Jennifer Grey

Jennifer Grey (* 26. März 1960 in New York, USA) is en US-amerikaansche Schauspelersche.

Leven

As Dochter vun den Schauspeler Joel Grey (Cabaret, Cats, Hair) un Enkeldochter vun den US-Komiker Mickey Katz weer dat nich ungewöhnlich, dat Grey to’t Showbusiness keem. Ehr eerste Film weer Reckless, wo se as Partnersche vun Daryl Hannah speelt hett. Korte Tiet later weer se an de Siet vun Richard Gere un Nicholas Cage in The Cotton Club to sehn.

Eh se mit Dirty Dancing ehrn Dörbrook harr, för den se ok för den Golden Globe nomineert worrn is, hett se in Filmen as American Flyers oder Ferris Bueller’s Day Off mit Matthew Broderick mitspeelt. Mit den weer se ok ’n Tiet lang tosamen. Wieter warrt ok vun’t Anbanneln mit Johnny Depp un Tom Cruise snackt.

Ehr Loopbahn hett aver Anfang vun de 1990er Johren swoor dorünner leden, dat se sik de Nees opereeren laten hett. Dat warrt faken as en groten Fehler ansehn, vun wegen dat ehr Utsehn villicht woll beter worrn is, man se nich mehr so licht wedder to kennen weer. Bito pass se dordör nich mehr in de Eck vun de vun’t „nich ganz so goot utsehn“ Deern, de se bit dorhen vör allen speelt harr. För de europääschen Tokiekers weer se to de Tiet meist gor nich mehr to sehn, as se blots för amerikaansche Feernsehfilmen arbeit hett.

An’n 21. Juli 2001 hett se de Eh slaten mit den Schauspeler un Dreihbookschriever Clark Gregg, an’n 3. Dezember dat lieke Johr weer jemehr Dochter Stella boren.

Filmografie (Utwahl)

Johr	Titel	Synchroonsnacker
1984	Reckless dt.: Reckless - Jung und Rücksichtslos	Ursela Monn (2. Synchro)
1984	Red Dawn dt.: Die Rote Flut	Melanie Pukaß
1984	The Cotton Club dt.: Cotton Club
1985	American Flyers dt.: Die Sieger – American Flyers
1986	Ferris Bueller’s Day Off dt.: Ferris macht blau	Rebecca Völz
1987	Dirty Dancing	Rebecca Völz
1989	Bloodhounds of Broadway dt.: Die Bluthunde vom Broadway	Traudel Sperber
1990	If the Shoe Fits, Feernsehn dt.: Magic Woman
1990	Murder in Mississippi, Feernsehn
1990	Criminal Justice, Feernsehn
1991	Eyes of the Witness, Feernsehn dt.: Und es gab nur einen Zeugen
1992	Wind
1993	A Case for Murder, Feernsehn dt.: Ein Fall für den Mörder
1995	The West Side Waltz, Feernsehn dt.: The West Side Rhythm	Ulrike Stürzbecher
1996	Portraits of a Killer dt.: Portraits of Innocence – Ihr letzter Kunde ist der Tod	Bianca Krahl
1996	Lover’s Knot dt.: Lover’s Knot – Eine Liebe mit Hindernissen
1997	Red Meat dt.: Die Masche der Männer	Ulrike Stürzbecher
1997	The Player, Feernsehn
1998	Outrage, Feernsehn dt.: Du wirst um Gnade betteln
1998	The Secrets of My Heart
1998	Since You’ve Been Gone, Feernsehn dt.: Ein Total verrücktes Klassentreffen
1999-2000	It’s Like, You Know…, Feernsehreeg dt.: Irgendwie L.A.
2000	Bounce dt.: Bounce – Eine Chance für die Liebe	Ulrike Stürzbecher
2001	Ritual dt.: Das Ritual – Im Bann des Bösen	Ulrike Stürzbecher
2006	Road to Christmas, Feernsehn
2008	Keith
2008	Redbelt	Tatjana Pokorny
2011	The Bling Ring, Feernsehn
2014	In Your Eyes
2014-17	Red Oaks, Feernsehreeg	Andrea Aust

Utteken

Filmpriesen hett Jennifer Grey noch nich winnen künnen, man se weer 1988 för den Golden Globe nomineert in de Kategorie Best Hööftdorstellerin – Kummedie oder Musical för ehr Rull in Dirty Dancing.

Weblenken

Jennifer Grey in de Internet Movie Database (engelsch)