Македонија учествуваше на Изборот за песна на Евровизија 2013 во Малме, Шведска. Македонскиот влез беше избран преку интерен избор, организиран од македонскиот радиодифузер МРТ. Есма и Лозано ја претставуваа Македонија со песната „Пред да се раздени“, која не успеа да се пласира во второто полуфинале на натпреварувањето, пласирајќи се на 16-тото место со 28 поени.
На 29 декември 2012, МРТ објави дека внатрешно ги избрале Есма Реџепова и Влатко Лозаноски да ја претставуваат Македонија во Малме.[1][2] И двајцата претходно во неколку наврати се обидоа да учествуваат на Изборот за песна на Евровизија натпреварувајќи се во неколку македонски национални финални избори низ годините: Реџепова се натпреваруваше во 2006 со песната „Љубов е...“ во дует со Адријан Гаџа и се пласираше втора, додека Лозаноски се натпреваруваше во 2009 со песната „Блиску до мене“, и во 2010 со песната „Летам кон тебе“, и двете беа пласирани четврти.
На 19 февруари 2013, беше објавено дека Реџепова и Лозаноски ќе ја изведат песната „Империја“, напишана од Симеон Атанасов и Борче Нечовски, на Изборот за песна на Евровизија 2013.[3] „Империја“ беше претставена пред јавноста во специјална емисија водена од Димитар Атанасовски, која се одржа на 27 февруари 2013 во студиото на МРТ во Скопје и се емитуваше на МРТ 1 и МРТ Сат.[4] Покрај претставувањето на влезот на Реџепова и Лозаноски за Евровизија 2013, емисијата вклучуваше изведби на песни од нивните соодветни репертоари, како и гостување на македонската евровизиска претставничка во 2012, Калиопи, изведувајќи го нејзиниот запис „Црно и бело“.
На 8 март 2013, неколку македонски медиуми објавија дека „Империја“ ќе биде повлечена и заменета со нова песна поради незадоволство од песната и поплаки од македонската јавност.[5][6] Новата песна „Пред да се раздени“, напишана од Дарко Димитров, Лазар Цветкоски, Симеон Атанасов и Магдалена Цветкоска, беше претставена на јавноста на 27 февруари 2013 за време на вечерните вести на МРТ.[7][8]
Есма и Лозано на второ-полуфиналната генерална проба во Малме.
Македонија беше распределена да се натпреварува во второто полуфинале на 16 мај за место во финалето на 18 мај.[9] Во второто полуфинале, продуцентите на шоуто одлучија Македонија да настапи на третото место, по Сан Марино и пред Азербејџан.[10] На сцената, на Есма и Лозано им се придружија двајца придружни вокали: Нина Јанева и Елеонора Мустафовска.[11] Македонската делегација размислуваше за неколку измени на нивниот влез во Малме, што вклучуваше додавање текст на англиски јазик и промена на насловот на песната во „If I Could Change the World“.[12] На крајот, делегацијата одлучи да го изведе записот на неговите оригинални јазици под насловот на песната на македонски јазик.[13] Македонија не успеа да се пласира од второто полуфинале на натпреварувањето, пласирајќи се на 16-тото место и освојувајќи 28 бодови.[14][15]
Македонија
Албанија
Швајцарија
Сан Марино
