კაშგარის ქედი
| კაშგარის ქედი | |
|---|---|
 მწვერვალი მუზტაგატა | |
| კოორდინატები: 38°15′ ჩ. გ. 75°25′ ა. გ. / 38.250° ჩ. გ. 75.417° ა. გ. | |
| ქვეყანა |  ჩინეთი
|
| უმაღლესი წერტილი | კონგური |
| სიმაღლე | 7719 მ |
| სიგრძე | 100 კმ |
| სიგანე | 100 კმ |
  | |
კაშგარის ქედი, კონგურმუზტაგი — ქედი ჩინეთში, კუნლუნის დასავლეთ დაბოლოებაზე. გაწოლილია მდინარეებს გიოზდარიასა და ტაშკურგანს შორის. სიგრძე დაახლოებით 100 კმ. მაქსიმალური სიმაღლე 7719 მ (მწვერვალი კონგური). გაბატონებული სიმაღლეებია 5000–6000 მ.[1] სიმაღლით მეორე მწვერვალია მუზტაგატა (7546 მ), რომელიც მრავალრიცხოვანი მყინვარებითაა შემოსილი. კაშგარის ქედი აგებულია გრანიტებით, გნაისებითა და კვარციტებით. ნიშანდობლივია ბასრი თხემი და პიკები, ციცაბო ფერდობები, ღრმა ხეობები. დამახასიათებელია მთის სტეპი და ალპური მდელოები. გაბატონებულია მძლავრი გამყინვარება, რომლის საერთო ფართობია 600 კმ². მდინარეთა ხეობებშია ტუგაის ტყე. მთისძირში გვხვდება უდაბნო და ნახევარუდაბნო. განვითარებულია ალპინიზმი და ტურიზმი.[2]