Սարգիս Դարչինյան
| Սարգիս Դարչինյան | |
|---|---|
 | |
| Ծնվել է | սեպտեմբերի 5, 1947 |
| Ծննդավայր | Թբիլիսի, Վրացական ԽՍՀ, ԽՍՀՄ |
| Մահացել է | հոկտեմբերի 2, 2013 (66 տարեկան) |
| Մահվան վայր | Թբիլիսի, Վրաստան |
| Քաղաքացիություն |  ԽՍՀՄ և  Վրաստան |
| Մասնագիտություն | լուսանկարիչ |
Սարգիս Գևորգի Դարչինյան (սեպտեմբերի 5, 1947, Թբիլիսի, Վրացական ԽՍՀ, ԽՍՀՄ - հոկտեմբերի 2, 2013, Թբիլիսի, Վրաստան), հայ հուշարձանագետ, արխիվագետ, լուսանկարիչ, թիֆլիսագետ։ Զբաղվել է ներկայիս Վրաստանի տարածքում, այդ թվում նաև՝ Տփղիսում (Թբիլիսիում), պահպանված և ոչնչացված հայկական ժառանգության հաշվառմամբ և ուսումնասիրությամբ[1]։
Կենսագրություն
[խմբագրել | խմբագրել կոդը]Սարգիս Դարչինյանը ծնվել է 1947 թվականին, Թբիլիսիում։ 1966 թվականին, դպրոցն ավարտելուն զուգահեռ, ավարտել է պրոֆեսիոնալ տեխնիկական ուսումնարանի քանդակագործ-մոդելավորողի դասընթացները։ 1967 թվականին ոսկերչական գործարանում աշխատել է որպես նկարիչ-փորագրող։
Լուսանկարչությամբ տարվել է Ալեքսանդր Արությունովի հետ ծանոթանալուց հետո, երբ վերջինիս մոտոցիկլետով շրջել են Կովկասում և լուսանկարել, չափագրել ու հավաքագրել հայկական հուշարձաններ։ Սարգիս Դարչինյանն անցկացրել է Թբիլիսիի հայապատկան 12 հազար մասնավոր տների լիարժեք հետազոտություն, երկու հայաբնակ թաղամասերի՝ Սոլոլակի և Հավլաբարի պատմության, ճարտարապետության ուսումնասիրություն։ Մասնագիտությամբ ոսկերիչ էր։ Ստեղծել է գիտականորեն հիմնավորված, փաստարկներով հագեցած ու լուսանկարներով ապացուցված բազմաբնույթ արխիվ[1][2]։
Մահացել է 2013 թվականի հոկտեմբերի 2-ին Թբիլիսիում։ Նրա աճյունը հոկտեբեմրի 5-ին ամփոփվել է Թբիլիսիի հայ գրողների և հասարակական գործիչների Խոջիվանք պանթեոնում[1][3]։
Ստեղծագործություններ
[խմբագրել | խմբագրել կոդը]- Թիֆլիս հայկական Ճեպանկարներ / Ս. Դարչինյան; Խմբ.՝ Ս. Երիցյան, Ռ. Նահատակյան, Երևան։ Էդիթ Պրինտ, 2013[4]։
Տես նաև
[խմբագրել | խմբագրել կոդը]Գրականություն
[խմբագրել | խմբագրել կոդը]- Քոչար, Վահան։ Հայ լուսանկարիչներ, հեղինակային հրատարակություն, 2007, էջ 255։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Հրաժեշտ արխիվագետ Սարգիս Դարչինյանին
- ↑ «ԴԱՐՉԻՆՅԱՆ, ՍԱՐԳԻՍ | Հայ լուսանկարչական արվեստների հետազոտական շտեմարան». www.lusarvest.org. Վերցված է 2019 թ․ հունվարի 13-ին.
- ↑ «The memorial of Darchinyan Sargis (Սարգիս Դարչինյան ) buried at Tbilisi's Armenian Pantheon cemetery». hush.am (անգլերեն). Վերցված է 2019 թ․ հունվարի 13-ին.
- ↑ Դարչինյան, Սարգիս (2013). Երիցյան, Սերգո Սարգսի; Նահատակյան, Ռուբեն (eds.). Թիֆլիս հայկական Ճեպանկարներ. Երևան: Էդիթ Պրինտ. ISBN 9789939527390.