കീച്ചേരിപ്പുഴ
കേരളത്തിൽ മച്ചാട്ടുമലയിൽ നിന്നുത്ഭവിക്കുന്ന ഒരു നദിയാണ് കേച്ചേരിപ്പുഴ.
(വാഴാനി ഡാം ആണ് പ്രധാന സ്രോതസ്സ് )
51 കിലോമീറ്ററാണ് നീളം. ചൂണ്ടൽ എന്ന സ്ഥലത്തു വച്ച് ചൂണ്ടൽ തോടുമായി ചേർന്ന് ചേറ്റുവ കായലിൽ പതിക്കുന്നു. കേരളത്തിലേ ഏറ്റവും ചെറിയ നദികളിൽ ഒന്നാണിത്. കേച്ചേരിപ്പുഴ, ആളൂർപ്പുഴ, വടക്കാഞ്ചേരിപ്പുഴ (നീലാറ ) എന്നുംകൂടി ഇതറിയപ്പെടുന്നു.
400 ചതുരശ്ര കിലോമീറ്ററാണ് വൃഷ്ടിപ്രദേശം. തൃശ്ശൂർ ജില്ലയിലൂടെയാണ് ഈ നദി പൂർണ്ണമായും ഒഴുകുന്നത്. വടക്കാഞ്ചേരി, നെല്ലുവായ്, കേച്ചേരി, ആളൂർ തുടങ്ങിയ സ്ഥലങ്ങൾ ഈ നദിയുടെ തീരത്താണ്. ഈ നദിയുടെ കരയിലെ കേച്ചേരി ഗ്രാമത്തിൽ ജനിച്ച പ്രമുഖ കവിയും ഗാനരചയിതാവുമായിരുന്ന യൂസഫലി കേച്ചേരി ഈ നദിയെക്കുറിച്ച് ഒരു കവിതയെഴുതിയിട്ടുണ്ട്.പറപ്പൂക്കാവ് ഭഗവതി ക്ഷേത്രം നിലകൊള്ളുന്നത് ഈ നദി തീരത്താണ്.
2018 ഓഗസ്റ്റ് പകുതിയോടുകൂടി വാഴാനി ഡാം തുറന്നപ്പോൾ വടക്കാഞ്ചേരി ഉൾപ്പെടെ പല പ്രദേശങ്ങളെയും ഈ പുഴ വെള്ളത്തിനടിയിലാക്കി.
|
കേരളത്തിലെ നദികളുമായി ബന്ധപ്പെട്ടുള്ള ഈ ലേഖനം അപൂർണ്ണമാണ്‌. ഇതു പൂർത്തിയാക്കാൻ സഹായിക്കുക. |