Սուրբ Գևորգը և վիշապը (Ռաֆայել, Վաշինգթոն)
 | |
|---|---|
 | |
| տեսակ | գեղանկար |
| նկարիչ | Ռաֆայել Սանտի[1] |
| տարի | 1505 |
| բարձրություն | 28,5 սանտիմետր[2] |
| լայնություն | 21,5 սանտիմետր[2] |
| ուղղություն | Բարձր վերածնունդ |
| ժանր | հոգևոր արվեստ |
| նյութ | յուղաներկ[2] և փայտ |
| գտնվում է | Արվեստի ազգային պատկերասրահ |
| հավաքածու | Արվեստի ազգային պատկերասրահ[1], Էնդրյու Վ․ Մելլոնի հավաքածու[2], Պետական Էրմիտաժ[1] և Քրոզա հավաքածու |
| սեփականատեր | Louis Antoine Crozat? |
| հիմնական թեմա | Saint George and the Dragon? |
պատկերված են
| |
| կայք | |
Ծանոթագրություններ | |
 Saint George with the Dragon (Washington) by Raffaello Sanzio Վիքիպահեստում | |
«Սուրբ Գևորգը և վիշապը» (իտալ.՝ San Giorgio e il drago), Ռաֆայել Սանտիի կտավը։ Արվեստի ազգային պատկերասրահի հավաքածուից է, որը ժամանակին եղել է Էրմիտաժի հավաքածուի մեջ և ցուցադրվել է Ձմեռային պալատի ռազմական պատկերասրահում։
Սյուժե
[խմբագրել | խմբագրել կոդը]Նկարը պատկերում է «Գեորգիի հրաշքը օձի մասին» համաքրիստոնեական սյուժեն։ Ուղղափառության մեջ այն ներկայացված է հին ռուսական «Գեորգիի հրաշքը օձի մասին» վիպակում, իսկ կաթոլիկության մեջ հայտնի է Յակով Վորագինսկու «Ոսկե լեգենդ» ստեղծագործության մեջ։ Բեյրութի մերձակա լճում օձ է ապրելիս եղել և հարձակվել մարդկանց վրա։ Հրեշից վախեցած՝ ժողովուրդը եկել է թագավորի մոտ, որն առաջարկել է քաղաքացիների ցուցակ կազմել և իրենց երեխաներին հերթով օձին տալ՝ խոստանալով, որ երբ հերթն իրեն հասնի, ինքն էլ կզոհաբերի իր աղջկան։ Երբ հերթն իրեն է հասնում, թագավորն իր դստերը հագցնում է շքեղ հագուստ, զարդարում ոսկով ու շքեղ մարգարիտներով և հրամայում նրան տանել օձի մոտ։ Սուրբ Գևորգ զինվորը, անցնելով քաղաքի կողքով, տեսնում է արտասվող թագուհուն և հարցնում նրան իր նեղության պատճառի մասին։ Երբ լսում է հրեշի մասին, «Հանուն Հոր և Որդու և Սուրբ Հոգու» կանչելով սլանում է իր ձիով դեպի օձը և նիզակով հարվածում։ Քաջ զինվորի սխրանքից տպավորված՝ արքան և Բեյրութի բնակիչները ընդունում են քրիստոնեությունը։
Նկարի արտասովոր առանձնահատկություններից մեկը զրահով պատված ոտքի կապույտ կապուկն է, որի վրա երեւում է «HONI» բառը, որը վերծանվում է որպես ֆրանսիական Honi soit qui mal y pense արտահայտության սկիզբ (Թող ամաչի այդ մասին վատ մտածողը). այս արտահայտությունը դարձել է բրիտանական ասպետական կախազարդ շքանշանի նշանաբանը, որի հովանավորը Սուրբ Գևորգն է։ Ուրբինյան դուքս Գուիդոբալդո դա Մոնտեֆելտրոյի կտավի պատվիրատուն նվիրված է եղել Անգլիայի թագավոր Հենրի VII-ի կողմից 1504 թվականին այդ շքանշանի ասպետներին։ Ձիու զրահի վրա երևում է նկարչի ստորագրությունը՝ RAPHELLO: Նկարը Ռաֆայելի 1506 թվականին Ֆլորենցիայում նկարված մանրանկարչական պաննոների շարքին է պատկանում՝ նկարված ուրբինյան դքսի պատվերով, և նախատեսված էր որպես նվեր թագավորական դեսպան Գիլբերթ Թելբոթին[3]։
Նկարի պատմություն
[խմբագրել | խմբագրել կոդը]1627 թվականին նկարը պատկանում էր Ուիլյամ Հերբերտին (1580-1630) և գտնվում էր Ուիլթշիրի Ուիլթոն Հաուս (անգլ. Wilton House) տոհմական կալվածքում։ Այնուհետև նկարը հայտնվել է անգլիացի թագավոր Կարլ I-ի սեփականության ներքո։ 1651 թվականի դեկտեմբերի 19-ի Անգլիական բուրժուական հեղափոխությունից հետո այն վաճառվել է Լոնդոնի Սոմերսեթ հաուսի թագավորական հավաքածուից մեկի շրջանակներում և հայտնվել Ֆրանսիայում, որտեղ որոշ ժամանակ անց դարձել է Կրոզայի հավաքածուի (ֆր. Collection Crozat) ամենապայծառ աշխատանքներից մեկը։
1772 թվականին «Սուրբ Գևորգը և վիշապը» Կրոզայի հավաքածուի հետ միասին ձեռք է բերել ռուսական կայսրուհի Եկատերինա II-ը և դրանից հետո ավելի քան 150 տարի նա գտնվում էր Էրմիտաժում։ 1920-ական թվականների վերջին նկարը վաճառքի է հանվել Բեռլինի Մատիսոնի պատկերասրահում։ 1931 թվականի մարտին Նյու Յորքի Նեդլերի պատկերասրահում այն գնել է ամերիկացի միլիոնատեր Էնդրյու Մելոնը։ 1937 թվականին Մելոնի ողջ հավաքածուն նվիրաբերվել է Վաշինգթոնի Արվեստի ազգային պատկերասրահին[4]: Ցուցադրվում է պատկերասրահի հիմական հարկի արևմտյան թևի վրա[5]։
-
Ռաֆայել. «Սուրբ Գևորգը և վիշապը» նկարի տարբերակներից մեկը Լուվրում -
Գ. Չերնեցով. 1812-ի Ձմեռային պալատի ռազմական պատկերասրահի տեսքը։ Պատկերասրահի վերջնամասում Ալեքսանդր I-ի դիմանկարից ձախ կարելի է նկատել «Սուրբ Գևորգը և վիշապը» նկարը -
1812 թվականի պատկերասրահ
Կրկնօրինակներ
[խմբագրել | խմբագրել կոդը]1503-1505 թվականներին Ռաֆայելը նկարի մեկ այլ տարբերակ է նկարել. դրա մեջ Սուրբ Գևորգը սրով հարվածում է վիշապին։ Այս աշխատանքը գտնվում է Լուվրի հավաքածուում[6]։
1820-ական թվականներին «Սուրբ Գևորգը և վիշապը» Ձմեռային պալատի Ռազմական պատկերասրահը կահավորվելու ժամանակ որոշվել է տեղակայել պատկերասրահում, սակայն 1851 թվականին այն տեղափոխվել է Ռաֆայելի դահլիճ, իսկ դրա փոխարեն կայսր Նիկոլայ I-ը հրամայել է տեղադրել նրա պատճենը, որը նկարել է Ե. Բոտմանը[7]։ Պատճենը ցուցադրվել է կայսր Ալեքսանդր I-ի դիմանկարից ձախ՝ եզրային պատի վրա։ Բուն նկարը կարելի է տեսնել Ձմեռային պալատի Ռազմական պատկերասրահում Գ. Չերնեցովի նկարի վրա։ Կրկնօրինակի ներկայիս գտնվելու վայրը հայտնի չէ։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 RKDimages (նիդերլ.)
- ↑ 2,0 2,1 2,2 2,3 National Gallery of Art - Collection
- ↑ National Gallery of Art. — Raphael. Saint George and the Dragon
- ↑ National Gallery of Art. — Raphael. Saint George and the Dragon. Provenance
- ↑ National Gallery of Art. — West Building, Main Floor — Gallery 20
- ↑ Louvre Museum Official Website. Raffaello Santi, dit Raphaël. Saint Georges luttant avec le dragon
- ↑ Ренне Е. П. Британская живопись XVI—XIX веков: Каталог коллекции. — СПб.: Изд-во Государственного Эрмитажа, 2009. — С. 240. — ISBN 978-5-93572-376-7.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Սուրբ Գևորգը և վիշապը (Ռաֆայել, Վաշինգթոն)» հոդվածին։ |
|
| ||||||||||||||