Bootes (constellatio)

Data sideris Bootis
Nomen	Bootes; Arctophylax
Genetivus	Bootis, Bootae; Arctophylacis
Abbreviatio	Boo
Ascensio recta	13 h 35 min ad 15 h 50 min
Declinatio	+8° ad +55°
Area	907 gradus quadrati ordo: 13
Videri potest inter	+90° ac −50°
Numerus stellarum magnitudinis < 3m	3
Stella lucidissima, Magnitudo	Arcturus (α Bootis), -0.04m
Meteorum amnes	Quadrantidae, Bootidae
Constellationes finitimae (a septentrionalibus sensu negativo)	Draco Ursa Maior Coma Berenices Virgo Libra Serpens Corona Borealis Hercules

Tabula constellationis

Boötes est constellatio in caelo septentrionali, quod inter Herculem et Virginem constat. Si (Ursae Maioris spectas stellas curri temonem significantes, Arcturum stellam Bootis lucidissimam ultra temonem convenis.

Arcturus est gigas rubra quae 36 annuae lucis spatia remota 30plum diametri Solis nostri habet. Arcturus in classe spectrali K2 IIIp est, cuius motio propria praeter Solem ab astronomo Edmundo Halley inventa est. Arcturus lucidissima stella caeli septentrionalis est eademque inter lucidissimas stellas totius caeli quartum locum tenet. Una cum Spica et Denebula triangulum vernale format.

Finibus publicis constellationum hodiernarum ab instituto IAU nominato definitis duae veteres constellationes abolitae sunt, nempe Quadrans Muri ad septentriones Draconemque spectans et Mons Maenalus ad meridiem Virginemque spectans.

Bootes iam inter 48 constellationes temporum antiquorum descriptum est, quae Claudius Ptolemaeus in libro suo commemorat.

Bootes Graece agitator iumentorum est.

Nomen pristinum constellationis est Arctophylax (Graece, 'pastor ursae' significat), quod nomen ex eo ortum est quod Arcturus stella principalis Ursae maioris "caudam" sequi videtur.

Arcturi nomen e lingua Arabica ortum est 'venatorem ursam intuentem' significans.

De Mythologia

Bootes Arcas, Iovis filius Callistusque, significare dicitur.

Alii eum Philomelem, filium Iasonis Demeteros, inventorem et curri et aratri, esse dicunt.

Stellae

Si plus cognoscere vis, vide etiam Stellae Bootis.

Stella	Nomen	Magnitudo	Intervallum in sla	Classis spectralis
16, α Boo	Arcturus	-0.04m	36	K2 III p
42, β Boo	Neccar	3.5m	219	G8 III
27, γ Boo	Ceginus	3,0m–2,35m	85	A7 III var
36 ε Boo	Izar, Pulcherrima	2.4m	210	A0 V
8, η Boo	Muphrid	2.7m	37	G0 IV
θ Boo	Asellus Primus	4.04m
ι Boo	Asellus Secundus	4.75m
κ Boo	Asellus Tertius	6.62m
51, μ1 Boo	Alcalurops	< 4.2m
38 Boo	Falx Italica, Marrha, Merga	5.76m

Pulcherrima (vel Izar) stella duplex circiter 150 spatia lucis annuae remota est. Per telescopium stella lutea lucida videri potest quae a stella caerulea comitatur. Quod systema stellarum duplicum inter pulcherrima dici solet.

Amnes meteorum

Per Bootem Quadrantidae meteores volant, qui Nonis Ianuariis maxime videri possunt. Tum inter 40 et 200 meteores altera quoque hora spectandi sunt.

Nomen huius amnis ortum est de constellatione inveterata Muri Quadrante olim Booti finitima.

Nexus externi

• "Boötes" apud Chris Dolan, The Constellations and their Stars (anglice)
• "The Constellations" apud situm Internationalis Unionis Astronomicae (anglice)

Constellationes nominibus Latinis digestae

Constellationes abbreviationibus digestae

Zodiacus