Ռաֆիկ Հակոբյանց

Ռաֆիկ Հակոբյանց
Հիմնական տվյալներ
Ծնվել է	օգոստոսի 11, 1942; Բաքու, Ադրբեջանական ԽՍՀ, ԽՍՀՄ
Երկիր	ԽՍՀՄ և Հայաստան
Մահացել է	փետրվարի 6, 2014 (71 տարեկան); Երևան, Հայաստան
Ժանրեր	օպերա
Մասնագիտություն	երգիչ
Գործիքներ	ջութակ և վոկալ
Աշխատավայր	Հայֆիլհարմոնիա, Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Երևանի Կոմիտասի անվան պետական կոնսերվատորիա
Կրթություն	Երևանի Կոմիտասի անվան պետական կոնսերվատորիա (1967)
Պարգևներ	Հայաստանի արվեստի վաստակավոր գործիչ

Ռաֆիկ Հակոբի Հակոբյանց (օգոստոսի 11, 1942(1942-08-11), Բաքու, Ադրբեջանական ԽՍՀ, ԽՍՀՄ - փետրվարի 6, 2014(2014-02-06), Երևան, Հայաստան^[1]), հայ օպերային երգիչ, դոցենտ (2002), պրոֆեսոր (2009)։ Հայաստանի արվեստի վաստակավոր գործիչ (2013)^[2]:

Կենսագրություն

Նախնական երաժշտական կրթությունն ստացել է հատուկ մասնագիտական երաժշտական դպրոցի ջութակի դասարանում։ 1962-1967 թվականներին սովորել է Երևանի Կոմիտասի անվան պետական կոնսերվատորիայի ջութակի բաժնում, 1973 թվականին՝ նույն կոնսերվատորիայի ակադեմիական երգեցողության բաժնում՝ Գոհար Գասպարյանի ղեկավարությամբ։ 1963-1969 թվականներին աշխատել է պետական ֆիլհարմոնիայի, ապա՝ Հայաստանի ռադիոյի և հեռուստատեսության սիմֆոնիկ նվագախմբերում։ 1970 թվականին եղել է Երևանի Սպենդիարյանի անվան օպերայի և բալետի ազգային ակադեմիական թատրոնի մեներգիչ։ 1995 թվականին վոկալի դասեր է տվել Երևանի Կոմիտասի անվան պետական կոնսերվատորիայում^[3]։2001-2005 թթ. նա եղել է ՀՀ «Արվեստի ու գրականության» ժողովրդական համալսարանի երաժշտական ֆակուլտետի դեկանը։

1988 թվականին՝ Վերդիի ծննդյան 175-ամյակի առիթով, պրոֆեսոր Ռաֆայել Հակոբյանցի մտահղացմամբ, դիրիժոր Լևոն Շաբանյանի և ռեժիսոր Նորայր Սարգսյանի ներկայացմամբ Երևանի օպերային թատրոնում բեմ է բարձրացել «Վերդիանա» թատերականացված գալա համերգը, որը ներառել է հատվածներ Վերդիի 14 օպերաներից^[4]։

Դերերգեր

Ամոնասրո՝ Վերդիի «Աիդա»
Տոնիո՝ Լեոնկավալոյի «Պայացներ»
Սպանդարատ՝ Չուխաճյանի «Արշակ Երկրորդ»

Ծանոթագրություններ

[1] Կյանքից հեռացել է Ռաֆիկ Հակոբի Հակոբյանցը

[2] Հայաստանի Հանրապետության պատվավոր կոչումներ շնորհելու մասին

[3] «Ռաֆիկ Հակոբյանցի կենսագրությունը zarkfoundation.com կայքում».

[4] Վերդին «կտարածվի» կոնսերվատորիայից

[1]

[2]

[3]

[4]