Moviment Autonomista Bergamasch
| Moviment Autonomista Bergamasch | |
|---|---|
| Movimento Autonomista Bergamasco | |
| Guida | Guido Calderoli |
| Stat |  |
| Fondazion | 1956 |
| Asorbid da | MARL, MARP e DC |
| Ideolojia | Autonomism lombard, federalism, antifassism |
| Collocazion | Center |
| Cadrege Consili comunal de Bergom | 1 in del 1956 |
| Cadrege Consili Provincial de Bergom | 1 in del 1956 |
| $fine | |
El Moviment Autonomista Bergamasch a l'è staa 'n partii politegh italian autonomista fondaa offizialment in del 1956 del Guido Calderoli.
Storia
[Modifega | modifica 'l sorgent]El moviment autonomista de la bergamasca el sorgiss giamò a la fin de la segonda guerra mondial con la scrittura de la Costituzion italiana repubblegana in di ambient ligaa al Partii Republegan Italian e al sò parlamentar Giulio Bergmann e l'era frequentaa soratutt di professionista de l'epoca. Giamò in del 1947 sorgissen di grupp organizzaa e dan vitt al "Grupp Autonomista Bergamasch" e al "Moviment Autonomii Locai" che, quand che i Regionn stabilii de la Costituzion hinn no attivaa, deciden de rend 'me sò obietiv de attivà 'sti governi regionai chi e tacchen a fà propaganda a sò favor anca in di alter regionn e la ghe vegn la voeuja de candidàss ai elezion.
In del 1956 'sti grupp, guidaa del Calderoli, se istituissen 'me partii e se candiden in di elezion locai de Bergom cont on simbol de 'n omm che 'l se libera di cadenn de la burocrazia romana. Riessen a elegg el Guido Calderoli 'me consiliee comunal, che poeu el se dimett in favor del Gianfranco Gonella e de l'Ugo Gavazzeni 'me consiliee provincial.
In del 1958 el Calderoli el tacca a desviluppà 'n progett de unificazion de tutt i forz autonomista lombard in del Moviment Autonomista Regional Lombard che in del fevree del midemm ann el se gionta cont di alter autonomista per dà vitta al Moviment Autonomista Regional Padan che 'l corr in di elezion del midemm ann senza ciappà nanca on segg e cont on sbassament di vot. Per quella reson lì la pupart di autonomista la accetta on accord con la Democrazia Cristiana per andà in di sò list in cambi de la renonzia a l'autonomism.
La part che l'è andada no in la Democrazia Cristiana la resta 'me "Autonomisti" cont on ciocchee 'me simbol, che però la falliss in l'otegnì i vegg scagn e la se disliga pocch dopo. Resten però per la pupart in politega in di agn '60 e fonden in del 1968 l'Union Autonomista d'Italia, guidaa del Gavazzeni e fondada a Pontida.
Idej politegh
[Modifega | modifica 'l sorgent]El MAB a l'era per l'istituzion di Regionn e per la soa autonomia ma minga per la secession, tant che 'l sostegniva el patriottism italiann e l'autonomia local 'me manéra pussee bona per mantegnì l'unità senza ris'cià 'na noeuva dittatura e 'l se fondava in su di ducument de la resistenza italiana compagn del "Programma de Milan" di Neoguelf del Moviment Guelf d'Azion, che 'l parlava giamò de des'centrament regional de la tassazion e di servizzi compagn di scoeur.
El sostegniva di posizion de rispett per la coltura local e per i lengov locai, per esempi con l'ideja de fornì cont i concors nazionai per i docent e fà gestì i scoeur ai entità locai e de obligà i dependent publegh a imprend el bergamasch o a fornì 'n interprete. El gh'eva anca di element antimeridionalista fondaa in su l'ideja che 'n Pajes inscì squilibraa in del lavorà el fuss debol e minga bon de stà in pee a longh.
Influenza in sul leghismo
[Modifega | modifica 'l sorgent]Tanc studios correlen el "mabismo" al leghismo e 'na motta de concett che hinn staa poeu doperaa del leghismo hinn nassuu in l'ambient mabista, compagn de la "gainna de l'oeuv dor", de "Bergamo nazione tutto il resto meridione" e de la retorega in favor de la resistenza italiana. Gh'eren però di differenz minga de pocch: per esempi el MAB l'era autonomista ma minga independentista, a differenza de la Liga che l'era verta a l'independentism.
