J2000.0
J2000.0 — ეპოქის სახელწოდება ასტრონომიაში. ეპოქა — დროის განსაზღვრული მომენტი, რომელშიც ზუსტადაა განსაზღვრული ასტრონომიული კოორდინატები და ორბიტის ელემენტები, ასევე რომლისგანაც გამოთვლილია სხვა ორბიტალური პარამეტრები, ამა თუ იმ ობიექტის მდებარეობის მომავალში განსაზღვრის მიზნით.
დროთა განმავლობაში გროვდება გაზომვების უზუსტობები და შეცდომები, იქმნება სულ უფრო ბევრი შეცდომები ობიექტის მდებარეობის გამოთვლისას. ძველ დროში ასტრონომები და ასტრონომთა ჯგუფები ეპოქებს განსაზღვრავდნენ საკუთარი შეხედულებების მიხედვით, მაგრამ დღეისათვის ეპოქები განსაზღვრულია საერთაშორისო შეთანხმებაში. ასე რომ, მთელი მსოფლიოს ასტრონომებს შეუძლიათ უფრო ეფექტურად ითანამშრომლონ.
საერთაშორისო შეთანხმებით განსაზღვრული მიმდინარე ეპოქა — J2000.0.
ეს თარიღი და დრო ეკვივალენტურია:
- 2000 წლის 1 იანვრის 11:59:27,816 საერთაშორისო ატომური დროის მიხედვით (TAI).
- 2000 წლის 1 იანვრის 11:58:55,816 მსოფლიო კოორდინირებული დროის მიხედვით (UTC).