Ընդհատակյա հերոս գործիչների պուրակ (Տագանրոգ)
 ռուս.՝ Сквер Героев подпольщиков | |
|---|---|
 | |
| Տեսակ | պուրակ |
| Երկիր |  Ռուսաստան |
| Վարչատարածք | Տագանրոգ |
  | |
.svg) | |
Ընդհատակյա հերոս գործիչների պուրակ (ռուս.՝ Сквер Героев подпольщиков), պուրակ Ռուսաստանի Դաշնության Ռոստովի մարզի Տագանրոգ քաղաքում։ Գտնվում է Սպարտակի նրբանցքում[1]։
Պատմություն
[խմբագրել | խմբագրել կոդը]Պատմական փաստաթղթերը պահպանել են 1806 թվականի տեղեկություն, համաձայն որի՝ 1805-1809 թվականներին Տագանրոգի քաղաքագլուխ, հետագայում՝ Ռուսական կայսրության պետական հսկիչ բարոն Բալտազար Բալտազարովիչ Կամպենհաուզենը (1772-1823) ասել է, որ քաղաքում քիչ են ուսումնական հաստատությունները, որոնցում կարող է կրթություն ստանալ աճող սերունդը։ Նույն թվականին որոշում է ընդունվել Տագանրոգում բացել գիմնազիա, որը դարձել է առաջին գիմնազիան Ռուսաստանի հարավում։ Ըստ Տագանրոգի զարգացման հեռանկարային պլանի՝ Կամպենհաուզենի նրբանցքը պետք է դառնար քաղաքի ողջ պլանի կենտրոնական տարրը։ Բայց մտահղացման իրագործմանը խանգարել է գիմնազիայի դիրքը, որը գտնվում էր հենց այդ հատվածում՝ քաղաքագլխին պատկանող տանը[1]։
Երկրորդ համաշխարհային պատերազմի տարիներին գերմանական զորքերի կողմից Տագանրոգի բռնազավթման ժամանակ զոհվել են ընդհատակի շատ մասնակիցներ[1]։
1960-ական թվականների կեսերին որոշվել է հավերժացնել նրանց հիշատակը։ Ենթադրվող հուշակոթողի տեղում պուրակում հայտնվել է հուշատախտակ, և միայն որոշ ժամանակ անց կառուցվել է հուշարձանը։ Քանդակը տեղադրելու կազմակերպման աշխատանքները սկսվել են 1972 թվականին։ 1973 թվականի օգոստոսին հուշարձանը պատրաստ էր և տեղադրվեց պուրակում, որը, ի պատիվ տագանրոգցի ընդհատակյա գործիչների հիշատակի պուրակում տեղադրված «Երդում պատանեկությանը» հուշարձանի, ժամանակի ընթացքում սկսեց կոչվել Ընդհատակյա հերոս գործիչների պուրակ[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 «Сквер героев подпольщиков». Արխիվացված է օրիգինալից 2017 թ․ ապրիլի 7-ին. Վերցված է 2017 թ․ հունիսի 9-ին.