Bundsautobahn 28

De Bundsautobahn 28 (Afk.: BAB 28 oder A 28) is en regionale Autobahn, de op 92 km in Oost-West-Richt dör Neddersassen föhrt. Se fangt an’t Dreeeck Leer an de A 31 an un ennt an de A 1 bi’t Dreeeck Stuhr. De A 28 warrt in’t Net vun de Europastraten op hele Läng as Deelstück vun de E 22 föhrt. Schüll de A 22 boet warrn, denn warrt de E 22 dorhen verlagert.

Wichtige Anbinnen un Sünnerheiten

En Sünnerheit gifft dat an’t westliche Enn vun de Autobahn. Dor geiht de A 28 an’t Dreeeck Leer ahn Naht in den süüdlichen Twieg vun de A 31 in Richt Bottrop över.Wenn een op’n nöördlichen Twieg föhren in Richt na Emden will, mutt man dör dat Autobahndreeeck dörföhren. Dat gellt ok, wenn een dörgahn op de A 31 föhrt.

Bi’t Autobahndreeeck Ollnborg-West löpt de ööstliche Twieg vun de A 28 in Richt na Demost/Bremen ahn Naht as A 293 wieter. Üm op de A 28 to blieven mutt een in beide Richten dör dat Autobahndreeeck dörfohren. Bi Ollnborg is de A 28 ok an de A 29 (Willemshaven—Ahlorn) anbunnen. Anvt Autobahnkrüüz Ollnborg-Oost kann direkt wesselt warrn. Sünners vun’n nöördlichen Twieg vun de A 29 in Richt Willemshaven kann ok dat Autobahndreeeck Ollnborg-West bruukt warrn, de op de A 293 föhrt.

Tosamen billt de dree Autobahnen A 28, A 29 un A 293 den Autobahnring Ollnborg. In’t Rebeet vun Ollnborg is de A 28 as Stadtautobahn mit teemlich scharpe Kurven föhrt. De Anslusssteed 14 Ollnborg-Marschweg bedeent blots de ööstliche Richt (Demost), aver nich de westliche (Leer).

Historie

De Bundsautobahn 28 is twüschen Leer un Demost an de Steed vun de ehmolige Bundsstraat 75 kamen. De Streck vun de Autobahn is to’n gröttsten Deel nee boet worrn un verlöpt op de ne’en Afsneden parallel to de ehmolige B 75, de dor, woneem de egenstännigen Parallelstraten behollen worrn sünd, vullstännig as Landsstraten rünnerstoopt worrn sünd. Op de Stadtrebeden vun Ollenborgun Demost sünd de Ümfohrstraten in’n Verloop vun de B 75 to Autobahnen utboet worrn.

Dat ööstliche Enn vun de A 28 in Hööch vun’t Autobahndreeeck Demost hett sik bit 2006 in de B 75 un de B 322 opgavelt. De letzte hett en Lück vun fief Kilometers na de A 1 slaten. De Gavel un de Anslussteed sünd bit September 2008 utboet worrn. Nu is dat mööglich, vun’t Autobahndreeeck Stuhr ut dörgahn op veer Sporen in dat Stadtzentrum vun Bremen kamen, wenn een an’t Dreeeck Demost op de B 75 in Richt Bremen afböögt. De B 322 is in’t Rebeet vun de tomaakte Lück dör en Utbo vun de A 28 aflöst worrn. De Autobahn is aver twüschen de Anslusssteden Dreeeck Demost un Groot Mackenstedt op 1,5 km wegen en Tanksteed un en Burger-King-Restaurant wieter as Bundsstraat 322 betekent, man as A 28 utschillert.

Weblenken

Bundsautobahn 28. Mehr Biller, Videos oder Audiodateien to’t Thema gifft dat bi Wikimedia Commons.

Naue Streckenbeschrieven vun de A 28

Düütsche Bundsautobahnen

Strecken in Bedriev:

Hööftstrecken: A 1 | A 2 | A 3 | A 4 | A 5 | A 6 | A 7 | A 8 | A 9

Över- un regional: A 10 | A 11 | A 12 | A 13 | A 14 | A 15 | A 17 | A 19 | A 20 | A 21 | A 23 | A 24 | A 25 | A 26 | A 27 | A 28 | A 29 | A 30 | A 31 | A 33 | A 37 | A 38 | A 39 | A 40 | A 42 | A 43 | A 44 | A 45 | A 46 | A 48 | A 49 | A 52 | A 57 | A 59 | A 60 | A 61 | A 62 | A 63 | A 64 | A 65 | A 66 | A 67 | A 70 | A 71 | A 72 | A 73 | A 81 | A 92 | A 93 | A 94 | A 95 | A 96 | A 98 | A 99

Regional un lokal: A 100 | A 103 | A 111 | A 113 | A 114 | A 115 | A 117 | A 143 | A 210 | A 215 | A 226 | A 255 | A 261 | A 270 | A 280 | A 281 | A 293 | A 352 | A 391 | A 392 | A 395 | A 445 | A 480 | A 485 | A 516 | A 524 | A 535 | A 540 | A 542 | A 544 | A 553 | A 555 | A 559 | A 560 | A 562 | A 565 | A 571 | A 573 | A 602 | A 620 | A 623 | A 643 | A 648 | A 650 | A 656 | A 659 | A 661 | A 671 | A 672 | A 831 | A 861 | A 864 | A 952 | A 980 | A 995

Plaant oder ehmolige Strecken:
A 16 | A 18 | A 22 | A 32 | A 34 | A 35 | A 36 | A 41 | A 47 | A 50 | A 51 | A 54 | A 55 | A 56 | A 69 | A 74 | A 77 | A 80 | A 82 | A 83 | A 84 | A 85 | A 86 | A 87 | A 88 | A 89 | A 90 | A 91

A 102 | A 104 | A 105 | A 106 | A 107 | A 205 | A 227 | A 241 | A 250 | A 252 | A 253 | A 263 | A 282 | A 290 | A 314 | A 339 | A 369 | A 376 | A 388 | A 430 | A 432 | A 441 | A 443 | A 448 | A 451 | A 480* | A 533 | A 545 | A 552 | A 558 | A 580 | A 610 | A 621 | A 647 | A 652 | A 653 | A 654 | A 655 | A 680 | A 683 | A 687 | A 713 | A 720 | A 722 | A 731 | A 751 | A 752 | A 753 | A 828 | A 834 | A 840 | A 860 | A 862 | A 863 | A 863* | A 881 | A 895 | A 921 | A 922 | A 942 | A 944 | A 985 | A 990 | A 991 | A 992 | A 993 | A 994 | A 996 | A 997 | A 998 | A 999
* ehmolig Plaan, Tall is intwüschen anners vergeven