Լիլեհամեր

Լիլեհամեր; նորվ.՝ Lillehammer
	Զինանշան
	;
Երկիր	Նորվեգիա
Կարգավիճակ	Նորվեգիայի կոմունաներ
Մտնում է	Օպլանդ ֆյուլքե
Ներառում է	Lillehammer?
Վարչկենտրոն	Լիլեհամեր
Խոշորագույն քաղաք	Լիլեհամեր
Ամենաբարձր կետ	Nevelfjell?
ԲԾՄ	162 ± 1 մետր
Օրենսդրական մարմին	Lillehammer municipal council?
Բնակչություն (2016);	27 476 (33 տեղ)
Տարածք	477.44 (211 տեղ)
Հիմնադրված է	1390 թ.
Սահմանակցում է	Էյեր, Ռինգսակեր, Իյովիկ, Նուրե Լան և Գյոուսդալ
Ժամային գոտի	UTC+1
ISO 3166-2 կոդ	0501
	lillehammer.kommune.no
	Լիլեհամեր Վիքիպահեստում

Լիլեհամեր (նորվ.՝ Lillehammer), կոմունան Նորվեգիայի Օպլանդ ֆյուլքեում։ Վարչական կենտրոնը համանուն քաղաքն է։

Աշխարհագրություն

Լիլիհամերը հարավից սահմանակից է Էյեր, հարավ-արևելքից Գյոուսդալ և հյուսիսից Յոյվիկ կոմունաներին։ Լիլիհամերից 145 կմ հեռավորության վրա է գտնվում Օսլոյի օդանավակայանը (Գարդերումեն), որտեղ հասնելու ամենահարմար եղանակը երկաթուղին է։ Այն Լիլիհամերից Օսլո է հասնում 1 ժամ 45 րոպեում։ Գնացքների մեկնումն ու ժամանումը իրականացվում է յուրաքանչյուր օր 1 ժամ պարբերականությամբ։ Լիլիհամեր քաղաքով է անցնում Եվրոպական Е6 մայրուղին։

Լիլիհամերի կլիման համեմատաբար չոր է։

Պատմություն

Լիլիհամեր կոմունայի տարածքում մարդիկ սկսել են բնակվել դեռևս երկաթի դարից։ Հին սագաներում բնակավայրը կոչվում է «Լիթլիկաուպանգր» (թարգմանաբար ոչ մեծ առևտրային վայր) կամ «Լիթլհամար» (փոքր Համար, որպեսզի տարբերվի Համար քաղաքից և համանուն եպիսկոպոսական թեմից։ Այն նաև հիշատակվում է որպես ինքնակառավարվող մարմին սկսած 1390 թվականից։ 1800-ական թվականներին այստեղ գործել է ակտիվ առևտրային շուկա և 1827 թվականի օգոստոսի 7-ին Լիլիհամեր քաղաքը ստացավ առևտրային քաղաքի կարգավիճակ։ Այդ ժամանակ քաղաքում բնակվում էր 50 գրանցված քաղաքացի։

Լիլիհամերում երկու անգամ անցկացվել է ձմեռային օլիմպիական խաղեր։ 1994 և 2016 թվականներին ձմեռային օլիմպիական խաղերի ժամանակ Լիլիհամերը հանդիսացել է օլիմպիական մարզաձևերի մրցումների կազմակերպման վայր։ Այն համարվում է նաև ձմեռային սպորտաձևերի մրցումների անցկացման մշտական վայր։

Ենթակառուցվածքներ

Լիլիհամեր քաղաքի կենտրոնը, սկսած 19-րդ դարից, լավ պահպանվել է։ Այնտեղ գտնվող փայտյա տնակներից հրաշալի տեսարան է բացվում դեպի Մյոսա լիճ և Լոգեն գետ, որոնք շրջապատված են լեռներով։ Կենտրոնական փողոցում առկա են զբոսանքի համար նախատեսված առանձին ճանապարհներ, ինչպես նաև խանութներ, սրճարաններ ու ռեստորաններ։

Տեսարժան վայրեր

Մայհյուգեն ազգագրական թանգարան, որը կազմված է 185 բաժիններից,
Գեղանկարչական թանգարան,
Նորվեգիայի ավտոմոբիլային թանգարան,
Աշխարհի ամենահին գործող անվավոր շոգեգնացքը, որը աշխատում է ժամանակացույցով 1856 թվականից
Շուշեն լեռնադահուկային կենտրոն և հանգստավայր, որը գտնվում է Լիլիհամեր քաղաքից 20 կմ արևելք՝ լեռնային անտառապատ տեղանքում։

Օլիմպիական կառույցներ

Լիսգարդսբաքեն դահուկացատկի հարթակը
Լիլիհամերի սահնակավազքի արահետը
Հակոնս Հոլ սպորտային համալիրը

Հայտնի անձինք

Միքայել Ֆյոդորովիչ Կվենցիսկի, ռուսական կայսերական բանակի հրամանատար, Գլխավոր շտաբի գեներալ-լեյտենանտ։ Հյուսիսի Սպիտակ շարժման մասնակից։ 1920 թվականից ապրել է Լիլիհամերում, որտեղ աշխատել է գարեջրի գործարանում։

Մշակութային կյանք

2012 թվականին էկրանավորվել է ամերիկա-նորվեգական «Լիլիհամեր» հեռուստասերիալը, որի հերոսն է Նյու Յորքում բնակվող երիտասարդ գանգստեր^[2]։

Ծանոթագրություններ

Արտաքին հղումներ

Լիլեհամերի զբոսաշրջային տեղեկատու: Արխիվացված 2006-11-06 Wayback Machine(նորվ.)
Լիլեհամերը և Գուդբրանսդալենը: Արխիվացված 2016-11-14 Wayback Machine(նորվ.)

Վիքիպահեստն ունի նյութեր, որոնք վերաբերում են «Լիլեհամեր» հոդվածին։

[_13c59da3ec4de0cf-1] ttps://kartverket.no/til-lands/fakta-om-norge/hoyeste-fjelltopp-i-kommunen

[2] "Norge får «Lilyhammer» først likevel.(նորվ.)

[1]

[2]