Եվգենյա Գապչինսկայա

Եվգենյա Գապչինսկայա
Ծնվել է	նոյեմբերի 15, 1974(1974-11-15) (49 տարեկան)
Ծննդավայր	Խարկով, Ուկրաինական ԽՍՀ
Քաղաքացիություն	Ուկրաինա
Կրթություն	Խարկովի գեղարվեստի ինստիտուտ և Նյուրնբերգի գեղարվեստի ակադեմիա
Մասնագիտություն	նկարչուհի
Կայք	gapart.com
Evgenia Gapchinskaya Վիքիպահեստում

Եվգենյա Գեննադիևնա Գապչինսկայա (ուկրաիներեն՝ Євгенія Геннадіївна Гапчинська, նոյեմբերի 15, 1974(1974-11-15), Խարկով, Ուկրաինական ԽՍՀ), ուկրաինացի նկարիչ-գեղանկարիչ, մանկական գրականության նկարազարդող։

Կենսագրություն

Եվգենյա Գապչինսկայան ծնվել է 1974 թվականի նոյեմբերի 15-ին Խարկովում, զինվորականի ընտանիքում։ Ընտանիքի հինգերորդ երեխան է եղել։ Հինգ տարեկանում հաճախել է դպրոց, իսկ 13 տարեկանում դարձել Խարկովի արվեստի ուսումնարանի ուսանողուհի։ Ավարտել է Խարկովի արվեստի ինստիտուտը, վերապատրաստվել է Նյուրնբերգի գեղարվեստի ակադեմիայում, 2000 թվականին տեղափոխվել է Կիև։ Գեղարվեստական և ցուցահանդեսային գործունեությունը սկսել է 2002 թվականից։ Նկարչուհին համագործակցում է «A-ba-ba-ha-la-ma-ga» հրատարակչության հետ, մասնավորապես՝ նկարազարդել է Իվան Մալկովիչի «Լիզան և նրա երազանքները» գիրքը։ Ամեն տարի անցկացնում է մեկ տասնյակից ավելի ցուցահանդեսներ Ուկրաինայում, Ռուսաստանում, Ֆրանսիայում, Բելգիայում, Անգլիայում, Նիդեռլանդներում և այլ երկրներում։ Ունի մի քանի սեփական պատկերասրահ Ուկրաինայում և Ռուսաստանում։ Նրա աշխատանքները պահվում են եվրոպական թանգարաններում և արվեստի գիտակների ու նկարիչների մասնավոր հավաքածուներում։

2010 թվականին «Խելացի երեխա» հրատարակչության (Ուկրաինա) «Ծովահենների պատմություններ» գիրքը, որը նկարազարդել է Եվգենյա Գապչինսկայան, ընդգրկվել է «White Ravens 2010» աշխարհի լավագույն մանկական գրքերի պատկերագրքում, որը հրատարակվել է Մյունխենի միջազգային մանկական գրադարանի կողմից։

Ուկրաինայի արևելքում զինված հակամարտության ժամանակ Գապչինսկայան իր վրա է վերցրել ուկրաինական բանակի դասակի ապահովումը, որտեղ ծառայել է իր ամուսինը՝ նկարիչ Դմիտրի Գապչինսկին։ Ըստ նկարչի, ամեն օր նա ուղարկել է ամբողջ դասակին անհրաժեշտ ամեն ինչ։

Նկարչի աշխատանքները նամականիշերի վրա

2008 թվականին «Ուկրպոշտա»-ն թողարկել է 12 փոստային նամականիշերի «Կենդանակերպի նշաններ» շարքը՝ Եվգենյա Գապչինսկայի ստեղծագործություններով։

Արտաքին հղումներ

• Персональный сайт Евгении Гапчинской Արխիվացված 2011-03-05 Wayback Machine
• Украинский сайт издательства А-ба-ба-га-ла-ма-га
• Русский сайт издательства А-ба-ба-га-ла-ма-га Արխիվացված 2017-12-09 Wayback Machine
• Художница Евгения Гапчинская: «О том, что мои картины купил Лучано Паваротти или какие-то другие знаменитости, я как-то не думаю»
• Зеркало недели. 2006. № 22 (601), 10—16 июня. Евгения Гапчинская: «Я мыслю этими человечками». Автор: Яна Дубинянская(չաշխատող հղում)
• Афиша. Ру: Галерея Евгении Гапчинской «Счастье»
• Картины счастья — https://web.archive.org/web/20160126044136/http://artimes.esy.es/golovna/9-kartini-shchastya

Վիքիպահեստն ունի նյութեր, որոնք վերաբերում են «Եվգենյա Գապչինսկայա» հոդվածին։