Pax Tilsae (1807)
Pax Tilsae 7 et 9 Iulii 1807 inter Napoleonem imperatorem Francorum atque Fridericum Gulielmum III regem Borussiae et Alexandrum I imperatorem Russiae constituta est.
Bellum Quartae coalitionis
[recensere | fontem recensere]Quarta Coalitio inter Borussiam, Saxoniam, Russiam, Sueciam atque Regnum Unitum anno 1806 decreta est. Napoleo Borussia et Saxonia Proelio Ienensi 14 Octobris eius anni celeriter victae sunt. Saxonia celeriter Pacem Posnaniae cum Napoleone signavit, coalitionem reliquit et ad Confoederationem Germanicam accessit. Russia et Borussia bellum perrexerunt, quamquam Napoleo omnem fere Borussiam occupavit et 14 Iunii 1807 Proelio Friedlandiensi pervicti sunt. Diebus insequentibus primo Alexander imperator, deinde Fridericus Gulielmus III indutias cum Napoleone adeptus est.
Foedus Napoleonis cum Russia
[recensere | fontem recensere]
7 Iulii Napoleo et Alexander imperatores in rati in flumine Nemunas in urbe Tilsae de condicionibus pacis convenerunt:
- Alexander Confoederationem Germanicam et Ducatum Varsoviae cum duce Friderico Augusto I rege Regni Saxoniae agnovit.
- Russia ad Saepta Continentalia contra Regnum Unitum accessit.
- Napoleo Ducatum Oldenburgensem et alia minora civitates, quae a familiaribus Alexandri regebantur, praestabat. Napoleone adnuente Russia nunc bellum contra Sueciam coepit.
Foedus Borussicum cum Francia
[recensere | fontem recensere]
Die 9 Iulii Napoleo Tilsae pacem cum Friderico Gelielmo Borussiae rege signavit, quae acerrimas condiciones decrevit:
- Borussiam magnam partem terrae suae relinquere coacta est, i.a. regiones ad occidentem ripam Albis fluminis, quae nunc ad regnum Westfaliae pertinebant. Haec pars, quae ante 1795 ad Poloniam pertinuerat nunc Ducatus Varsoviae facta est.
- Borussia maxima tributa solvere debuit.
- Exercitus Borussiae valde diminuta est.
Nexus externi
[recensere | fontem recensere]
|
Vicimedia Communia plura habent quae ad Pax Tilsae spectant. |