Lawang Sewu

Lawang Sewu (bahasa Indonesia: seribu pintu) adolah gedung nan basajarah di Indonesia nan balokasi di Kota Samarang, Jawa Tangah. Gedung ko, dulunyo marupoan kantua urang Nederlands-Indische Spoorweg Maatschappij atau NIS. Dibuek pado taun 1904 dan salasai pado taun 1907. Talatak di bundaran Tugu Mudo nan dulu disabuik Wilhelminaplein. Masyaraikeik satampek menyabuiknyo Lawang Sewu karano bangunan ko mamiliki pintu nan banyak, maskipun pado kanyataannyo, banyak pintunyo ndak mancapai saribu. Bangunan ko mamiliki banyak jandela nan tinggia jo lebar, sahinggo masyarakeik acok maanganggapnyo sabagai pintuah (lawang).^[1]

Bangunan kuno nan megah balantai duo ko satalah kamardekaan dipake sabagai kantua Djawatan Kareta Api Repoeblik Indonesia (DKARI) nan kini ko digunoan sabagai PT Kereta Api Indonesia. Salain tu panah lo dipake sabagai Kantor Badan Prasarana Komando Daerah Militer (Kodam IV/Diponegoro) dan Kantor Wilayah (Kanwil) Kementerian Perhubungan Jawa Tangah. Pado maso perjuangan gedung iko mamiliki catatan sajarah tersendiri iyolah sangkek balansuang peristiwa Pertempuran limo hari di Semarang (14 Oktober - 19 Oktober 1945). Gadung tuo ko manjadi lokasi patampuran nan hebat antaro pemuda AMKA atau Angkatan Mudo Kereta Api malawan Kempetai dan Kidobutai, Japang. Maka dari itu Pamarentah Kota Semarang jo Surat Keputusan Wali Kota Nomor. 650/50/1992, memasukan Lawang Sewu sabagai salah satu dari 102 bangunan kuno atau basajarah di Kota Semarang nan patuik dilindungi.

Mistis Lawang Sewu

Lawang Sewu ko banyak maninggaan mistis, walo anyo tingga sijarah namun misterinyo tatap baredar dalam masyarakat. Panuruik pangakuan Abdul Hadi saurang pamandu wisata di Lawang sewu nan ala profesional salamo 20 tahun, baliau acok diagi tau dek pangunjung nan mancaliak nan mistis, salah satunyo mancalik noni Balando bajuba putih, ado juo nan karasukan sarupo karasukan panari balet, dimano nan karasukan ko sabalumnyo ndak panah manari balet. ^[2]

Arsitek

Adopun arsitek nan marancang pambangunan Lawang Sewu ko adolah Prof. Jacob F. Klinkhamer dan B.J Ouendag, arsitek dari Amsterdam.

Rujuakan

↑ cite webMurti, Dwi Andhono (Januari 2014). "Ahli Fungsi Bangunan Lawang Sewu Pada Masa Pendudukan Jepang di Semarang" (PDF). Lib.UI. Diakses tanggal 2 September 2019. ^{[pranala nonaktif permanen]}
↑ "Kisah Noni Belanda Penghuni Lawang Sewu Semarang yang Bikin Merinding". Liputan 6. 17 Juni 2018. Diakses tanggal 2 September 2019.

[1] te webMurti, Dwi Andhono (Januari 2014). "Ahli Fungsi Bangunan Lawang Sewu Pada Masa Pendudukan Jepang di Semarang" (PDF). Lib.UI. Diakses tanggal 2 September 2019. ^{[pranala nonaktif permanen]}

[2] "Kisah Noni Belanda Penghuni Lawang Sewu Semarang yang Bikin Merinding". Liputan 6. 17 Juni 2018. Diakses tanggal 2 September 2019.

[1]

[2]