Gloria Macapagal Arroyo

Gloria Macapagal-Arroyo
Maika-14 a Presidente ti Filipinas
Nagakem Enero 20, 2001 – Hunio 30, 2010
Bise Presidente	Teofisto Guingona Noli de Castro
Inunaan ni	Joseph Estrada
Sinaruno ni	Benigno Aquino III
Maika-12 a Bise Presidente ti Filipinas
Nagakem Hunio 30, 1998 – Enero 20, 2001
Presidente	Joseph Estrada
Inunaan ni	Joseph Estrada
Sinaruno ni	Teofisto Guingona
Kameng ti Kamara dagiti Pannakabagi manipud iti maika-2 a distrito ti Pampanga
Agdama
Nagakem Hunio 30, 2010
Inunaan ni	Mikey Arroyo
Senador ti Filipinas
Nagakem Hunio30, 1992 – Hunio 30, 1998
Dagiti bukod a salaysay
Naiyanak	(1947-04-05) Abril 5, 1947 San Juan, Filipinas
Partido ti politika	Lakas Kampi CMD (2009–agdama)
Dadduma a kumadduaan iti politika	LDP (Sakbay idi 1998) KAMPI (1997–2009) Lakas-CMD (1998–2009)
A(s)sawa	Jose Miguel Arroyo
Annak	Juan Miguel M. Arroyo Evangelina Lourdes Arroyo-Bernas Diosdado Ignacio Jose Maria M. Arroyo
Alma mater	Unibersidad ti Georgetown Kolehio ti Asunsion Unibersidad ti Ateneo de Manila Unibersidad ti Filipinas, Diliman
Pirma
Website	Opisial a website

Ni Gloria Macapagal Arroyo (nayanak idi Abril 5, 1947), ti maika-14 a Presidente ti Filipinas ket agdama nga Kongresista iti maikadua a distrito ti Tarlac. Isu ti maikadua a babai a presidente ti Filipinas (kaunaan ni Corazon Cojuangco Aquino) ken ti umuna a babai a nag-bise presidente (idi 1998). Anak ni sigud a Presidente Diosdado Macapagal.

Nagbalin a presdiente ni Arroyo idi 2001 gapu iti Maikadua a Rebolusion ti EDSA a nakapatapuakan ni Presidente Joseph Estrada iti poder ken takem gapu kadagiti pammabasol iti korupsion iti gobiernona. Iti eleksion idi 2004, nangabak ni Arroyo kas presidente (inabakna ni aktor a Fernando Poe, Jr. a kapigsaan a kinabalubalna) iti baet ti adu a sayangguseng maipapan iti maatap a panagsuitik iti botos, kangrunaan ditoyen ti naibutaktak a "Hello, Garci" tapes a maipagarup a patangan iti panagsuitik da Arroyo ken dadduma pay a politiko ken personalidad ken ni sigud a komisioner ti Komision iti Eleksion (COMELEC) Virgilio Garcillano.

Idi 2005, napili ni Arroyo kas maikapat a kabibilegan a babai iti sangalubongan iti magasin a Forbes.

Idi Pebrero 24, 2006, inyetnagna iti pagilian ti maysa nga kasasaad nga emerhensia kas sungbat iti naiwaragawag a napaay a panangrabsut iti turay (kudeta) ti maipagarup a nagkukumplot a sumagmamano nga opisial ken kamkameng a soldado ti Siiigam a Buyot ti Filipinas ken sumagmamano a kameng ti politikal a suppiatan ken dagiti maatap a Komunista.

Edukasion

Nagadal ni Gloria iti elementaria ken nangato nga eskuela idiay Kumbento ti Asumsion (Assumption Convent). Kalpasan ti nangato nga eskuela, napan isuna idiay Washington, D.C., Estados Unidos a nagadal isuna idiay Pagadalan iti Ganganaet a Serbisio ti Edmund A. Walsh iti Unibersidad ti Georgetown. Nagbalin a kaklase idiay ni Bill Clinton, a nagbalin a presidente ti Amerika. Ni Gloria ket kankanayon a maysa kadagiti kalalaingan iti klaseda a nangted kaniana ti estado a "dean's lister". Nagsubli isuna idiay Filipinas idi 1968 ken nagbasa iti kurso nga Ekonomika idiay Kolehiyo ti Asunsion (Assumption College). Idi 1978, nakaala isuna iti "Master's Degree" ti kurso nga Ekonomika idiay Unibersidad ti Ateneo ti Manila. Idi 1985 nalpasna ti "Grado ti Doktor" iti ekonomika idiay Unibersidad ti Filipinas.

Isuna ket nagsuro iti kurso nga Ekonomiko idiay Kolehio ti Asunsion ken iti Unibersidad ti Ateneo iti Manila. Nagbalin met laeng isuna a "Nangipangulo" iti Departamento iti Ekonomiko kadagidiay naibaga nga eskuelaan. Idi 1987, inaramid ni Presidente Corazon Aquino a Katakunaynay a Sekretario iti Departamento iti Pagkalakal ken Industria. Pinangatoda iti ranggona ken nagbalin nga Undersekretario malpas iti dua a tawen.

Senador

Idi 1992, sumrek isuna iti lubong iti politika ken timmaray nga senador. Maikasangapulo ket tallo isuna iti kaaduan iti butos a nangted kaniana iti panagturay a tallo nga tawen. Idi 1995 timmaray man a Senador isuna ken nagbalin a Senador iti maikadua a panagturay ken isuna iti kaaduan iti butos.

Dagiti akinruar a silpo

• kgma.org
• gloria-arroyo.com Naiyarkibo 2022-03-26 iti Wayback Machine