Lompat ke isi

Kabupaten Belitung

Wikipedia Minangkabau - Lubuak aka tapian ilimu

Koordinat: 2°52′ LS 107°42′ BT

Kabupaten Belitung
Kabupaten di Kepulauan Bangka Belitung, Indonesia
Pantai Tanjung Tinggi, Belitung
Pantai Tanjung Tinggi, Belitung
Lambang rasmi Kabupaten Belitung
Lambang
Julukan: Maldiven van Andalas
(Maladewa dari Andalas)
Semboyan: Maju Terus Mawas Diri
Nagara Indonesia
ProvinsiKepulauan Bangka Belitung
Tanggal paresmian-
Dasa hukum-
Ibu kotaTanjung Pandan
Pamarintahan
 • BupatiSahani Saleh
 • Wakil BupatiIsyak Meirobie
Laweh
 • Total2.293,69 km2 (885,60 sq mi)
Panduduak (2021)[1]
 • Total184.004 jiwa
 • Kapadatan80/km2 (200/sq mi)
Demografi
 • AgamoIslam 91,96%
Buddha 5,11%
Kristen 2,40%
- Protestan 1,74%
- Katolik 0,66%
Hindu 0,43%
Konghucu 0,10%[1]
Zona wakatuWIB (UTC+07:00)
Kode telepon+62 719
Plat kandaraanBN xxxx F*
Jumlah kecamatan5
Jumlah kelurahan49
DAURp 376.540.510.000.-(2013)[2]
IPM▲ 72,57 (2021)
tinggi[3]
Kode Kemendagri19.02 Edit nilai pada Wikidata
Situs webhttp://www.belitung.go.id/

Kabupaten Belitung adolah sabuah kabupaten di provinsi Kepulauan Bangka Belitung. Kabupaten iko mampunyoi lueh 2.293,69 Km² dan bapaduduak 184.004 jiwa di tahun 2021.[1] Ibu kota kabupaten ko barado di Tanjung Pandan. Sekitar 56,60% (104.152 jiwa) panduduak kabupaten ko bamukim di Tanjung Pandan.[1]

Geografis

[suntiang | suntiang sumber]

Sacaro geografis Kabupaten Belitung talatak antaro 107°08' BT sampai 107°58' BT dan 02°30' LS sampai 03°15' LS dengan lueh saluruhnyo 229.369 ha atau kurang labiah 2.293,69 km². Kabupaten Belitung marupokan bagian dari wilayah Provinsi Kepulauan Bangka Belitung yang juo marupokan wilayah kepulauan yang terdiri dari 98 buah pulau gadang dan ketek.[4]

Bateh Wilayah

[suntiang | suntiang sumber]

Bateh wilayah Kabupaten Belitung antaro lain;

Utara Laut Natuna
Selatan Laut Jawa
Barat Selat Gaspar dan Kabupaten Bangka Selatan
Timur Selat Karimata dan Kabupaten Belitung Timur


Iklim

[suntiang | suntiang sumber]

Kabupaten Belitung mampunyoi iklim tropis dan basah jo variasi curah hujan bulanan pado tahun 2006 antaro 3,3 mm sampai 691,6 mm jo jumlah hari hujan antaro 1 hari sampai 30 hari setiok bulannyo. Curah Hujan tatinggi pado tahun 2006 terjadi pado bulan Desember yang mancapai 691,6 mm. Rato-rato temperatur udaro pado tahun 2006 bavariasi antaro 24,0 °C sampai 27,9 °C, di mano kelembaban udaronyo bavariasi antaro 81% sampai 92%, dan tekanan udaro antaro 1009,1 mb sampai dengan 1011,8 mb.[4]

Topografi

[suntiang | suntiang sumber]

Mampunyoi katinggian kurang labiah 500 m dari ateh parmukoan lauik jo puncak tatinggi ado di daerah Gunung Tajam. Kaadaan tanah di Kabupaten Belitung pado umumnyo didominasi oleh kwarsa jo kasiak, batuan aluvial dan batuan granit. Samantaro daerah hilia (pantai) terdiri ateh babarapo Daerah Aliran Sungai (DAS) utamo, yaitunyo:[4] - Sabalah Utara oleh DAS Buding - Sabalah Selatan oleh DAS Pala & Kembiri, dan - Sabalah Barat oleh DAS Brang jo Cerucuk.

Aliran Sungai

[suntiang | suntiang sumber]

Kondisi topografi Pulau Belitung pado umumnyo bagalombang jo babukik-bukik alah mambantuak pola aliran sungai di daerah ko menjadi pola sentrifugal, di mano sungai-sungai yang ado bahulu di daerah pegunungan dan mangalia ka daerah pantai. Samantaro daerah aliran sungai mampunyoi pola aliran sungainyo tabantuak sarupo pohon.

Lueh Wilayah

[suntiang | suntiang sumber]

Barikuik adolah Lueh Kabupaten Belitung dirinci menuruik Kecamatan:

Nomor Kecamatan Luas (km²) Persentase (%)
1 Membalong 909,550 39,65
2 Tanjung Pandan 378,448 16,50
3 Badau 458,200 19,95
4 Sijuk 413,992 18,05
5 Selat Nasik 133,500 5,82

Pamarintahan

[suntiang | suntiang sumber]

Kapalo Daerah

[suntiang | suntiang sumber]
!Artikel utamo untuak bagian ko adolah: Daftar Bupati Belitung

Bupati pamimpin tatinggi di lingkungan pamarintah Kabupaten Belitung. Bupati Belitung batangguangjawab kepado gubernur provinsi Kepulauan Bangka Belitung. kini ko, bupati atau kepalo daerah yang manjabat di Kabupaten Belitung adolah Sahani Saleh, jo wakil bupati Isyak Meirobie. Sabalumnyo, pado Pemilihan umum Bupati Belitung 2018, Sahani Saleh bapasangan jo Erwandi A. Rani untuak periode kaduo, dan beliau baduo mamanangkan pemilu tasabuik. Namun, Erwandi mangundukan diri sabagai wakil bupati pado 20 September 2018 karano mancalonkan diri sabagai anggota legislatif provinsi Kapulauan Bangka Belitung. Salanjuiknyo, Isyak Meirobie manggantikan Erwandi sabagai wakil bupati Kabupaten Belitung, untuak maso jabatan 2018-2023.[5]

No Bupati Mulai jabatan Akhir jabatan Prd. Ket. Wakil Bupati
16 Sahani Saleh 23 Juni 2018 31 Desember 2018 (2018) Periode 18 Erwandi A. Rani(Hingga 20 September 2018)
31 Desember 2018 petahana Isyak Meirobie

Dewan Parwakilan

[suntiang | suntiang sumber]
!Artikel utamo untuak bagian ko adolah: Dewan Perwakilan Rakyat Daerah Kabupaten Belitung

Dewan Perwakilan Rakyat Daerah Kabupaten Belitung

Kecamatan

[suntiang | suntiang sumber]
!Artikel utamo untuak bagian ko adolah: Daftar kecamatan dan kelurahan di Kabupaten Belitung

Jumlah penduduak Kabupaten Belitung per Kecamatan, tahun 2010 jo tahun 2020:

No Kecamatan Jumlah Penduduk

(2010)

Jumlah Penduduk

(2021)[1]

1. Membalong 24.172 27.117
2. Tanjung Pandan 86.031 104.152
3. Badau 12.752 15.328
4. Sijuk 26.677 31.673
5. Selat Nasik 6.333 5.734
Jumlah 155.965 184.004

Demografi

[suntiang | suntiang sumber]

Suku bangso

[suntiang | suntiang sumber]
Warga Tanjung Tinggi Belitung, lomba balap karuang dalam acara HUT RI

Penduduak Kabupaten Belitung barasa dari baragam suku bangso. Penduduak asli nan mandiami kabupaten ko tamasuak suku Melayu, Sawang, kamudian suku Lingge, suku Ulim, suku Juru dan suku Parak.[6] Salain itu, pandatang dari Tiongkok nan mulai bapindah pado masa kolonial Belanda manjadikan warga Tionghoa mamiliki jumlah signifikan. Suku lainnyo nan barado di Belitung adolah orang Jawa, Bugis, Madura, Bawean, Batak, Bali, Buton, Ambon, jo babarapo suku lain dari barbagai provinsi di Indonesia.[7] Samantaro bahasa yang umum digunakan di Belitung adolah bahaso Melayu Belitong jo dialek atau aksen nan babedo antaro Urang Darat jo Melayu Pesisir.[7]

Agamo

[suntiang | suntiang sumber]

Mayoritas panduduak kabupaten Belitung mamaluak agamo Islam. Badasarkan data Badan Pusat Statistik Kabupaten Belitung tahun 2022, panduduak Belitung nan mamaluak agamo Islam sabanyak 91,96%. Salanjuiknyo, panduduak nan mamaluak agamo Buddha sabanyak 5,11%, umumnyo adolah warga Tionghoa. Panduduak nan baragamo Kristen sabanyak 2,40% (Protestan 1,74% jo Katolik 0,66%), Hindu sabanyak 0,43% jo Konghucu 0,10%. Samantaro untuak rumah ibadah, tadapek 162 masjid, 125 musala, 8 vihara, 15 gereja Protestan, 1 gereja Katolik, 6 klenteng jo 5 pura.[1]

Transportasi

[suntiang | suntiang sumber]

Kabupaten Belitung barado di Pulau Belitung. Untuak bisa masuak ka kawasan ko, sarana utamo nan bisa dilalui adolah malalui udaro jo lauik. Bandara utamo nan adaodi Belitung adolah Bandar Udara Internasional H. A. S. Hanandjoeddin. Bandara ko barado di Tanjung Pandan, dan pesawat nan bisa mandarek di siko adolah janih Boeing 737-900ER jo Airbus 320. Samentaro untuak perjalanan lauik, tadapek Pelabuhan Tanjung Pandan.

Ekonomi

[suntiang | suntiang sumber]

Bahan Tambang

[suntiang | suntiang sumber]

Kabupaten Belitung mampunyoi hasil bumi barupo bahan galian, adolah: timah, bijih basi, tanah liek, kasiak bangunan, galeh sarato kaolin nan diekspor baiak untuak kaparaluan dalam nagari maupun lua nagari.

Pertanian dan Perkebunan

[suntiang | suntiang sumber]

Kabupaten Belitung manghasilkan rampah-rampah barupo lada nan bakualitas ekspor sarato perkebunan sawit hasil produksinyo alah diekspor barupo minyak sawit mantah (CPO) sarato banyak hasil pertanian lainnyo.

Kelautan

[suntiang | suntiang sumber]

Kabupaten Belitung juo kayo jo hasil lauiknyo nan juo diekspor ka lua nagari sarato sektor pariwisata nan sangaik indah tarutamo pantai jo pasia nan sangaik putiah bakilau bantuak mutiara.

Pariwisata

[suntiang | suntiang sumber]
Pulau Lengkuas, destinasi wisata di Belitung
Pantai Penyabong di Membalong, Belitung

Kepulauan Bangka Belitung mamiliki baragam wisata, jo wisata pantai manjadi salah satu tujuan utamo wisatawan untuak bakunjuang. Samantaro di Kabupaten Belitung, babarapo lokasi wisata pantai manjadi destinasi unggulan pamarintah Kabupaten Belitung. Tempek wisata nan banyak dikunjungi wisatawan di Kabupaten Belitung adolah:[8]

Referensi

[suntiang | suntiang sumber]
  1. ↑ a b c d e f "Kabupaten Belitung Dalam Angka 2022" (pdf). www.belitungkab.bps.go.id. hlm. 13, 62, 147–148. Diakses tanggal 16 Maret 2022. 
  2. ↑ "Perpres No. 10 Tahun 2013". 2013-02-04. Diarsipkan dari versi asli tanggal 2013-02-14. Diakses tanggal 2013-02-15. 
  3. ↑ "Indeks Pembangunan Manusia 2020-2021". www.bps.go.id. Diakses tanggal 16 Maret 2022. 
  4. ↑ a b c "Kondisi Geografis". portal.belitung.go.id. Diarsipkan dari versi asli tanggal 2022-10-30. Diakses tanggal 16 Maret 2022. 
  5. ↑ Aryandi, Disa (20 September 2018). "Erwandi A Rani Resmi Undur Diri dari Jabatan Wakil Bupati Belitung". Tribunnews.com. Diakses tanggal 16 Maret 2022. 
  6. ↑ "Sekilas Suku Sawang dan Keseniannya". portal.belitung.go.id. Diarsipkan dari versi asli tanggal 2022-05-11. Diakses tanggal 16 Maret 2022. 
  7. ↑ a b "Kebudayaan Masyarakat Belitung". www.belitunginfo.com. Diarsipkan dari versi asli tanggal 2022-05-11. Diakses tanggal 16 Maret 2022. 
  8. ↑ "Objek Wisata". dispar.belitung.go.id. Diarsipkan dari versi asli tanggal 2022-06-26. Diakses tanggal 16 Maret 2022. 

Pranala luar

[suntiang | suntiang sumber]
Diambiak dari "https://min.wikipedia.org/w/index.php?title=Kabupaten_Belitung&oldid=3146147"