Jump to content

Ռոզմարի ԴեՈւիթ

Վիքիպեդիայից՝ ազատ հանրագիտարանից
Ռոզմարի ԴեՈւիթ
անգլ.՝ Rosemarie DeWitt
Ծնվել էհոկտեմբերի 26, 1971(1971-10-26)[1] (53 տարեկան)
ԾննդավայրՖլաշինգ, Քուինս, Նյու Յորք, Նյու Յորք, ԱՄՆ
ԿրթությունՀոֆստրա համալսարան և Whippany Park High School?
Քաղաքացիություն ԱՄՆ
Մասնագիտությունդերասանուհի, հեռուստատեսային դերասանուհի, թատրոնի դերասանուհի և կինոդերասանուհի
Ամուսին(ներ)Ռոն Լիվինգստոն
Պարգևներ և մրցանակներ

Ռոզմարի Բրեդդոկ ԴեՈւիթ (անգլ.՝ Rosemarie Braddock DeWitt, հոկտեմբերի 26, 1971(1971-10-26)[1], Ֆլաշինգ, Քուինս, Նյու Յորք, Նյու Յորք, ԱՄՆ), ամերիկացի դերասանուհի։

Վաղ տարիներ

[խմբագրել | խմբագրել կոդը]

Ռոզմարի ԴեՈւիթը ծնվել է Նյու Յորքի Քուինս թաղամասի շրջաններից մեկում՝ Ռոզմարի Բրեդդոքի և Քենի ԴեՈւիթի ընտանիքում։ Բռնցքամարտի աշխարհի չեմպիոն Ջեյմս Բրեդդոկի թոռնուհին է[2]։ Պապի կյանքի մասին պատմող «Մոխրոտիկ տղամարդ» ֆիլմում խաղացել է Սառայի դերը։ Ռոզմարին բնակվել է Նյու Ջերսիի Հանովեր Թաունշիփում, որտեղ ավարտել է «Whippany Park» միջնակարգ դպրոցը[3]։ Սովորելու տարիներին մասնակցել է դպրոցական մի քանի թատերական ներկայացումների։ Ավելի ուշ Հոֆստրայի համալսարանին կից քոլեջում ստացել է արվեստի բակալավրի աստիճան[2]։ Քոլեջում անդամակցել է «Alpha Phi» սոցիալական միությանը։ Ռոզմարին նաև ուսանել Նյու Յորքի դերասանական կենտրոնում[2]։

Գործունեություն

[խմբագրել | խմբագրել կոդը]

Թատրոն

[խմբագրել | խմբագրել կոդը]

Ռոզմարին խաղացել է բազմաթիվ բրոդվեյան ներկայացումներում[4]։ Մասնավորապես, նա «Second Stage» թատրոնում մասնակցել է Ջոն Պատրիկ Շենլիի «Danny and the Deep Blue Sea» պիեսի բեմադրությանը, «Atlantic Theater Company» թատրոնում Ջորջ Քաուֆմանի «The Butter and Egg Man» պիեսի բեմադրությանը և Քրեյգ Լուկասի «Small Tragedy» պիեսի բեմադրությանը, որն արժանացել է «Obie» մրցանակի։

2010 թվականի մայիսի 4-23-ը Ռոզմարին խաղացել է «MCC» թատրոնում՝ ռեժիսոր Ջոնաթան Դեմիի «Family Week» ներկայացման մեջ՝ հիմնված Բեթ Հենլիի պիեսի վրա, որն արժանացել է քննադատների դրական արձագանքներին[5]։

Հեռուստատեսություն

[խմբագրել | խմբագրել կոդը]

2009-2011 թվականներին Ռոզմարին խաղացել է «Showtime» հեռուստաալիքի «United States of Tara» սերիալում՝ մարմնավորելով Տարա Քրեյնի քրոջ՝ Շարմեյնին։ Նկարահանվել է «AMC» հեռուստաալիքի «Անխելքները» սերիալի առաջին եթերաշրջանում և 2006-2007 թվականներին՝ «Fox» ընկերության «Բանակցորդները» սերիալում։ Ռոզմարի ԴեՈւիթը նկարահանվել է նաև «Կարգ ու կանոն։ Հատուկ կորպուս», «Սեքսը մեծ քաղաքում», «Փրկիր ինձ» և «Պրոդյուսեր» հեռուստասերիալներում։

Կինո

[խմբագրել | խմբագրել կոդը]

2008 թվականին Ռոզմարին նկարահանվել է «Ռեյչելն ամուսնանում է» մելոդրամայում, որտեղ եղել է Էն Հեթուեյի խաղընկերուհին։ Այդ դերի համար արժանացել է մի քանի մրցանակների, այդ թվում՝ «Արբանյակ» մրցանակի՝ որպես «երկրորդ պլանի լավագույն դերասանուհի»[6]։ 2010 թվականին «Տղամարդկանց խումբ» դրամայում խաղացել է Բեն Աֆլեքի հետ[7], իսկ 2011 թվականին խաղացել է «Մարգարետ» դրամայում։

Անձնական կյանք

[խմբագրել | խմբագրել կոդը]

1995-2006 թվականներին Ռոզմարին ամուսնացած է եղել դերասան և ռեժիսոր Քրիս Մեսինայի հետ։

2009 թվականի նոյեմբերի 2-ից ամուսնացած է դերասան Ռոն Լիվինգստոնի հետ, որի հետ նա 3 տարի հարաբերություններ է ունեցել մինչև հարսանիքը[8]։ Զույգն ունի երկու հոգեդուստր՝ Գրեյսի Ջեյմս Լիվինգստոնը (ծնված 2013 թվականի ապրիլի 29-ին) և Էսփերանսա Մեյ Լիվինգստոնը (ծնված 2015 թվականի դեկտեմբերին)[9]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Internet Movie Database — 1990.
  2. ↑ 2,0 2,1 2,2 «Rosemarie DeWitt: Biography» (անգլերեն). TvGuide.com. Արխիվացված է օրիգինալից 2012 թ․ սեպտեմբերի 14-ին. Վերցված է 2012 թ․ մայիսի 14-ին.
  3. ↑ Allen St. John. (2010 թ․ հունիսի 15). «The Star Next Door» (անգլերեն). New Jersey Monthly. Արխիվացված է օրիգինալից 2012 թ․ սեպտեմբերի 14-ին. Վերցված է 2012 թ․ մայիսի 14-ին.
  4. ↑ «Rosemarie DeWitt- Biography» (անգլերեն). Yahoo Movies. Արխիվացված է օրիգինալից 2012 թ․ սեպտեմբերի 14-ին. Վերցված է 2012 թ․ մայիսի 14-ին.
  5. ↑ CHARLES ISHERWOOD. (2010 թ․ մայիսի 5). «Speed Bumps and Potholes on the Road to Recovery» (անգլերեն). New York Times. Արխիվացված է օրիգինալից 2012 թ․ սեպտեմբերի 14-ին. Վերցված է 2012 թ․ մայիսի 14-ին.
  6. ↑ Michael Ordoña. (2008 թ․ հոկտեմբերի 2). «Rosemarie DeWitt on 'Rachel Getting Married'» (անգլերեն). LA Times. Արխիվացված է օրիգինալից 2012 թ․ սեպտեմբերի 14-ին. Վերցված է 2012 թ․ մայիսի 14-ին.
  7. ↑ PATRICK HEALY. (2010 թ․ մայիսի 18). «Revisiting the Psyches of Troubled Women» (անգլերեն). New York Times. Արխիվացված է օրիգինալից 2012 թ․ սեպտեմբերի 14-ին. Վերցված է 2012 թ․ մայիսի 14-ին.
  8. ↑ «'Office Space' star Ron Livingston weds» (անգլերեն). USATODAY.com. 11/12/2009. Արխիվացված է օրիգինալից 2012 թ․ սեպտեմբերի 14-ին. Վերցված է 2012 թ․ մայիսի 14-ին.
  9. ↑ Rosemarie DeWitt Reveals She Welcomed a Daughter Through Adoption: ‘She’s a Little Sweetheart’
Վիքիպահեստն ունի նյութեր, որոնք վերաբերում են «Ռոզմարի ԴեՈւիթ» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ռոզմարի_ԴեՈւիթ&oldid=9947567» էջից