Pinkan Mambo
| Pinkan Mambo | |
|---|---|
 | |
| Pratélan latar wuri | |
| Jeneng lair | Pinkan Ratnasari Mambo |
| Mangsa akarya | 2003-saiki |
| Labèl | Sony BMG Music Entertainment |
Pinkan Ratnasari Mambo luwih ditepungi kanthi jeneng Pinkan Mambo (lair ing Jakarta, 11 Novèmber 1980; umur 44 taun).[1] Pinkan Mambo iku salah sijiné penyanyi pop kang duwé katurunan Sundha-Manado-Jawa, Sulawesi Lor.[1]
Karir
[besut | besut sumber]Ratu
[besut | besut sumber]Pinkan ditepungi dadi vokalis grup duo Ratu bareng karo Maia Ahmad.[1] Sadurungé nggabung karo Ratu, Pinkan dadi penyanyi latar grup band Déwa 19, kang dibawahi bojoné Maia Ahmad ya iku Ahmad Dhani.[1] Pinkan banjur mundur saka Ratu nalika akir taun 2004.[1] Sawisé metu saka Ratu, Pinkan Mambo milih solo karir.[1] Nalika nggabung karo Maia ing grup Ratu, Pinkan tau nggawé album ya iku Bersama ing taun (2003).[1] Pinkan uga éntuk gelar The Most Favourite Artist ing adicara Sahabat Music Award 2010 ing Hong Kong.[2]
Kauripan pribadi
[besut | besut sumber]Ing taun 2004 Pinkan nduwé rencana palakrama karo Mayzal Reza.[1] Nanging palakrama iki ora bisa ditindakaké amarga Pinkan dingertèni mbobot karo wong lanang liya.[1] Pinkan nglairaké anak kang sepisanan lan dijenengi Muhammad Alfa Rezel nalika tanggal 28 Januari 2005.[1] Pinkan nglairaké tanpa dikancani bojoné lan statusé durung nikah.[1] Pungkasané Pinkan palakrama karo Sandy Sanjaya nalika tanggal 30 April 2005.[1] Saka pernikahané karo Sandy Sanjaya, Pinkan nduwé anak kang jenengé Michelle Ashley Rezya nalika sasi April 2006.[1] Sandy uga tau nggungat pegat Pinkan Mambo nalika tanggal 1 Dhésèmber 2006.[1] Nanging gugatan pegat iku banjur dibatalaké, Sandy lan Pinkan banjur rukun manèh.[1]
Nalika tanggal 14 Oktober 2009, Pinkan resmi pegatan karo Sandy Sanjaya.[1] Taun 2011, Pinkan dikabaraké dadi pacaré salah sijiné juru main bal kang asalé saka Mamuju, Sulawesi Kulon.[1] Pemain bal iki jenengé Febrianto Wijaya.[1] Pinkan ngarepaké gayutan iki bisa langgeng lan akiré bisa palakrama karo Febrianto Wijaya.[1]
Cathetan sikil
[besut | besut sumber]
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |