Ве молиме, обрнете внимание на ова важно предупредување во врска со темите од областа на медицината (здравјето).
Лепра (од гр. λέπι, рибја кожа) е хронична инфективна болест позната од античко време.[1] Позната е и како Хансенова болест. Предизвикувач на оваа болест е бактеријатаMycobacterium leprae,[2][3] која денес може успешно да се лечи со антибиотици. Времето на инкубација на оваа болест трае од неколку месеци до 40 години. Лепрата не е лесно заразна болест. За да се пренесе од еден на друг човек потребен е долготраен контакт со заболен.
Симптомите на лепрата варираат во голема мерка од пациент до пациент. Главниот симптом е умирање на нервите и промена на крвните садови поради згрутчување на крвта.[4] Заболениот губи чувство за ладно, топло и болка. Поради ова, заболените често се повредуваат и се инфицираат без да почувствуваат болка и потреба од лекарска помош. Лепрата не убива директно, туку смртноста е последица од ваквите секундарни инфекции.
Оваа болест сè уште не е искоренета, но е ограничена и е под контрола. Најголем број случаи на заболени од лепра денес има во Индија и Мјанмар. Лепрата е проблем и во Африка (Мозамбик, Танзанија) и Бразил. Годишно се регистрираат 230.000 до 270.000 нови случаи во светот (состојба од 2008 година).
Лепрата како мотив во уметноста и во популарната култура
↑Kenneth J. Ryan, C. George Ray, editors. (2004). Ryan KJ, Ray CG (уред.). Sherris Medical Microbiology (4. изд.). McGraw Hill. стр. 451–3. ISBN0838585299. OCLC52358530 61405904Проверете ја вредноста |oclc= (help).CS1-одржување: повеќе имиња: список на автори (link)