Saint Paul, Minnesota
| Saint Paul | ||
| ||
| Kelk imaji pri Saint Paul. | ||
|
| |
| Standardo | Blazono | |
| Lando: |  Usa
| |
| Stato: | Minnesota | |
Informo:
| ||
| Fondita ye: | 1854 | |
| Fondita da: | Pierre "Pig's Eye" Parrant | |
| Latitudo: | 44°56'39"N | |
| Longitudo: | 93°05'35"W | |
| Altitudo: | 240 m | |
| Surfaco: | 145,31 km² | |
| Habitanti: | 311 527 (2020) | |
| Denseso di habitantaro: | 2314,32 hab./km² | |
| Disto de Washington DC: | 1546 km | |
| Horala zono: | UTC-6 (UTC -5 dum la somero) | |
| Urbestro: | Melvin Carter (DFL) | |
Mapo:
| ||
| ||
Oficala retosituo:
| ||
| http://www.stpaul.gov/ | ||
Saint Paul esas chef-urbo e la duesma maxim populoza urbo de Minnesota, Usa, dop Minneapolis. Ol esas la sideyo dil komtio Ramsey. Segun la demografiala kontado di 2020, ol havis 311 527 habitanti. Lua tota surfaco esas 145,31 km², equivalanta a 56,1 mi², di qui 134,61 km² (51,97 mi²) esas lando, e la cetera surfaco kovresas per aquo.
Ensemble kun Minneapolis ed altra vicina urbi, ol apartenas a la metropolala regiono Minneapolis-Saint Paul, qua havas plu kam 3,6 milion habitanti.
Historio
[redaktar | redaktar fonto]
La regiono ube jacas Saint Paul ja habitesis dal indijeni Hopewell du mil yari ante nun. De la 17ma yarcento til 1837 la regiono habitesi dal Sioux de la tribuo Mdewakanton Dakota, qui habitis la kolini proxim la nuna urbo.
Saint Paul komencis dum frua 19ma yarcento kande kompristi, exploristi ed altri venis por esar en la bone-protektita Fort Snelling. Dum la yari 1820a l'areo divenabis importanta centro por komercisti e personi iranta weste. St. Paul divenis urbo en 1854 ed en 1858 Minnesota eniris l'uniono kom la 32ma stato.
Ye la 20ma di agosto 1904, l'urbo subisis forta tempesti e tornadi, qui destruktis centi di edifici e produktis 1.78 milion dolari ($46.72 milion en nuna valori) en domaji. Dum la yari 1960a komencis demoliso di quarteri weste del centro dil urbo por rinovigo urbala e konstrukto di moderna autochosei. De 1959 til 1961, quartero Rondo demolisesis por konstruktar choseo Interstate 94.
La konstrukto di la maxim alta cieloskraperi dil urbo komencis dum la yari 1970a. En parto ek l'urbala zono existas restrikti pri altajo di edifici, pro proximeso kun l'aeroportuo. La maxim alta edifici di Saint Paul konstruktesis dum la yari 1980a. Dum la yari 1990a e 2000a nova grupi di imigranti komencis arivar al urbo, nome individui del etnio Hmong, de Laos, Kambodja, Vietnam, Tailando e Myanmar.
Geografio
[redaktar | redaktar fonto]
La reliefo di Saint Paul esas plana, jacanta an la rivi dil fluvio Mississippi, proxim la loko ube rivero Minnesota debushas an ol. La mezavalora altitudo dil urbo esas 214 metri.
La klimato di Saint Paul esas kontinentala humida, Dfa segun la klimatala klasifikuro da Köppen, tipala de tale nomizita "meza westo" di Usa. Vintri esas kolda e nivoza, kontre ke someri esas milda til varma, e humida. La mezavalora temperaturo en januaro esas -8,7°C, kontre ke la mezavalora temperaturo en julio esas 22,9°C.
La pluvoza sezono iras de aprilo til oktobro. La mezavalora yarala pluvo-quanto esas 742 mm, e la maxim pluvoza monato esas junio, kun mezavalore 118 mm.
Demografio
[redaktar | redaktar fonto]Segun demografiala kontado di 2000 l'urbo havis 287 511 habitanti, 112 109 hemanari, e 60 987 familii. La denseso di habitantaro esis 2101,0/km² (5441,7/mi²). Esis 115 713 domi kun mezvalora denseso di 846.6/km² (2,192.8/mi²). Segun raso, esis 67.02% Blanki, 11.71% Negri od Afrikan-Usani, 1.13% indijeni Amerikana, 12.36% Aziani (multa de Vietnam), 0.07% Pacifik-insulani, 3.84% de altra rasi, e 3.87% mestici de du o plura rasi. De la habitantaro, 7.91% esas Hispan-Amerikani o Latin-Amerikani de irga raso.
Esis 112.109 hemanari di qui 29.1% havis pueri evante min kam 18 yari en la domo, 36.1% esis mariajita e habitis kune, en 13.9% mulieri sen spozulo esis la domo-chefo, e 45.6% esis ne-familii. En 35.9% de omna hemanari vivis unika sola individuo, e 9.4% habitesis da singla individuo evante 65 yari o pluse. La mezvalora grandeso po hemanaro esis 2.46 e la mezvalora grandeso po familio esis 3.32 personi.
La procento di habitanti segun evo esis: 27.1% evante min kam 18 yari, 12.5% de 18 til 24 yari, 32.0% de 25 til 44 yari, 18.0% de 45 til 64 yari, e 10.3% evanti 65 yari o pluse. La mezvalora evo esis 31 yari. Po singla 100 mulieri esis 93.6 homuli. Po singla 100 mulieri evante 18 yari o pluse, esis 89.5 viri.
La mezvalora revenuo po hemanaro en la urbo esis $38,774, e la mezvalora familiala revenuo esis $48,925. La mezvalora revenuo por la viri esis $35,111 kontre $29,432 por la mulieri. La revenuo per capita por la urbo esas $20,216. Vivis sub la povreso-lineo 15.6% de la habitantaro e 11.7% de la familii, inkluzite 23.2% ek omna habitantaro evante min kam 18 yari, e 9.7% ed ek omna habitantaro evante 65 yari o pluse.
Guvernerio
[redaktar | redaktar fonto]
La chef-exekutivo e la chef-administranto di Saint Paul esas l'urbestro, kontre ke la 7 membri del urbala konsilistaro esas la legifala povo dil urbo. La nuna urbestro esas Melvin Carter (DFL).
Saint Paul esas la chef-urbo dil stato Minnesota. Ibe jacas la sideyo di la duchambra legifala povo dil stato, konsistanta ek Domo di Reprezentanti kun 134 membri, e la Senato dil stato, kun 67 membri. L'oficala rezideyo dil guvernisto di Minnesota (Governor's Residence) anke jacas en Saint Paul, che avenuo Summit, 1006.
Fratala urbi
[redaktar | redaktar fonto]Yen la fratala urbi di Saint Paul:[1][2]
|
Referi
[redaktar | redaktar fonto]
- ↑ Sister Cities and States of Minnesota - Autoro: Minnesota Department of Employment and Economic Development. Publikigita da mn.gov.
- ↑ St. Paul adds new sister city, Mogadishu. About a dozen others have that designation - Publikigita da Twin Cities Pioneer Press. Dato di publikigo: 10ma di mayo 2019.
| Chef-urbi di Usana stati |
|---|
|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |