Թերմոդինամիկական աշխատանք

Անվան այլ կիրառումների համար տե՛ս՝ Աշխատանք (այլ կիրառումներ)

Թերմոդինամիկական աշխատանք, էներգիայի փոխանցման ձև, որի հետևանքով փոխվում են համակարգի արտաքին պարամետրերը։

Մեխանիկական աշխատանքը սահմանվում է հետևյալ կերպ

$\delta A=({\overrightarrow {F}}{\overrightarrow {dr}})$,

որտեղ ${\overrightarrow {F}}$ — ուժն է, իսկ ${\overrightarrow {dr}}$ — անվերջ փոքր տեղաշարժը։

Թերմոդինամիկական համակարգի կողմից արտաքինի նկատմամբ կատարած աշխատանքը կարող ենք հաշվել հետևյալ բանաձևով

$\delta A=({\overrightarrow {F}}{\overrightarrow {dr}})=P({\overrightarrow {ds}}{\overrightarrow {dr}})=PdV$,

որտեղ ${\overrightarrow {ds}}$ — անվերջ փոքր տարածության նորմալն է, $P$ — ճնշումն է և $dV$ — անվերջ փոքր ծավալն է։

$1\rightarrow 2$ թերմոդինամիկական պրոցեսի աշխատանքը տրվում է հետևյալ բանաձևով

$A=\int \limits _{1}^{2}PdV$.

Աշխատանքի արժեքը կախված է այն բանից, թե ինչպես է համակարգը $1$ վիճակից անցել $2$ վիճակին։ Դա հեշտ է ապացուցել, եթե հաշվի առնենք, որ ֆունկցիայի ինտեգրալը հավասար է ֆունկցիայի գրաֆիկի տակի մակերեսին։ Քանի որ աշխատանքը սահմանվում է ինտեգրալի միջոցով, ապա այն կախված է պրոցեսի իրականացման ուղուց, որն էլ իր հերթին բերում է կորի գրաֆիկի փոփոխությանը, հետևաբար նաև աշխատանքի արժեքի փոփոխությանը։ Նմանատիպ մեծությունները հանդիսանում են պրոցեսի ֆունկցիաներ։

Չնայած նրան, որ ֆիզիկական քիմիայում աշխատանքի համար օգտագործում են A սիմվոլը, ըստ IUPAC-ի քիմիական ջերմադինամիկայում ավելի նպատակահարմար է օգտագործել W սիմվոլը։

Տես նաև

• Էներգիա
• Ներքին էներգիա
• Ջերմադինամիկայի առաջին օրենք