Fintel

Wapen/Flagg

Koort

Basisdaten

Bundsland: Neddersassen

Landkreis: Rodenborg (Wümm)

Samtgemeen: Fintel

Flach:

36,08 km²

Inwahners:

2852 (31. Dezember 2022)

43 m över de See

27389

04180, 04265

Koordinaten:53° 10′ N, 9° 40′ O53° 10′ N, 9° 40′ O

Grenzen bi OSM:

357073

Gemeenslötel:

03 3 57 033

Öörd in de Gemeen:

1

Börgermeester:

Claus Riebesehl (CDU)

Websteed:

www.fintel.de

Koort

Kreis

Fintel is en Oort un Gemeen in de Samtgemeen Fintel in’n Landkreis Rodenborg (Wümm) mit 2852 Inwahners (Stand 31. Dezember 2022).

Geografie

De Gemeen Fintel is de ööstlichste in’n helen Landkreis Rodenborg (Wümm). Se warrt na Westen hen vun de Gemeen Vahl begrenzt un na Süüdwesten en Stück vun de Eenheitsgemeen Scheeßl. De süüdlichen Rebeden sluut an de Eenheitsgemeen Snevern an, in’n Landkreis Heidkreis un de OOsten un de Noord grenzt an den Landkreis Horborg mit de Samtgemeen Töst.

De Gemeen liggt en ländlich Rebeet un is ümgeven vun wiete Feller, Wischen, Woolden un Moorrebeden. Fintel is siet 1992 en staatlich achten Verhaloort un hett butendem ok al mol ’n Pries wunnen bi den Wettstriet „Unser Dorf soll schöner werden“.

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie

De öllste överleverte Oorkunn, in de Fintel nöömt warrt, stammt ut dat Johr 1105. De Oort warrt dor as Wintla betekent. Disse Oorkunn hannelt von dat Utstafferen för dat ne’e Klooster Katelnborg dör Adela von Katelnborg. In de folgen Tiet warrt de Oort faken as Wintlo oder Vintlo schreven, wat woll so veel heten schüll as „sumpig Land“. Utgraven in de Feldmark hebbt wies, dat dat Rebeet üm Fintel al siet ruchweg 2000 Johren bewahnt is, vun wegen dat dorbi olle Bielen, Knieven un Pielspitzen ut Steen funnen worrn sünd.

Fintel weer al in fröhe Tieten en Karkengemeen. Al to de Tiet vun Karl, den Groten schall dor en lütte Kapell to’n Beden stahn hebben. En gröttere Kark is 1480 boot worrn, de 1548 wedder tweimaakt worrn is. Na’t Enn vun’n Dörtigjohrigen Krieg is en ne’e Kark mit Reetdack un Fackwark boot worrn, de afreten worrn is, as 1882-1884 de hüütige Kark boot worrn is.

Siet 1970 is Fintel Deel vun de Samtgemeen Fintel, de ehrn Sitt in Lauenbrüch hett.

Politik

Gemeenraat

De Gemeenraat vun Fintel sett sik mit den Börgermeester ut 13 Lüüd tohopen. De letzte Kommunalwahl weer 2016

Partei	2016	2011	2006
CDU	6	6	7
SPD	5	7	6
Gröne	1	–	–
ahn Partei	1	–	–

Kultur

To’n Ankieken

De kulturelle Middelpunkt vun Fintel is dat Heimathuus mit den Naam „Schimmes Hoff“, dat sik in’t Zentrum vun den Oort befinnt. Dor finnt de Veranstalten vun’n Heimatvereen statt un ok Kunstutstellen. Geern ankeken warrt ok dat olle Fackwarkhuus vun den Dichter Friedrich Freundenthal, de in Fintel leevt hett. Sien Huus is renoveert worrn un mit Reet deckt, so as dat fröher al weer. To Ehren vun den Dichter steiht in en lütten Woold ok en Denkmol.

Bildung

In Fintel is 1963 en Grund- un Hööftschool inricht worrn, de siet 2001 aver blots noch as Grundschool wieterföhrt warrt. To is in Lauenbrüch de nee Hööft- un Realschool fardigstellt worrn.

Sport

Op dat Schoolrebeet is dorna en Lichtathletikanlaag un dorblangen en Turnhall boot worrn. In’n Oort gifft dat bito twee wietere Anlagen mit Sportplätz dorbi. Siet 1974 besteiht ok en beheizt Freebad. För de Freetiet gifft dat aver ok noch vele annere Mööglichkeiten as Bowling, Minigolf, Tennis, Kutschfohrten, Paddeln un so wieter.

Beropen Lüüd

Friedrich Freudenthal (1849-1929), plattdüütsch Dichter, de in Fintel opwossen is un leevt hett.

Verkehr

Dör Fintel verloopt en poor Kreisstraten. Över de K 212, de den Oort Fintel in’n Süüdwesten flankeert, kann een över Laubrüch an de B 75 ansluten, in de annere Richt geiht se denn an de Grenz vun’n Landkreis in de K 30 över un föhrt wieter na Snevern. Dör den Oort Fintel verloopt butendem de K 221 un de K 211, över de man na Oostervees un wieter na Westervees kummt.

Literatur

Claus Stamann: Fintel. Die Geschichte eines Dorfes. 2002

Weblenken

Fintel. Mehr Biller, Videos oder Audiodateien to’t Thema gifft dat bi Wikimedia Commons.

Städer un Gemenen in den Landkreis Rodenborg (Wümm)