation.com կայքում

[2] «Արմինե Անդա. «Անկիմյուրի բնակիչները»». ImYerevan.com. Արխիվացված է օրիգինալից 2019 թ․ ապրիլի 13-ին. Վերցված է 2019 թ․ ապրիլի 7-ին.

[3] «Հայաստանի ազգային կինոկենտրոն». ncca.am. Արխիվացված է օրիգինալից 2018 թ․ նոյեմբերի 26-ին. Վերցված է 2019 թ․ ապրիլի 7-ին.

[4] «Քամին փչում է». www.old.gaiff.am. Արխիվացված է օրիգինալից 2019 թ․ ապրիլի 7-ին. Վերցված է 2019 թ․ ապրիլի 7-ին.

[5] «Արմինե Անդա. «Մարդկությանը պակասում է ուղղակի հավատալու ֆենոմենը»». Վերցված է 2019 թ․ ապրիլի 7-ին.

[1]

[2]

[3]

[4]

[5]