Прејди на содржината

Adobe Photoshop

Од Википедија — слободната енциклопедија
„Photoshop“ води овде. За други истоимени поими, видете Photoshop (појаснување).
Adobe Photoshop
Податотека:Adobe Photoshop screenshot.png
„Adobe Photoshop CC“ вклучен на „Windows“.
Програмери„Adobe Systems“
Првично изданиефевруари 19, 1990;
пред 34 години (1990-02-19)
Стабилно издание2022 (23.4.1),[1] / 16 јуни 2022; пред 2 години (2022-06-16)[2]
Развојна состојбаАктивна програма
Прог. јазик„C++“;[3] Pascal v1.0.1[4]
Опер. систем„Windows 7“ или „Mac OS X 10.7“[5][6]
Подлога„IA-32“ (само за „Windows“) и x86-64
Јазици27 јазици
ВидУредувачи на растерна графика
ЛиценцаЛиценциран
Мреж. местоadobe.com/photoshop

Adobe Photoshop (транскрипција: Адоби фотошоп) — графичка програма за уредување којашто ја создадоа и објавија „Adobe Systems“.

Ребрендирањето на „ Creative Suite“ од 2003 година на „Adobe“ доведе до преименување на „Adobe Photoshop 8“ во „Adobe Photoshop CS“. На тој начин, „Adobe Photoshop CS6“ стана 13-то големо издание на „Adobe Photoshop“. Ребрендирањето на „CS“ доведе и до тоа „Adobe“ да нуди бројни софтверски пакети кои содржат многубројни програми „Adobe“ за намалена цена. „Adobe Photoshop“ има две изданија: „Adobe Photoshop“, и „Adobe Photoshop Extended“, со што во втората дополнително има можност за создавање слики во 3D, уредување графици во движење и напредни одлики за анализи на слики.[7] „Adobe Photoshop Extended“ го има во сите понуди на „Adobe Creative Suite“ освен во „Design Standard“, кој го вклучува изданието на „Adobe Photoshop“. Сепак, во 2013 година, „Adobe“ објави нов бренд – „Creative Cloud“, а верзијата на „Photoshop“ која се јавува како дел од овој пакет се нарекува „Photoshop CC“. Верзијата „CC“ ( оригинално 14.0, што постојано ќе се одржува и надоградува) има 3D-содржина како „Photoshop Extended“, што значи дека стандардната верзија се укинува.

Заедно со „Photoshop“ и „Photoshop Extended“, „ Adobe“ ги објавува и „Photoshop Elements“ и „Photoshop Lightroom“, заедно наречени „"Фамилија Adobe Photoshop"“. Во 2008 година, „Adobe“ го издаде „Adobe Photoshop Express“, бесплатна алатка за уредување слики заснована на мрежа која овозможува да се уредуваат слики дирекно на блогови и друштвени мрежи. Во 2011 година, излезе верзија за оперативниот систем „Android“ и за „iOS“. Потоа, во 2013 година, следуваше верзија за „Windows 8“.[8][9][10]

„Adobe“ ја испорачуа „Photoshop“ на верзиите на „Windows“ и на „Macintosh“.

Почетоци

[уреди | уреди извор]

Во 1987 година, Томас Нол, студент на докторски студии на Универзитетот во Мичиген почна да програмира програма на својот „Macintosh Plus“ за да покаже црно-бела слика на монохроматски монитор. Оваа програма, наречена „Display“, му го привлече вниманието на брат му Џон Нол, вработен во „Industrial Light & Magic“, кој му препорача на Томас таа програма да ја претвори во целосно оформена програма за уредување слики. Во 1988 година, Томас, своите студии ги стави во мирување во време од шест месеци за да работи на програмата заедно со брат му. Томас ја преименуваше програмата во „ImagePro“, но името веќе беше зафатено.[11] Подоцна, истата година, Томас ја преименуваше својата програма во „Photoshop“ и со производителот на скенер Барнискен склучи краткорочен договор за дистибуција на копии од програмата со помош на оптички читач. На овој начин „беа испорачани вкупно околу 200 копии од програмата Photoshop“.[12]

За тоа време, Џон оди во Силициумска Долина и им ја покажува програмата на инженерите на „Apple“ и на уметничкиот директор на „Adobe“, Расел Браун. И двете презентации беа успешни, па „Adobe“ одлучи да ја купи лиценцата за дистрибуција во септември 1988 година.[11] Додека Џон работеше на додатоци во Калифорнија, Томас остана во Ен Арбор да кодира. „Photoshop 1.0“ излезе на 19 февруари 1990 година само за „Macintosh“.[13][14] Верзијата на Барнискен вклучуваше напредни одлики за уредување во боја преземени од првата испорачана верзија на „Adobe“. Ракувањето со боја полека се подобруваше со секое издание на „Adobe“ и „Photoshop“ брзо стана индустрија вообичаена за дигиталното уредување во боја. Во тоа време, излезе „Photoshop 1.0“, па дигитално ретуширање на специјално наменети „high end“- системи, како што е „SciTex“, чинеше околу 300 американски долари на час за едноставно ретуширање на слика.

Формат на податотека

[уреди | уреди извор]

Податотеките на „Photoshop“ имаат стандардно се надоградуваат во „PSD“, кратенка од „Photoshop Document.“ Податотеката „PSD“ снима слика со поддршка за повеќето опции за слики достапни во „Photoshop“. Тие вклучуваат слоеви со маски, дијапозитив, текст, алфа канали и бои на места, делови од патеки и дуотон поставки. Ова се јавува како спротивност на многу други датотечни формати (на пр. „JPG“ или „GIF“) што ја ограничуваат содржината за да обезбедат рационализирана, предвидлива функционалност . Максималната висина и ширина на податотеката „PSD“ е 30 000 пиксели, а лимитот за должина е 3 гигабајти.

Податотеките „Photoshop“ понекогаш се надоградуваат во „PSB“, кратенка од „Photoshop Big“ (позната и како „large document format“). Податотеката „PSB“ го надоградува форматот на податотеката „PSD“, зголемувајќи ја максималната висина и ширина на 300 000 пиксели и лимитот на должината на околу 4 ексабајти. Изгледа дека „Adobe“произволно го избрала лимитот на димензијата, не врз основа на компјутерски аритметички ограничувања, туку за олеснување на софтверското тестирање. Форматите „PSD“ и „PSB“ се потврдени.[15]

Поради популарноста на „Photoshop“, податотеките „PSD“ се користат многу и до некој степен се поддржани од повеќето софтвери за конкурирање. Форматот на податотеката „PSD“ може да се внесува и изнесува од други апликации на „Adobe“ како „Adobe Illustrator“, „Adobe Premiere Pro“, и „After Effects“, за да се направат професионални стандардни DVD-ја и да обезбеди нелинеарно уредување и услуги со посебни ефекти, како на пример, позадини, текстури и сл. за телевизија, филм и интернет. Првобитната силна страна на програмата „Photoshop“ е тоа што за разлика од уредувачите на слики врз основа на вектори, таа претставува уредувач на слики врз основа на пиксели. „Photoshop“ овозможува и уредување на векторска графика со помош на своите функции: „Paths“, „Pen tools“, „Shape tools“, „Shape Layers“, „Type tools“, „Import command“, и „Smart Object“. Овие алатки и команди се лесни за комбинирање слики направени врз основа на пиксели и слики направени врз основа на вектори во еден документ на „Photoshop“ бидејќи можеби нема да има потреба да се користи повеќе од една програма. За да се создаде сложена векторска графика со многу форми и бои, можеби ќе биде полесно ако се користи софтвер создаден токму за таа цел, како на пример, „Adobe Illustrator“ или „CorelDRAW“. И недеструктивните „Smart Objects“ на „Photoshop“ може да внесуваат сложени векторски форми.[16]

Достапни јазици

[уреди | уреди извор]

Програмата „Photoshop“ е достапна на повеќе од 20 јазици, а тоа се следните:

упростен кинески, традиционален кинески, чешки, дански, холандски, фински, француски, германски, унгарски, италијански, јапонски, корејски, норвешки, полски, португалски, руски, шпански, шведски, романски, турски и украински. Арапски и хебрејски се додадени на „Photoshop CS6“.[17]

Додатоци

[уреди | уреди извор]
Главна статија: Photoshop plugin

Функционалноста на „Photoshop“ може да се прошири со додадени програми наречени додатоци на „Photoshop“ (или додатоци). „Adobe“ создава некои додатоци, како што е „Adobe Camera Raw“, но компаниите што се јавуваат како трета страна развиваат повеќе додатоци, според барањата на „Adobe“. Некои од софтверите се бесплатни, а некои комерцијални. Повеќето додатоци работат само со „Photoshop“ или соодветни делови на „Photoshop“, но некои од нив можат да работат и како самостојни апликации.

Постојат различни видови додатоци, како на пример: филтер, изнесување, внесување, селекција, поправање на боја и автоматизација. Најпознатите додатоци се додатоците на филтер (познати и како додатоци 8bf ), достапни во менито на „Filter“ во „Photoshop“. Додатоците на филтер може да ја променат вообичаената слика или да создадат содржина. Подолу се наведени неколку познати видови додатоци и неколку добро познати компании поврзани со нив:

  • Додатоци за поравање на боја („Alien Skin Software“,[18] „Nik Software“,[19] „OnOne Software“,[20] „Topaz Labs Software“,[21] „The Plugin Site“,[22] итн.)
  • Додатоци за посебни ефекти („Alien Skin Software“, „Auto FX Software“,[23] AV Bros.,[24] „Flaming Pear Software“,[25] итн.)
  • Додатоци за 3D ефекти („Andromeda Software“,[26] „Strata“,[27] итн.)

„Adobe Camera Raw“ (познат уште како „ACR“ и „Camera Raw“) е посебен додаток кој „Adobe“ го нуди бесплатно и кој пред сѐ се користи за читање и обработување на формат на необработена слика за сликите што се појавуваат да може да се обработуваат со „Photoshop“.[28] Таа може да се користи и во границите на „Adobe Bridge“.

Алатки

[уреди | уреди извор]

Предлошка:Rewrite section

Додека се вчитува „Photoshop“, на левата страна на екранот се појавува вертикална лента со различни алатки кои имаат многубројни функции за уредување слики. Овие алатки обично се делат на категории: „цртање“; „сликање“; „мерење и навигација“; „селектирање“; „пишување“; и „ретуширање“.[29] Некои алатки имаат мал триаголник во долниот десен агол на иконката во лентата со алатки. Тие може да се прошират за да се покажат слични алатки.[30] Иако се создаваат понови верзии на „Photoshop“ со цел да се вклучат нови алатки и одлики, подолу се разгледуваат неколку постојани алатки кои ги има во повеќето верзии.

Алатката „pen“

[уреди | уреди извор]

„Photoshop“ има повеќе верзии на алатката „pen“. Алатката „pen“ прави прецизни линии кои може да се поправаат притоа користејќи точки за зацврстување.[29] Алатката „free form pen“ му овозможува на корисникот да црта линии со слободна рака, а со алатката „magnetic pen“ , нацртаната линија се прилепува блиску до контурите на предметите на една слика, што многу помага при нивно издвојување од позадината.

Мерење и навигација

[уреди | уреди извор]

Алатката „eyedropper“ избира „боја“ од еден селектиран дел од сликата и тој дел го дава како примерок за идна употреба.[29] Алатката „hand“ управува со сликата така што ја движи во секаква насока, а алатката „zoom“ го зголемува селектираниот дел од сликата со што овозможува таа да се гледа од поблизу.[29]

Селектирање

[уреди | уреди извор]

Со користење на алатка „path selection“, можеме да селектираме јазли на линијата на движење.

Сечење

[уреди | уреди извор]

Алатката „crop“ може да се користи за избирање на одредена површина од сликата и отфрлање на деловите кои не спаѓаат во избраниот дел. Оваа алатка помага при создавање на главна точка на една слика и отстранување на непотребниот или вишокот на простор.[31] Сечењето овозможува подобрување на составот на сликата додека големината на податотеката се намалува. Алатката „crop“ е дел од палетата на алатки, која се наоѓа на десната страна од документот. Откако ќе го намести показникот на сликата, корисникот може да го влече до посакуваниот дел. Откако ќе се притисне копчето „Enter“, површината што е надвор од правоаголникот, ќе се отсече. Површината што е надвор од правоаголникот е вишок и нејзиното отстранување овозможува да се намали големината на податотеката.[32] Алатката „crop“ алтернативно може да се користи за зголемување на димензиите на платното со кликнување и влечење надвор од веќе постоечките рабови на сликата.

Режење

[уреди | уреди извор]

Алатките „slice“ и „slice select“, како и алатката „crop“, се користат за издвојување делови од сликата. Алатката „slice“ може да се употреби за делење на сликата на различни делови, а овие делови може да се употребат како делови од дизајн но мрежно место откако ќе се применат „HTML“ и „CSS“.[33] Алатката „slice select“ овозможува да се уредат и преместат изрежаните делови од сликата.

Преместување

[уреди | уреди извор]

Откако еден дел од сликата ќе се селектира, алатката „move“ може да се употреби за селектираниот дел рачно да се премести каде било на платното.[29]

Маркирање

[уреди | уреди извор]

Алатката „marquee“ може да селектира само еден ред, само една колона, правоаголно или елиптично.[29] Селектираниот дел може да се уредува без да се наштети на останатиот дел од сликата. Оваа алатка може и да ја сече сликата. Таа овозможува подобар преглед. За разлика од алатката „crop“, алатката „marquee“ остава простор за дополнителни приспособувања на селектираниот дел пред сечење. Единствената алатка „marquee“ кај којашто сечењето не е можно е елиптичната. Иако со алатките „single row marquee “ и „single column marquee“ може да се сече, тие не се идеални бидејќи можат да сечат само линија. Алатката „rectangular marquee“ е подобрата опција. Откако ќе се избере алатката, со нејзино влечење низ посакуваниот дел, тој ќе се селектира. Селектираниот дел ќе се нагласи со точкести линии, познати како „Marching ants”. Овие точкести линии се наречени „Marching ants” (мрави што лазат) бидејќи испрекинатото движење изгледа како мрави да лазат околу селектираниот дел. Лентата за алатки ги дава овие поставки за да се постигне одредена димензија или размер. Пред да се селектира дел, мора да се подесат посакуваната димензија и размер со усогласување на ширината и висината. Секакви промени на боја, филтри, положба и сл. треба да се направат пред сечењето. За да се исече селектираното, корисникот треба да оди на табулаторот за слики и да избере „crop“.[34]

Ласо (анг. lasso)

[уреди | уреди извор]

Алатката „lasso“ е слична со алатката „marquee“ , меѓутоа, корисникот може да направи соодветно селектирање со цртање со слободна рака.[29] Кај алатката „lasso“ има три оции – „regular“, „polygonal“, и „magnetic“. Алатката „regular lasso“ му овозможува на корисникот да црта. „Photoshop“ завршува со селектирање откако ќе се пушти копчето на глувчето. Корисникот може да заврши со селектирањето со поврзување на крајната точка со почетната точка. Појавувањето на „Marching ants“ ќе покаже дали е направено селектирање. Алатката „polygonal lasso“ ќе црта само прави линии, што е идеален избор за слики со многу прави линии. За разлика од алатката „regular lasso“, корисникот постојано треба да клика околу сликата за да ја исцрта формата. За да се заврши селектирањето, корисникот мора да ги поврзе крајната точка и почетната точка, исто како и кај алатката „regular lasso“. Алатката „magnetic lasso“ се смета за паметна алатка. Може да го прави она што го прават другите две алатки, но може и да ѓи пронаоѓа рабовите на сликата откако корисникот ќе избере почетна точка. Пронаоѓањето го врши со помош на анализирање на пикселите на бојата кога показникот се движи на посакуваната површина. Пикселот е најмалиот елемент на една слика. Завршувањето на селекцијата е иста со останатите две алатки, по што откако ќе се направи селецијата треба да се појават „Marching ants“.[35]

Брзо селектирање (анг. Quick Selection)

[уреди | уреди извор]

Алатката „quick selection“ избира површини според рабовите, слично како алатката „magnetic lasso“. Разликата меѓу оваа алатка и алатката „lasso“ е тоа што тука нема почетна и крајна точка. Бидејќи нема почетна и крајна точка, селектираниот дел треба да се зголемува што е можно повеќе без да се започне одново. Со доведување на показникот до посакуваната површина, алатката „quick selection“ ѓи пронаоѓа рабовите на сликата. Појавувањето на „Marching ants“ му помага на корисникот да дознае што било селектирано во моментот. Штом корисникот е готов, селектираниот дел може да се уредува без да се влијае врз останатиот дел од сликата. Една од одликите што ја прави оваа алатка особено важна за корисникот е тоа што копчето „SHIFT“ нема да биде потребно за да се прошири селектираното. По правило, на селектираното треба дополнително да му се клика со глувчето, наместо да се почне одново.[36]

Магично стапче (анг. Magic Wand)

[уреди | уреди извор]

Алатката „magic wand“ селектира делови според пиксели. Корисникот треба да кликне само еднаш и оваа алатка ќе ги најде пикселите што се многу слични еден со друг. Ако од лентата со алатки се избере алатката „eyedropper“, тогаш „magic wand“ може да ја одреди вредноста потребна да се оценат пикселите. Ова се заснова на поставки со испитана димензија кај алатката „eyedropper“. Кога на сликата треба да се кликне повеќепати, оваа алатка не врши никаква работа. Корисникот мора да одлучи кои поставки да ги користи или дали сликата е соодветна за оваа алатка.[37]

Бришач (анг. Eraser)

[уреди | уреди извор]

Алатката „eraser“ ја брише содржината која се заснова на активниот слој. Ако корисникот е на слојот со текст, тогаш секој текст околу кој е повлечена алатката ќе се избрише. Алатката „eraser“ пикселите ќе ги направи проѕирни, освен ако не е селектиран слојот на позадината. Димензијата и стилот на алатката „eraser“ може да се избере во лентата со опции. Оваа алатка е единствена заради тоа што може да поприма форма на сликарска четка и молив. Покрај обичната алатка „eraser“, достапни се уште две опции-„background eraser“ и „magic eraser“. Алатката „background eraser“ го брише секој дел од сликата што се наоѓа на работ на предметот. Оваа алатка често се користи за да се отстранат предмети од позадината. Алатката „magic eraser“ брише според слични обоени пиксели. Многу е слична со алатката „magic wand“. Оваа алатка е совршена за бришење површини со иста боја или тон која е контрастна на останатиот дел од сликата.[38]

Уредување видео

[уреди | уреди извор]

Во „Adobe“ проширеното издание на „CS5“, уредувањето на видео е детално и ефикасно со помош на целосна усогласеност со форматите на видео податотеките како што се: „MOV“, „AVI“, „MPEG-4“, и форматите и лесниот тек на работите на „FLV“. Со користење едноставни комбинации на копчиња, слоевите на видеото лесно може да се изменуваат, со други одлики како што се, додавање текст и создавање анимации за кои се користат посебни слики.[39]

Обликување во 3D

[уреди | уреди извор]

Со проширената верзија на „Photoshop CS5“, 2D елементи на илустрации лесно може да станат тридимензионални само со кликнување на копче.

Мобилна интеграција

[уреди | уреди извор]

И додатоци кои се јавуваат како трета страна се додаваат на најновата верзија на „Photoshop“ во која технологии како „iPad“ софтверот го интегрираат со различни видови апликации. Апликации како апликацијата за цртање „Adobe Eazel“ овозможуваат корисникот лесно да прави слики со помош на врвовите на своите прсти и да користи различни видови бои, од суви до водени, со цел да се направи богата мешавина од бои.[40]

„Camera Raw“

[уреди | уреди извор]

Со додатокот „Camera Raw“, на необработените слики може да се работи без користење на „Adobe Photoshop Lightroom“, заедно со други формати на податотеки на слики како на пример, „JPEG“, „TIFF“, или „PNG“. Додатокот му овозможува на корисникот да ги отстрани пречките без придружен ефект на прекумерно изострување, да додаде структура или дури да изврши „post-crop vignetting“.[39]

Алатки за „3D Printing“

[уреди | уреди извор]

По барањето за верзија на „Photoshop 14.1“, сега корисниците може да создаваат и уредуваат конструкции за „3D printing“. По преземање модели на слики во 3D од многубројни услуги на интернет, корисниците може да додаваат бои, да приспособуваат форми или да ја менуваат гледната точка. И уметниците можат од почеток да создаваат модели во 3D. http://mashable.com/2014/01/16/photoshop-3d-printing/

Алатката „Color Replacement“

[уреди | уреди извор]

Алатката „Color Replacement“ овозможува промена на боја, додека се одржуваат најважните делови и сенки на оригиналната слика, на делови од сликата. Со селектирање на „Brushs“ и десен клик, третата опција надолу е алатката „Color Replacement“.Со оваа алатка најважно е да се забележи доминантната боја. Доминантната бојата е она што ќе се примени кога со алатката „Color Replacement“ ќе се црта на избраниот дел на сликата.

Културолошко влијание

[уреди | уреди извор]
Главна статија: Photoshopping

„Photoshop“ и изведенки како „Photoshopped“ (или само „Shopped“) станаа глаголи кои понекогаш се користат кога се мисли на слики уредувани со „Photoshop“,[41] или која било друга програма за уредување на слики. „Adobe“[42] не ги прифаќа таквите изведенки бидејќи, со цел да се заштити важноста и заштитниот знак да не стане заеднички, тој треба да се користи како сопствена именка.

Пејзаж составен и уредуван со Photoshop.

Списанија

[уреди | уреди извор]

Пред да се објави каков било вид печатен медиум, без разлика дали е списание, весник или, пак, роман, можно е да се користи „Photoshop“ за да се подобрат и исчистат илустрациите на повеќето, ако не и на сите страници. Списанијата користат „Photoshop“ и многу нејзини алатки со цел да се подобрат илустрациите и текстот во нивните изданија. Многу списанија за „Здравје“ и „Убавина“ во своите издавачки куќи вработуваат дизајнери за ретуширање слики од фото модели со цел да направат тие да изгледаат поубаво. Крајните поправки на илустрациите тие ги прават со помош на алатки кои ја усогласуваат бојата и меѓу другите поправки додаваат и мали засенувања.[43]

Катастрофи предизвикани со Photoshop

[уреди | уреди извор]

За да се постигне комичен ефект, некои мрежни места објавија таканаречени „Катастрофи предизвикани со Photoshop“, односно, слики на кои грешките направени со „Photoshop“ се очигледни. Овие грешки вклучуваат работи, од раце или нозе што недостасуваат до прекумерно ретуширање на слики на фото модели.[44][45]

„Photoshop contest“

[уреди | уреди извор]
Главна статија: Photoshop contest

„Photoshop contest“ (или "photochop contest") е игра на интернет во која некој објавува слика, а други луѓе ја уредуваат сликата со помош на уредувач на растерна графика како што е „Photoshop“.

Историја на верзиите

[уреди | уреди извор]
Главна статија: Adobe Photoshop version history

Постари верзии

[уреди | уреди извор]

Пред да ја објави „Photoshop CS1“, „Adobe“ објави тринаесет други верзии.

Во февруари 2013 година, изворниот код на верзијата „Photoshop 1.0.1“ од 1990 година, „Adobe“ го подари на „Computer History Museum“.[46][47]

„CS“

[уреди | уреди извор]

Првата верзија „Photoshop CS“ беше објавевна во октомври 2003 година.[48] „Photoshop CS“ ја зголеми контролата врз корисниците со преработен пребарувач на податотеки што ја зголемува разновидноста при барањето, подредувањето и споделувањето на способности и „Histogram Palette“ која ги контролира промените на сликата како што се прави и кај документот.[48] Исто така, во „CS“ беше воведена алатката „Match Color“. Таа чита податоци со боја за да постигне постојан израз низ низа слики.[48]

„CS2“

[уреди | уреди извор]

Верзијата „Photoshop CS2“, објавена во мај 2005 годдна, се јавува како продолжение на својот претходник со нови алатки и одлики.[49] Таа содржи надоградена „Spot Healing Brush“, која главно се користи за справување со вообичаени фотографски проблеми како на пример, дамки, црвени очи, пречки, замаглување и закривување на објективот.[49] Една од најважните работи што ја содржеше верзијата „CS2“ беше примената на „Smart Objects“, која им овозможува на корисниците да ги степенуваат и менуваат сликите и векторските илустрации без да се изгуби квалитетот на сликата, како и да создаваат поврзани копии на вметнати графици за едно обично уредување да преработува низ многубројни интеракции..[49]

„Adobe“ одговори на повратната реакција од индустријата на професионалните медиуми со применување на безбедно уредување како и создавање и менување на 32-битни слики со Висок динамичен опсег (анг. High Dynamic Range, (HDR)), кои се најпогодни за интерпретација на 3D и напредни структури. И преглед на „FireWire“ може да се извржи на монитор преку дирекно извезена слика.[49]

Верзијата „Photoshop CS2“ ги донесе алатките „Vanishing Point“ и „Image Warping“.[49]„ Vanishing Point“ прави здодевни графици,а ретуширањето на слики се стреми кон полесно со тоа што им овозможува на корисниците да „клонираат“, да цртаат и да ги менуваат предметите додека задржуваат видлива гледна точка.[49]

„File Browser“ беше надоградена во „Adobe Bridge“, која функционира како центар за продуктивност, сликовито изложување и креативност, обезбедувајќи пребарување на податотеки со повеќе гледишта и рамномерна интеграција спротивна на производот во софтверот на „Adobe Creative Suite 2“.[49] „Adobe Bridge“ обезбедува и пристап до „Adobe Stock Photos“, нова услуга за обична фотографија што им понуди на корисниците еднократно купување, преку пет елитни доставувачи на обична слика да достави висок квалитет, слики без авторски права за изглед и дизајн.

Везијата 3.0 на „Camera Raw“ беше новиот додаток на „CS2“ и таа овозможи поставки за повеќе необработени податотеки истовремено да се поправаат.[49] Освен тоа, обработување на многубројни необработени податотеки во други формати како „JPEG“, „TIFF“, „DNG“ или „PSD“, може да се направат на позадината без „Photoshop“.[49]

Верзијата „Photoshop CS2“ донесе рационализиран интерфејс, што направи полесен пристап до одлики за одредени примероци. Во „CS2“ на корисниците им се даде и можноста за создавање свои сопствени обични програмирања, наменети за заштеда на време и зголемување на продуктивноста.[49]

„CS3“

[уреди | уреди извор]

„CS3“ се подобрува во одликите во однос на претходната верзија на „Photoshop“ и воведува нови алатки. Една од најважните е „streamline interface“ кој дава поголеми можности, брзина и ефикасност. Постои и подобрена верзија за податотеки на „Camera RAW“ кои им овозможуваат на корисниците да обработуваат слики со поголема брзина и квалитет на префрлање. „CS3“ поддржува над 150 необработени формати како и „JPEG“, „TIFF“ и „PDF“.[50]

„CS4“

[уреди | уреди извор]

„CS5“

[уреди | уреди извор]

„CS6“

[уреди | уреди извор]

„CC“

[уреди | уреди извор]

Верзијата „Photoshop CC (14.0)“ беше пуштена на 18 јуни 2013 година. Како следна главна верзија по „CS6“, достапна е само како дел од претплатата за „Creative Cloud“. Главните одлики во оваа верзија се „All-new Smart Sharpen“, „Intelligent Upsampling“, и „Camera Shake Reduction“ за намалување на замагленоста која се јавува како резултат на занишување на фотоапаратот. Беа вклучени и „Editable Rounded Rectangles“ и нова верзија на „Adobe Camera Raw (8.0)“.[51]

По првобитната објава, „Adobe“ објави две дополнителни нови верзии што носат нови карактеристи. Првата, верзија 14.1, беше пуштена на 9 септември 2013 година. Најважните одлики на оваа верзија беа „Adobe Generator“, „Node.js-based platform“ за правење додатоци за „Photoshop“. „Photoshop 14.1“ се пренесува со два додатока, едната автоматски да создаде средства за слика според надоградување на името на слојот, а другата автоматски да создаде средства за „Adobe Edge Reflow“.[52]

Последната верзија (14.2) беше пуштена на 15 јануари 2014 година. Нејзини најважни одлики се „Perspective Warp“, „Linked Smart Objects“, и поддршка за „3D Printing“.[53]

„Photoshop Touch“

[уреди | уреди извор]

„Photoshop Touch“ е апликација создадена специјално за таблети и уреди со екран на допир. Таа вклучува многу од одликите на личниот сметач, како слоеви, алатки за селектирање, приспособување и филтри. Поправените податотеки може да се синхронизираат со „Adobe Creative Cloud“. Моментално „Photoshop touch“ е достапен на „iOS“ и „Android“. Постојат две верзии за „iOS“—една направена за „iPad“ и друга за допирот на „iPhone“ и „iPod“; и двата бараат „iOS 5.0“ или понова верзија. Верзиите за „Android“ може да се инсталираат на кој било телефон со „Android“ (4.0 и повеќе) и таблети(3.1 и повеќе).[54]

Поврзано

[уреди | уреди извор]

Наводи

[уреди | уреди извор]
  1. ↑ „Keep Photoshop up to date“. Посетено на 2022-06-17.
  2. ↑ https://helpx.adobe.com/photoshop/kb/uptodate.html. Посетено на 2022-06-17. Занемарен непознатиот параметар |Title= (се препорачува |title=) (help); Отсутно или празно |title= (help)
  3. ↑ Lextrait, Vincent (јануари 2010). „The Programming Languages Beacon, v10.0“. Посетено на 14 март 2010.
  4. ↑ „Computer History Museum | @CHM : Adobe Photoshop Source Code“. Computerhistory.org. 13 февруари 2013. Посетено на 14 декември 2013.
  5. ↑ „Adobe Photoshop CS5 / Tech specs“. Adobe Systems. Посетено на 17 декември 2011.
  6. ↑ „Photoshop CS5 Extended / Tech specs“. Adobe Systems. Посетено на 17 декември 2011.
  7. ↑ „FAQ - Adobe Photoshop CS5 Extended“. Adobe Systems Incorporated. Посетено на 7 July 2011.
  8. ↑ „Adobe Photoshop Express“. Android Market. Google. Посетено на 17 December 2011.
  9. ↑ „Adobe Photoshop Express“. App Store. Apple Inc. Посетено на 17 December 2011.
  10. ↑ Callaham, John. „Adobe releases free Photoshop Express Windows 8 app“. Neowin.
  11. ↑ 11,0 11,1 Schewe, Jeff (2000). „Thomas & John Knoll“. PhotoshopNews. Архивирано од изворникот 2007-06-26. Посетено на 15 June 2007.
  12. ↑ Story, Derrick (18 February 2000). „From Darkroom to Desktop—How Photoshop Came to Light“. Story Photography. Архивирано од изворникот 2007-06-26. Посетено на 15 June 2007.
  13. ↑ Hormby, John (5 June 2007). „How Adobe's Photoshop Was Born“. Story Photography. Архивирано од изворникот 2007-10-11. Посетено на 15 June 2007.
  14. ↑ „Adobe Photoshop 1.0 Feb. 1990 - 20 Years of Adobe Photoshop“. Graphics Software. About.com. Посетено на 13 August 2013.
  15. ↑ Adobe (July 2010). „Adobe Photoshop File Formats Specification“.
  16. ↑ Cole, Clem, and Russell William. "Photoshop Scalability: Keeping It Simple." Communications Of The ACM 53.10 (2010): 32-38. Academic Search Premier. Web. 11 Mar. 2013..
  17. ↑ „language versions | Adobe Photoshop CS6“. Adobe.com. Посетено на 29 Feb 2012.
  18. ↑ „Alien Skin Software website“. Alien Skin Software, LLC. Посетено на 17 December 2011.
  19. ↑ „Nik Software website“. Nik Software Inc. Посетено на 17 December 2011.
  20. ↑ „OnOne Software website“. onOne Software. Посетено на 17 December 2011.
  21. ↑ „Topaz Labs website“. Topaz Labs, LLC. 31 August 2010. Посетено на 17 December 2011.
  22. ↑ Harald Heim. „The Plugin Site“. Посетено на 17 December 2011.
  23. ↑ „Auto FX Software website“. Auto FX Software. Посетено на 17 December 2011.
  24. ↑ „AV Bros. website“. AV Bros. Посетено на 17 December 2011.
  25. ↑ „Flaming Pear Software website“. Flaming Pear Software. Посетено на 17 December 2011.
  26. ↑ „Andromeda Software website“. Andromeda Software Inc. Посетено на 17 December 2011.
  27. ↑ „Strata website“. Strata. Посетено на 17 December 2011.
  28. ↑ „Digital camera raw file support“. Adobe.com. Архивирано од изворникот 2010-12-03. Посетено на 4 December 2010.
  29. ↑ 29,0 29,1 29,2 29,3 29,4 29,5 29,6 „Adobe Photoshop CS3 User Guide“ (PDF). Adobe Systems Incorporated. Посетено на 27 March 2012.
  30. ↑ „Selecting and Displaying Tools“. Adobe Systems Incorporated. Посетено на 27 March 2012.
  31. ↑ „Crop Images“. Adobe Systems Incorporated. Посетено на 27 March 2012.
  32. ↑ Caruso, Ronald D.; Gregory C. Postel. „Image Editing with Adobe Photoshop 6.0“. RadioGraphics. Посетено на 14 February 2013.
  33. ↑ „About sliced web pages“. Adobe Systems Incorporated. Посетено на 27 March 2012.
  34. ↑ Brundage, Barbara (2012). Photoshop Elements 11: The Missing Manual. Sebastopol, CA: O'Reilly Media ,Inc. стр. 90–91. ISBN 9781449316136.
  35. ↑ Snider, Lesa (2012). Photoshop CS6: The Missing Manual. Sebastopol, CA: O'Reilly Media, Inc. стр. 165–167. ISBN 978-1-4493-1615-0.
  36. ↑ McClelland, Deke (2010). Adobe Photoshop CS5 one-on-one. Sebastopol, CA: O'Reilly Media, Inc. стр. 80. ISBN 9780596807979.
  37. ↑ Grey, Tim (2009). Photoshop CS4 Workflow: The Digital Photographer's Guide. Indianopolis, Indiana: Wiley Publishing, Inc. стр. 244. ISBN 9780470381281.
  38. ↑ Andrews, Philip (2007). Adobe Photoshop Elements 5.0 A-Z: Tools and Features Illustrated Ready Reference. Burlington, MA: Focal Press. ISBN 9780240520612.
  39. ↑ 39,0 39,1 „Features | Adobe Photoshop CS5 Extended“. Adobe. Посетено на 28 March 2012.
  40. ↑ „Features | Adobe Photoshop CS5“. Adobe. Посетено на 28 March 2012.
  41. ↑ Macworld Staff. „Photoshop through the Years“. Архивирано од изворникот на 2005-03-15. Посетено на 2014-05-12.
  42. ↑ „PROPER USE OF THE PHOTOSHOP TRADEMARK“.
  43. ↑ „Who Uses Photoshop | Photoshop.com“. Adobe. Архивирано од изворникот на 2014-05-01. Посетено на 28 March 2012.
  44. ↑ „PSD: Photoshop Disasters: About“. Архивирано од изворникот на 2014-05-18. Посетено на 28 March 2012.
  45. ↑ „Worst Photoshop Goofs“. Посетено на 5 Feb 2013.
  46. ↑ Adobe Photoshop Source Code
  47. ↑ Bishop, Bryan (14 февруари 2013). „Adobe releases original Photoshop source code for nostalgic developers“. theverge.com. Посетено на 15 октомври 2013.
  48. ↑ 48,0 48,1 48,2 „Adobe Raises the Digital Imaging Standard with Photoshop CS“. Press Release. Adobe. Посетено на 29 March 2012.
  49. ↑ 49,00 49,01 49,02 49,03 49,04 49,05 49,06 49,07 49,08 49,09 „Adobe Pushes the Boundaries of Digital Photography and Imaging with Debut of Photoshop CS2“. Press Release. Adobe. Посетено на 29 March 2012.
  50. ↑ Adobe. „Adobe Delivers Two Editions of Photoshop CS3“. News Releases. Adobe. Посетено на 28 March 2012.
  51. ↑ „архивски примерок“. Архивирано од изворникот на 2013-06-23. Посетено на 2014-05-12.
  52. ↑ „архивски примерок“. Архивирано од изворникот на 2015-03-17. Посетено на 2014-05-12.
  53. ↑ „архивски примерок“. Архивирано од изворникот на 2015-05-19. Посетено на 2014-05-12.
  54. ↑ „Photoshop Touch“. Adobe Systems. Посетено на 23 August 2012.

Надворешни врски

[уреди | уреди извор]
Повеќе за Adobe Photoshop на збратимените проекти на Википедија
Дефиниции и преводи на Викиречник ?
Податотеки на Ризницата ?
Образовни ресурси на Викиуниверзитет ?
Прирачници на Викикниги ?
 ? Информации за патување во Википатување ? ?


Предлошка:Raster graphics editors Предлошка:AdobeCS Предлошка:Adobe eLearning Suite Предлошка:Adobe Technical Communication Suite Предлошка:Adobe Systems

Преземено од „https://mk.wikipedia.org/w/index.php?title=Adobe_Photoshop&oldid=5245651“