ორონგო, ჩირუ (ლათ.Pantholops hodgsonii) — წყვილჩლიქოსანი ძუძუმწოვარი ცხოველი ძროხისებრთა ოჯახისა. სიმაღლე მინდაოში დაახლოებით 80 სმ, წონა 40-50 კგ. ზურგი რუხი-ყავისფერია, მუცელი — თეთრი; მამალს თავი და წინა ფეხები მოშავო აქვს. დინგი შესამჩნევად გაფართოებულია. თითქმის ვერტიკალური, სუსტად გაღუნული რქები მხოლოდ მამლებს აქვთ, სიგრძით 70 სმ-მდე. ყურები მოკლე აქვს, ბოლოებში წაწვეტებულია. კუდი მოკლეა. ბინადრობს ტიბეტსა და ლადაქში. ჩვეულებრივ, ჯოგებად ცხოვრობს. იკვებება ბალახით, შეწყვილება ნოემბერ-დეკემბერშია. ნაშიერს შობს მაის-ივნისში.
_Pantholops_hodgsoni.png)
