Ռոդի Փայփեր

Ռոդի Փայփեր
Roddy Piper
Ռոդի Փայփեր; Roddy Piper
	Փայփերը «WWE Fan Axxess» իրադարձության ժամանակ (մարտի 31, 2012)
Իրական անուն	Ռոդերիկ Ջոն Թումս; Roderick "Roddy" George Toombs
Ռինգային անուն(ներ)	Ռոդի Փայփեր; Կանադացի; Դիմակավորված կանադացի; Փայփեր մեքենա
Ընդհանուր տեղեկություններ
Հայտարարվող հասակ	1,83 մ
Ծննդյան թվական	Ապրիլի 17, 1954
Ծննդավայր	Սասկատուն, Սասկաչևան, Կանադա
Վախճանի թվական	Հուլիսի 30, 2015; (61 տարեկան)
Վախճանի վայր	Հոլիվուդ, Կալիֆորնիա, ԱՄՆ
Մարզիչ	Ջին Լեբել; Լեո Գարիբալդի; Թոնի Կոնդելո; Ջո Ֆիորինո
Դեբյուտ	1969
Կարիերայի ավարտ	2011
Կայք	rowdyroddypiper.com

Ռոդերիկ (Ռոդի) Ջորջ Թումս^[1] (անգլ.՝ Roderick "Roddy" George Toombs, ապրիլի 17, 1954 - հուլիսի 30, 2015), առավել հայտնի «Խուլիգան» Ռոդի Փայեր ("Rowdy" Roddy Piper) ռինգային անվամբ, կանադացի նախկին պրոֆեսիոնալ ըմբշամարտիկ (ռեստլեր), կինոդերասան և ռադիոհաղորդավար։ Ռեստլինգի ասպարեզում առավել նշանակալի կարիերա է ունեցել «World Wrestling Federation» (WWF, այժմ՝ WWE) կազմակերպութունում հանդես գալու տարիներին։

Չնայած ծնված լինելով Կանադայում, Փայփերը, ունենալով խորը շոտլանդական արմատներ, ռինգում մարմնավորել է գլազգոյացի կռվարար շոտլանդացու՝ կրելով Շոտլանդիայի խորհրդանիշն համարվող քիլթը և ռինգ մտնելով պարկապզուկային կատարման ներքո։ Բազմաթիվ առիթներով ռինգում ավանդական շոտլանդական ցասումը դրսևորելու համար ստացել է «խուլիգան» մականունը։

Մասնագիտական կարիերայի ընթացքում հանդես է եկել բազմաթիվ փեյ-փեր-վյու շոուներում, որոնցից առանձնացվում են «Ռեսլմանիա I»-ը և «Ռեսլմանիա II»-ը։ Ընդհանուր առմամբ կարիերայի ընթացքում նվաճել է 34 չեմպիոնական տիտղոս՝ ընդ որում ոչ մի անգամ չդառնալով աշխարհի վարկածով չեմպիոն։ 2005 թվականին առաջադրվել է WWE փառքի սրահ։

Մահացել է 2015 թվականի հուլիսի 30-ին՝ 61 տարեկանում՝ քնի ժամանակ ստացած սրտի կաթվածի պատճառով^[2]։

Ծանոթագրություններ

↑ ^1,0 ^1,1 ^1,2 ^1,3 «Ռոդի Փայփերի էջը». «Ռեստլինգի առցանց աշխարհ». Վերցված է 2008 թ․ սեպտեմբերի 19-ին.
↑ ^2,0 ^2,1 «61 տարեկանում սրտի կաթվածից մահացել է «Խուլիգան» Ռոդի Փայփերը». «TMZ». «Time Warner». 2015 թ․ հուլիսի 31. Վերցված է 2015 թ․ հուլիսի 31-ին.

Արտաքին հղումներ

[OWOW-1] 1,0 ^1,1 ^1,2 ^1,3 «Ռոդի Փայփերի էջը». «Ռեստլինգի առցանց աշխարհ». Վերցված է 2008 թ․ սեպտեմբերի 19-ին.

[TMZ_Death-2] 2,0 ^2,1 «61 տարեկանում սրտի կաթվածից մահացել է «Խուլիգան» Ռոդի Փայփերը». «TMZ». «Time Warner». 2015 թ․ հուլիսի 31. Վերցված է 2015 թ․ հուլիսի 31-ին.

[1]

[2]