Arche (Maand)

Arche (ok Jupiter XLIII) is en vun de lütten Maanden vun den Planet Jupiter. Opdeckt weer de an’n 31. Oktober 2002 vun en Koppel vun US-amerikaansche Astronomen an de University of Hawaii ünner dat Regeer vun Scott S. Sheppard. Sien offiziellen Naam hett de Maand 2005 kregen. De vörlöpige Beteken vun den Maand weer S/2002 J 1.

Ümloopbahn

De Maand kreist op en Ümloopbahn mit en middleren Afstand vun 22.931.000 km üm den Jupiter un bruukt dorför ruchweg 723 Daag, 22 Stünnen un 36 Minuuten. De Bahn hett en Exzentrizität von 0,2588 un is üm 165,001° gegen den Äquater vun den Jupiter neegt. De Bewegen vun den Maand warrt dorüm as retrograad ansehn, dat bedüüt, dat sik Arche gegen de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is wat liekers as ok de Bahnen vun annere Maanden. De warrt dorüm tohopenfaat to de Carme-Grupp, nöömt na dissen Maand, as dat de gröttste dorvun is.

Egenschoppen

Arche is mit en middleren Dörmeter vun blots 3 km en vun de ganz lütten Maanden. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand bannig düster. De Dicht liggt bi 2,6 g/cm³. Dorut warrt vermoot, dat Arche tomehrst ut Silikat-Steen opboot is, as ok de annern Maanden ut de Grupp.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden