Апостоли
_-_The_Last_Supper_(1495-1498).jpg)
Апостоли (еднина: апостол, старогрчки: ἀπόστολος = „гласник, проповедник“)[1][2] — најблиските ученици и следбеници на Исус Христос што го проповедале Евангелието.[3]
Во потесна смисла, изразот „апостол“ се однесува на дванаесетте непосредни Христови ученици (Мт. 10:2–4; Лк. 6:13–15); во поширока смисла — и на 70-те најблиски соработници на неговата Црква, избрани од него (Лк. 10:1–2), наречени и „седумдесетте апостоли“.[4]
Било нагласено и дека Павле бил избран за апостол по Вознесението на Исус Христос (Дела 22:11; Рим. 11:13).
Дванаесетте апостоли
[уреди | уреди извор]Дванаесетте апостоли се дванаесетте непосредни Христови ученици — Петар, Андреј Првоповиканиот, Јаков Зевдеев, Јован Богослов, Филип, Вартоломеј, Тома, Матеј, Јаков Алфеев, Јуда Тадеј, Симон Кананецот, Јуда Искариот (Мт. 10:2–4). Откако Јуда отпаднал, Матиј бил избран за еден од дванаесетте апостоли (Дела 1:23–26).
Наводи
[уреди | уреди извор]- ↑ „апостол“ — Дигитален речник на македонскиот јазик
- ↑ „апостол“ — Официјален дигитален речник на македонскиот јазик
- ↑ „"Apostle", Britannica.com“. Архивирано од изворникот на 3 June 2020. Посетено на 24 May 2020.
- ↑ „Synaxis of the Seventy Apostles“. www.oca.org. The Orthodox Church in America. Посетено на 22 April 2024.
Надворешни врски
[уреди | уреди извор] |
„Апостоли“ на Ризницата ? |