Краишта во Шведска
Краиштата во Шведска (швед. landsdelar, „делови од земјата“) се историски делови од Шведска кои денес претставуваат три целини од покраини. Тие не се сметаат за административни единици и немаат никаква управна функција. Најчесто се среќаваат во временска прогноза карти бидејќи се сметаат за метеоролошки целини. Имињата им се присутни како дел од називите на статистички области.[1]
Четвртиот традиционален крај на Шведска е Естерланд (Österland). Крајот бил составен дел од Шведска, но во 1809 бил припоен кон Русија како Големо кнежевство Финска, за во 1917 да стане независна држава - Финска.
Краишта
[уреди | уреди извор]- Јеталанд (Götaland) е јужниот и најгусто населен дел од земјата. Составен е од десет покраини
- Свеаланд (Svealand) е средишниот дел, и го носи името на т.н. „изворна Шведска“. Ова е најмалиот крај и се состои од шест покраини
- Норланд (Norrland) е северниот дел, кој е најголем и зафаќа 60% од земјата. Има девет покраини.
| Крај | Население (2005) |
Површина (км²) |
Бр. на покраини | Покраини |
|---|---|---|---|---|
| Јеталанд | 4.351.658 | 97.841 | 10 | Сканија, Блекинге, Халанд, Смоланд, Еланд, Готланд, Естерјетланд, Вестерјетланд, Далсланд и Бохуслен |
| Свеаланд | 3.539.944 | 91.098 | 6 | Седерманланд, Упланд, Вестманланд, Нерке, Вермланд и Даларна |
| Норланд | 1.156.150 | 261.292 | 9 | Јестрикланд, Хелсингланд, Херједален, Јемтланд, Меделпад, Онгерманланд, Вестерботен, Норботен и Лапонија |
Поврзано
[уреди | уреди извор]Наводи
[уреди | уреди извор]Надворешни врски
[уреди | уреди извор] |
„Краишта во Шведска“ на Ризницата ? |
- Апелациони судови: Судските окрузи во Шведска Архивирано на 9 август 2016 г. - Државна судска управа (англиски)
| ||||||||||||||
