Владимир Светиев
Владимир Светиев | ||
Роден | 14 јули 1945 Свето Митрани, ДФ Македонија, ДФЈ | |
---|---|---|
Починал | 1 ноември 2013 Битола, Македонија | (возр. 68)|
Познат | по улогите во: Црвениот коњ Истрел Време на летала Записник Македонска сага | |
Занимање | глумец |
Владимир Светиев (Свето Митрани, Крушевско, 14 јули 1945 – Битола, 1 ноември 2013) — еден од најекспонираните македонски глумци и долгогодишен првенец на Македонскиот народен театар.
Животопис
[уреди | уреди извор]Светиев е роден на 1 јули 1945 година во крушевското село Свето Митрани. Тој бил меѓу 15-ината студенти на Илија Џувалековски и дипломирал во 1971 година на Академијата за театар, филм, радио и телевизија во Загреб, каде што професорот организирал наставен модел кој им овозможил предметите Глумечка игра и Сценски говор со техника на глас да ги учат на својот мајчин јазик. Во 1971 година Светиев влегол во ансамблот на Драмата на МНТ, дебитирајќи во пиесата на Бранко Пендовски „Под пирамидата“. Таму го поминал сиот работен век, а повремено гостувал и во другите македонски театри. Две сезони поминал во Милхајм, Германија, во Театарот на Ромите „Пралипе“.
Одиграл шеесетина улоги и во историјата на македонската глума е впишан како еден е од најнаградуваните глумци: добитник е на дури пет награди за најдобри театарски остварувања на МТФ „Војдан Чернодрински“ во Прилеп (1977, 1988, 1990, 1991 и 2002), на Наградата „Војдан Чернодрински“ за животно дело во 2012 година, и на наградите „11 Октомври“ и „13 Ноември“.
Починал на 1 ноември 2013 година во Битола.[1]
Филмографија[2]
[уреди | уреди извор]- 1971: Некаде морам да те чекам (Споредна улога)
- 1971: Делба (Споредна улога)
- 1972: Истрел ( Главна улога, )
- 1972: Тапакерата (Споредна улога)
- 1972: Вител (Главна улога)
- 1975: Јад (Главна улога)
- 1976: Војвода Спиро Црне (Главна улога)
- 1977: Исправи се, Делфина (Главна улога)
- 1977: Вапцаров (Споредна улога)
- 1979: Наши години (Главна улога)
- 1981: Црвениот коњ ( Главна улога, )
- 1981: Стојче (Споредна улога)
- 1982: Едно лето (Споредна улога)
- 1982: Време на летала (Споредна улога)
- 1983: Записник ( Главна улога, )
- 1985: На наш начин (Главна улога)
- 1987: Трето доба (Главна улога)
- 1988: Скопски сновиденија (Главна улога)
- 1992: Време, живот (Споредна улога)
- 1993: Македонска сага ( Главна улога, )
- 1993: Крик на немиот индијанец (Главна улога)
- 1999: Време, живот ( Споредна улога, )
- 2000: Мис Амнезија ( Глумец, )
- 2003: Едно од лицата на смртта ( Глумец, )
- 2004: Големата вода ( Споредна улога, )
- 2006: Тајната книга ( Главна улога, )
- 2010: Крајот на светот ( Споредна улога. )
Наводи
[уреди | уреди извор]- ↑ „Почина глумецот Владимир Светиев“. Архивирано од изворникот на 2013-11-03. Посетено на 2013-11-01.
- ↑ Светиев Владимир
Надворешни врски
[уреди | уреди извор]- Владимир Светиев на
Семрежната филмска база на податоци (англиски)