მსოფლიო საფეხბურთო ჩემპიონატი 2014: ფინალი

მსოფლიო საფეხბურთო ჩემპიონატი 2014
ტურნირი	ფეხბურთის მსოფლიო ჩემპიონატი 2014
	დ.დ
თარიღი	13 ივლისი 2014
არენა	მარაკანა, რიო დე ჟანეირო
საუკეთესო ფეხბურთელი	მარიო გეცე
მსაჯი	ნიკოლა რიცოლი (იტალია)
დასწრება	74 738
ამინდი	ნაწილობრივ მოღრუბლული; ტენიანობა 65%
	← 2010 2018 →

მთავარი სტატია: მსოფლიო საფეხბურთო ჩემპიონატი 2014.

მსოფლიო საფეხბურთო ჩემპიონატი 2014: ფინალი — მუნდიალი 2014-ის ფინალური ტურნირის დასკვნითი მატჩი. გაიმართა 13 ივლისს. გერმანიამ დაამარცხა არგენტინა 1-0. მატჩის ერთადერთი გოლი გაიტანა მარიო გეცემ, დამატებით დროში. გეცემ, რომელიც შეცვლაზე შევიდა, მიიღო ასევე შეცვლაზე შესული შურლეს პასი მარცხენა ფლანგიდან, მიიღო მკერდზე და მარცხენა ფეხით გაიტანა გოლი.

გერმანია ფინალში ასპარეზობდა მერვეჯერ, ხოლო არგენტინა მეხუთეჯერ. გერმანიას ჰქონდა ჩემპიონის სამი ტიტული, ხოლო არგენტინას — ორი. ეს იყო მესამე ფინალი, რომელიც არგენტინა-გერმანიას შორის გათამაშდა. მატჩი მონათლული იყო როგორც მსოფლიოს საუკეთესო ფეხბურთელისა (მესი) და საუკეთესო გუნდის (გერმანია) დაპირისპირება.^[1]^[2]

გერმანიამ მეოთხედ მოიგო ჩემპიონატი, რითაც დაეწია იტალიას. ამასთან ეს იყო გერმანიის პირველი ტიტული გაერთიანების (1990) შემდეგ და ასევე პირველი შემთხვევა, როცა ევროპულმა გუნდმა მოიგო ჩემპიონატი ამერიკაში.

წინა შეხვედრები

ამ ორ გუნდს შორის აქამდე 20 შეხვედრა იყო გამართული, აქედან 9 მოიგო არგენტინამ, 6 გერმანიამ და 5 დასრულდა ფრედ. გუნდები ექვსჯერ შეხვდნენ ერთმანეთს მსოფლიო შემპიონატზე, ხოლო ორჯერ ფინალში. ერთი ფინალი არგენტინას ჰქონდა მოგებული, ერთი კი გერმანიას. ეს შეხვედრა იყო ზედიზედ მესამე შეხვედრა ამ გუნდებისა მსოფლიო თასებზე. გერმანია და არგენტინა ერთმანეთს შეხვდნენ 2006 და 2010 წლებშიც, ორივეჯერ მეოთხედინალურ ეტაპზე და ორივეჯერ გერმანიამ მოიგო.

წინა მატჩები მსოფლიო ჩემპიონატზე
მუნდიალი 1958, ჯგუფი 1, გერმანიამ დაამარცხა არგენტინა 3–1. მუნდიალი 1966,ჯგუფი 2, მატჩი დასრულდა ფრედ, 0-0. მატჩი გამოირჩეოდა არგენტინელთა უხეშობით გერმანელების წინააღმდეგ. მუნდიალი 1986, ფინალი, მარადონას არგენტინამ მოუგო გერმანიას 3–2 და მოიგო მეორე და ჯერჯერობით უკანასკნელი ტიტული. მუნდიალი 1990, ფინალი, გუნდები ზედიზედ მეორედ შეხვდნენ ერთმანეთს მუნდიალის ფინალში. ამჯერად გერმანიამ მოიგო არგენტინა 1–0 და მესამედ მოიპოვა ტიტული. ამ თამაშში მსაჯმა ორი არგენტინელი გააძევა და გერმანიის სასარგებლოდ დანიშნა საეჭვო პენალტი, რომლიდანაც იქნა ერთადერთი გოლი გატანილი. მუნდიალი 2006, მეოთხედფინალი, მატჩი 1-1 დასრულდა, პენალტების სერიაში 4-2 მოიგო გერმანიამ. მუნდიალი 2010, მეოთხედფინალი, გერმანიამ დაამარცხა მარადონას გაწვრთნილი არგენტინა 4-0

ფეხბურთელები

ფეხბურთელები, რომლებიც ამ ორი გუნდის წინა შეხვედრებში მონაწილეობდნენ:


2006	გერმანია: მიროსლავ კლოზე, ფილიპ ლამი, პერ მერტეზაკერი, ლუკას პოდოლსკი და ბასტიან შვაინშტაიგერი არგენტინა: ხავიერ მასკერანო, მაქსი როდრიგესი, ლიონელ მესი და როდრიგო პალასიო
2010	გერმანია: ჟერომ ბოატენგი, სამი ხედირა, მიროსლავ კლოზე, ტონი კროოსი (შეცვლიდან), ფილიპ ლამი, პერ მერტეზაკერი, თომას მიულერი, მანუელ ნოიერი, მესუთ ოზილი, ლუკას პოდოლსკი და ბასტიან შვაინშტაიგერი არგენტინა: სერხიო აგუერო (შეცვლიდან), მარტინ დემიკელისი, ანხელ დი მარია, გონსალო იგუაინი, ხავიერ მასკერანო, ლიონელ მესი, მაქსი როდრიგესი, და სერხიო რომერო (მარიანო ანდუხარი ასევე იყო განაცხადში)

კლოზემ გაიტანა ერთი 2006 და ორი 2010 წელს, ხოლო მიულერმა გაიტანა პირველი გოლი 2010 წლის მატჩში. იოახიმ ლევი იყო მწვრთნელის ასისტენტი 2006 წელს და მთავარი მწვრთნელი 2010 და 2014 წლებში.

გზა ფინალამდე

გერმანია

რაუნდი

არგენტინა

ოპონენტი

შედეგი

ჯგუფური ეტაპი

ოპონენტი

შედეგი

პორტუგალია

4–0

1-ლი ტური

ბოსნია და ჰერცეგოვინა

მე-2 ტური

აშშ

მე-3 ტური

ჯგუფი G-ის გამარჯვებული

გუნდი	თ	მ	ფ	წ	გატ	გაშ	სხვ	ქ
გერმანია	3	2	1	0	7	2	+5	7
აშშ	3	1	1	1	4	4	0	4
პორტუგალია	3	1	1	1	4	7	−3	4
განა	3	0	1	2	4	6	−2	1

ცხრილი

ჯგუფი F-ის გამარჯვებული

გუნდი	თ	მ	ფ	წ	გატ	გაშ	სხვ	ქ
არგენტინა	3	3	0	0	6	3	+3	9
ნიგერია	3	1	1	1	3	3	0	4
ბოსნია და ჰერცეგოვინა	3	1	0	2	4	4	0	3
ირანი	3	0	1	2	1	4	−3	1

ოპონენტი

შედეგი

პლეი-ოფი

ოპონენტი

შედეგი

ალჟირი

2–1 (დ.დ.)

მერვედფინალი

1–0 (დ.დ.)

მეოთხედფინალი

ნახევარფინალი

0–0 (დ.დ.) (4–2 პენ.)

მატჩის ბურთი

მატჩის ბურთი იყო Adidas Brazuca Final Rio, რომელიც ტექნიკურად იგივე იყო, როგორიც ტურნირის ბურთი Adidas Brazuca, მხოლოდ განსხვავებული სახელითა და ფერთა დიზაინით.

მსაჯები

მატჩის მთავარი მსაჯი იყო იტალიელი ნიკოლა რიცოლი. მან ამავე ჩემპიონატზე განსაჯა ესპანეთი-ნიდერლანდების, ნიგერია-არგენტინის და არგენტინა-ბელგიის მატჩები. რიცოლი იყო ასევე მსაჯი 2010 წელს ევროპა ლიგის, ხოლო 2013 წელს ჩემპიონთა ლიგის ფინალებში. რიცოლი მესამე იტალიელი მსაჯია, რომელმაც მუნდიალის ფინალში იმსაჯა სერჯო გონელას (1978) და პიერლუიჯი კოლინას (2002) შემდეგ.

მატჩი

ორივე გუნდმა მატჩი დაიწყო იმავე შემადგენლობით, რომლითაც ნახევარფინალებში ითამაშეს. ეად სასტარტო შემადგენლობაში იყო კრისტოფ კრამერი. მაგრამ კრამერი დაშავდა პირველი ტაიმში და ის შურლემ შეცვალა.

არგენტინელ გონსალო იგუაინს ჰქონდა გოლის გატანის შანსი პირველივე ტაიმში. მან ბურთი ტონი კროოსის შეცდომის გამო მიიღო, მაგრამ კარს ააცილა. იგუაინმა მაინც გაიტანა გოლი, მაგრამ თამაშგარეს წესის გამო ის არ ჩაითვალა. პირველი ტაიმის ბოლოს გატანა შეეძლო გერმანელ მცველ ჰოვედესს, რომლის თავური დარტყმის შემდეგ ბურთი ძელს მოხვდა. მეორე ტაიმის დასაწყისში თავისი შანსი გააცუდა ლიონელ მესიმ. დამატებით დროში კიდევ ერთ არგენტინელ თავდამსხმელს, როდრიგო პალასიოს შეეძლო გაეტანა, მაგრამ მანაც ააცილა. დამატებითი დროის დასაწყისში საგოლე შანსი ჰქონდა შურლესაც. 113-ე წუთზე მატჩის ერთადერთი გოლი შეცვლაზე შესულმა გეცემ გაიტანა. მან შურლეს პასი მიიღო და მარცხენა ფეხით გაიტანა გოლი. ის გახდა შეცვლაზე შესული პირველი მოთამაშე, რომელმაც ჩემპიონატის გამარჯვების გოლი გაიტანა. დამატებითი დროის მიწურულს მესის ჰქონდა შანსი, გაეტანა საჯარიმო დარტყმიდან, მაგრამ მან ბურთი ხარიხას მოარტყა.

დეტალები

13 ივლისი 2014 16:00 UTC−3	გერმანია	1–0 (დ.დ.)	არგენტინა	მარაკანა, რიო დე ჟანეირო მაყურებელი: 74 738 მსაჯი: ნიკოლა რიცოლი (იტალია)
	გეცე 113'	ანგარიში

გერმანია

არგენტინა


GK	1	მანუელ ნოიერი
RB	16	ფილიპ ლამი
CB	20	ჟერომ ბოატენგი
CB	5	მატს ჰუმელსი
LB	4	ბენედიქტ ჰოვედესი	34'
CM	23	კრისტოფ კრამერი		31'
CM	7	ბასტიან შვაინშტაიგერი	29'
CM	18	ტონი კროოსი
RW	13	თომას მიულერი
LW	8	მესუთ ოზილი		120'
CF	11	მიროსლავ კლოზე		88'
შეცვლები:
DF	2	კევინ გროსკროიცი
DF	3	მათიას გინტერი
FW	9	ანდრე შურლე		31'
FW	10	ლუკას პოდოლსკი
GK	12	რონ-რობერტ ცილერი
MF	14	იულიან დრაქსლერი
DF	15	ერიკ დურმი
DF	17	პერ მერტეზაკერი		120'
MF	19	მარიო გეცე		88'
GK	22	რომან ვაიდენფელერი
MF	6	სამი ხედირა (დაშავებული)
DF	21	შხოდრან მუსტაფი (დაშავებული)
მწვრთნელი:
იოახიმ ლევი


GK	1	სერხიო რომერო
RB	4	პაბლო საბალეტა
CB	15	მარტინ დემიკელისი
CB	2	ესეკიელ გარაი
LB	16	მარკოს როხო
CM	14	ხავიერ მასკერანო	64'
CM	6	ლუკას ბილია
RW	8	ენცო პერესი		86'
LW	22	ესეკიელ ლავესი		46'
SS	10	ლიონელ მესი
CF	9	გონსალო იგუაინი		78'
შეცვლები:
DF	3	უგო კამპანიარო
MF	5	ფერნანდო გაგო		86'
MF	7	ანხელ დი მარია (დაშავებული)
MF	11	მაქსი როდრიგესი
GK	12	აგუსტინ ორიონი
MF	13	აუგუსტო ფერნანდესი
DF	17	ფედერიკო ფერნანდესი
FW	18	როდრიგო პალასიო		78'
MF	19	რიკარდო ალვარესი
FW	20	სერხიო აგუერო	65'	46'
GK	21	მარიანო ანდუხარი
DF	23	ხოსე მარია ბასანტა
მწვრთნელი:
ალეხანდრო საბელა

საუკეთესო მოთამაშე:
მარიო გეცე (გერმანია)

მთავარი მსაჯი:
ნიკოლა რიცოლი (იტალია)

თანამსაჯები:
რენატო ფავერანი (იტალია)
ანდრეა სტეფანი (იტალია)
მეოთხე მსაჯი:
კარლოს ვერა (ეკვადორი)
მეხუთე მსაჯი:
კრისტიან ლესკანო (ეკვადორი)

სტატისტიკა

	გერმანია	არგენტინა
გოლი	1	0
დარტყმა	10	10
დარტყმა კარში	7	2
ბურთის ფლობა	60%	40%
კუთხურები	5	3
ჯარიმა	20	16
თამაშგარეები	3	2
სეივი	2	6
ყვითელი ბარათები	2	2
წითელი ბარათები	0	0

მსოფლიო ჩემპიონატის გამარჯვებული
გერმანია მეოთხე წოდება

რეაქცია ბრაზილიაში

არგენტინელებისა და ბრაზილიელების საფეხბურთო დაპირისპირების გამო, ადგილობრივები ფინალში გერმანიას გულშემატკივრობდნენ, მიუხედავად იმისა, რომ გერმანიამ ნახევარფინალში ბრაზილია 7-1 დაამარცხა. ამასთან, გერმენელები ღირსეულად შეხვდნენ მასპინძლების დამარცხებას, ხოლო არგენტინის ფანებმა სიხარულით აღნიშნეს ბრაზილიის გავარდნა. ბრაზილიელ გულშემატკივრებს განსაკუთრებით უხაროდათ, რომ მათ მშობლიურ ქვეყანაში და მათთვის განსაკუთრებული მნიშვნელობის მქონე სტადიონ მარაკანაზე არგენტინამ ვერ შეძლო ჩემპიონის ტიტულის მოპოვება^[3]^[4]^[5]

სქოლიო

↑ [1]
↑ "The World Cup Final: The Best Team vs. the Best Player". Wall Street Journal. 15 ივლისი 2014
↑ Young, James (13 ივლისი 2014). „Brazil falls short, but its World Cup provides unforgettable theater“. Sports Illustrated.
↑ Brunner, Cody (13 ივლისი 2014). „Argentina's World Cup final loss to Germany gives Brazil something to cheer about“. Yahoo.
↑ „Brazilians Go Back to Real Life“. The New York Times. 13 ივლისი 2014.

[uk.eurosport.yahoo.com-1] [1]

[2] "The World Cup Final: The Best Team vs. the Best Player". Wall Street Journal. 15 ივლისი 2014

[3] Young, James (13 ივლისი 2014). „Brazil falls short, but its World Cup provides unforgettable theater“. Sports Illustrated.

[4] Brunner, Cody (13 ივლისი 2014). „Argentina's World Cup final loss to Germany gives Brazil something to cheer about“. Yahoo.

[5] „Brazilians Go Back to Real Life“. The New York Times. 13 ივლისი 2014.

[1]

[2]

[3]

[4]

[5]