Dwergplaneet

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

'n Dwergplaneet is 'n hiemelliechaam wat in de definitie van 24 augustus 2006 vaan de Internationale Astronomische Unie (IAU) vasgestèld is es 'n hiemelliechaam wat:

• drejt um de Zon of um 'n aander staar;
• gein energie produceert d.m.v. kernfusie;
• genóg massa heet zoetot 't oonder de eige zwuurtekrach (bijnao) bolvormeg is en dus in hydrostatisch evewiech is (in tegestèlling tot kleiner planetoïde);
• gein maon is vaan 'n aander planeet;
• zien baon neet vrijgeveeg heet vaan vaan aander objekte.

Die lèste veurwaarde maak tot in eus eige zonnestèlsel Pluto, Eris, Makemake, Haumea en Ceres in dees categorie valle. 't Gief nog 'n aontal aander objekte in eus zonnestèlsel boevaan nog moot weure oonderzeuk of ze voldoen aon de veurwaarde. Dit zien oonder aandere de "klassieke" planetoïde Vesta, Pallas en Hygiea en 'n aontal Transneptuniaanse objekte wie Sedna, Orcus, Quaoar, 2002 TX₃₀₀, 2002 AW₁₉₇, Varuna, Ixion en 2015 RR₂₄₅.