Koperasi

Koperasi ya iku organisasi kang otonom kang ana ing lingkungan sosial ékonomi. Koperasi duwé sistem kang duwé ancas kang otonom. Tujuwan iki digawé kanthi dhasar kasepakatan saben wong. Tujuwan iki diwujudaké kanthi anané aktivitas ékonomi kang ditindakaké kanthi bareng-bareng. Ing UU taun 1992, koperasi didefinisiaké dadi badan usaha kang anggotané wong-wong utawa badan hukumhukum koperasi kang landhasan kagiyatané ya iku prinsip-prinsip koperasi lan obahan ékonomi rakyat kang dhasaré asas kekeluargaan.

Prinsip koperasi

Prinsip koperasi ya iku sistem kang kasusun déning pamikiran-pamikiran abstrakabstrak kang didedukasi karo ahli-ahli koperasi saka pangalaman praktik kang wis dibuktékaké ing jaman dhisik kang dadi garis-garis panuntun kang paling cocog kanggo sapa waé kang kepéngin yasa koperasi kang éféktif lan bisa langgeng. Ing Indonésia, prinsip koperasi kang wis ditulis ing UU No. 12 Taun 1967 lan UU No. 25 Taun 1992. Ing UU No. 25 Tahun 1992, prinsip koperasi ya iku

• Kaanggotaan kang asipat binuka lan sukalila
• Pangelolaan kang dilakokaké kanthi dhémokratis
• Pambageyan sisa hasil usaha utawa SHU kang dilakokaké kanthi adil lan sebanding karo gedhéné jasa usaha saben anggota.
• Menenhi balas jasa kang winates tumrap modhal
• Kamandirian
• Pandhidhikan perkoperasian
• Kerjasama karo kpperasi liyané

Kanthi kagiyatan rekomendasirekomendasi saka para ahli, ICA wis ngrembakakaké prinsip koperasi anyar lan ngilangaké prinsip-prinsip kang dikembangaké karo koperasi Rochdale. Prinsip koperasi anyar kang dikembangaké ICA ya iku:

• Kaanggotaan kang asipat binuka lan sukalila
• Pangelolaan kanthi cara dhémokratis
• Partisipasi anggota sajeroning ékonomi
• Kabebasan lan otonomi
• Ngrembakakaké pendidikan, pelatihan, lan informasi