Գրեյս և Ֆրենկի
Գրեյս և Ֆրենկի | |
|---|---|
| Ժանր | սիթքոմ, կատակերգական հեռուստասերիալ և ԼԳԲՏ թեմայով հեռուստասերիալ |
| Ստեղծող | Marta Kauffman? |
| Երկիր |  ԱՄՆ[1] |
| Լեզու | անգլերեն |
| Ռեժիսոր | Թեյթ Թեյլոր |
| Գլխավոր դերերում | Ջեյն Ֆոնդա, Լիլի Թոմլին, Սեմ Ուոթերսթոն, Մարտին Շին, Բրուքլին Դեքեր, Իթան Էմբրի, Ջուն Դայեն Ռաֆայել և Baron Vaughn? |
| Եթերաշրջանների քանակ | 7 |
| Սերիաների քանակ | 94 |
| Էկրաններին է | մայիսի 8, 2015[2]-ից ապրիլի 29, 2022-ը |
| Հեռուստաալիք | Նեթֆլիքս[2] |
| Դիստրիբյուտոր | Նեթֆլիքս |
| Պատկերի ձևաչափ | 16:9 |
| Պաշտոնական կայքէջ | |
«Գրեյս և Ֆրենկի» (անգլ.՝ Grace and Frankie), ամերիկյան կատակերգական սերիալ, որն ստեղծել են Մարթա Քաուֆմանը և Հովարդ Ջ․ Մորիսը Նեթֆլիքսի համար։ Սյուժեի կենտրոնում Գրեյսն է (Ջեյն Ֆոնդա) և Ֆրենկին (Լիլի Թոմլին), որոնց կյանքերը հատվում են այն բանից հետո, երբ նրանց ամուսինները հայտնում են, որ սիրում են միմյանց և ծրագրում են ամուսնանալ։ Երկրորդական պլանի դերերը կատարել են Սեմ Ուոթերսոնը, Մարտին Շինը, Բրուքլին Դեքերը, Իթան Էմբրին, Ջուն Դայան Ռաֆայելը և Բարոն Վոնը։ Շոուի՝ 13 սերիայից բաղկացած առաջին եթերաշրջանի պրեմիերան Նեթֆլիքսում կայացել է 2015 թվականի մայիսի 8-ին։ Երկրորդ, երրորդ, չորրորդ, հինգերորդ և վեցերորդ եթերաշրջանները, որոնք դարձյալ բաղկացած էին 13 սերիայից, թողարկվել են համապատասխանաբար 2016 թվականի մայիսի 6-ին, 2017 թվականի մարտի 24-ին, 2018 թվականի հունվարի 19-ին, 2019 թվականի հունվարի 18-ին և 2020 թվականի հունվարի 15-ին։
Թեև սկզբում կային քննադատների տարաբնույթ արձագանքներ, սերիալի վերջին եթերաշրջաններն առավել դրական են ընդունվել։ Ֆոնդան և Թոմլինը պրայմ թայմ «Էմմի» մրցանակի «Լավագույն դերասանուհի կատակերգական սերիալում» անվանակարգում ստացել են հինգ առաջադրում, ինչպես նաև Թոմլինն առաջադրվել է Ոսկե գլոբուսի՝ հեռուստատեսային սերիալում (կատակերգություն կամ մյուզիքլ) կնոջ լավագույն դերի համար։
2019 թվականի սեպտեմբերի 4-ին սերիալը երկարացվել է 16 էպիզոդներից բաղկացած յոթերորդ և եզրափակիչ եթերաշրջանով՝ դրանով իսկ շոուն դարձնելով սթրիմինգ-ծառայության պատմության մեջ ամենաերկար սերիալը[3]։
Սյուժե
[խմբագրել | խմբագրել կոդը]Գրեյսն ու Ֆրենկին պատկառելի տարիքի կանայք են, որոնք երկար տարիներ միմյանց թշնամի են եղել։ Ոչ ոք երբեք չէր էլ կարող պատկերացնել նրանց իբրև ընկերներ, բայց անսպասելի լուրը փոխում է ամեն ինչ։ Հին թշնամիները մտերմացել են, երբ իմացել են, որ իրենց ամուսինները սիրահարվել են միմյանց և ցանկանում են որքան հնարավոր է շուտ պաշտոնապես գրանցել իրենց հարաբերությունները։
Դերասանական կազմ
[խմբագրել | խմբագրել կոդը]Հիմնական կազմ
[խմբագրել | խմբագրել կոդը]- Ջեյն Ֆոնդա՝ Գրեյս Հենսոն (ի ծնե Փյորսել)
- Լիլի Թոմլին՝ Ֆրենկի Բերգսթայն (ի ծնե Մենգելա)
- Մարտին Շին՝ Ռոբերտ Հենսոն
- Սեմ Ուոթերսո՝ Սոլ Բերգսթայն
- Ջուն Դայան Ռաֆայել՝ Բրիաննա Հենսոն
- Բրուքլին Դեքերը՝ Մելորի Հենսոն
- Իթան Էմբրի՝ Կոյոտ Բերգսթայն
- Բարոն Վոն՝ Նվաբադյուկ «Բադ» Բերգսթայն
Երկրորդական կազմ
[խմբագրել | խմբագրել կոդը]- Փիթեր Քեմբոր՝ Բարի
- Քրեիգ Թեոդոր Նելսոն՝ Գայ
- Էռնի Հադսոն՝ Ջեյքոբ
- Ջոֆ Ստուլց՝ Միտչ
- Թիմ Բեգլի՝ Փիթեր
- Մայքլ Չարլզ Ռոման՝ Ադամ
- Բրիտանի Իսիբասի՝ Էրիկա
- Էսթել Փարսոնս՝ Բեյբ
- Սեմ Էլիոթ՝ Ֆիլ Միլսթայն
- Մարշա Մեյսոն՝ Արլին
- Միլիսենտ Մարտին՝ Ջոան-Մարգարետ
- Լինդսի Քրաֆթ՝ Էլիսոն
- Փիթեր Գալահեր՝ Նիք Սկոլկա
- Ջեք Պլոտնիկ՝ Փոլ
- Մեգան Ֆերգյուսոն՝ Նադիա
- Սքոթ Էվանս՝ Օլիվեր
- Սթեյսի Ֆարբեր՝ Ջո
- Մարկ Դեքլին՝ Ռոյ
- Լիզա Կուդրոու՝ Շերի
Եթերաշրջաններ
[խմբագրել | խմբագրել կոդը]| Եթերաշրջան | Սերիաներ | Թողարկման ամսաթիվ | ||
|---|---|---|---|---|
| 1 | 13 | 2015 թվականի մայիսի 8 | ||
| 2 | 13 | 2016 թվականի մայիսի 6 | ||
| 3 | 13 | 2017 թվականի մարտի 24 | ||
| 4 | 13 | 2018 թվականի հունվարի 19 | ||
| 5 | 13 | 2019 թվականի հունվարի 18 | ||
| 6 | 13 | 2015 թվականի հունվարի 15 | ||
Ծանոթագրություններ
[խմբագրել | խմբագրել կոդը]- ↑ Fernsehserien.de (գերմ.)
- ↑ 2,0 2,1 2,2 First Look: Jane Fonda, Lily Tomlin in Netflix’s ‘Grace and Frankie’ // Variety — New York, Los Angeles, CA: Variety Media, Penske Media Corp., 2015. — ISSN 0042-2738
- ↑ Otterson, Joe (2019 թ․ սեպտեմբերի 4). «'Grace and Frankie' to End With Season 7 on Netflix». Variety (անգլերեն).
| ||||||||||||||
