Leslie Nielsen

Leslie William Nielsen, CC (* 11. Februar 1926 in Regina, Saskatchewan; † 28. November 2010 in Fort Lauderdale, Florida) weer en kanaadschen Schauspeler.

Leven

Nielsen is in Tulita (fröher Fort Norman) in de Northwest Territories opwossen. Sien Vadder hett as Mountie deent un töög sien Jungen bannig streng groot. Sien Mudder stamm ut Wales. Nielsen hett an de Academy of Radio Arts in Toronto studeert, vördem he an’t Neighborhood Playhouse in New York City arbeit hett. Dörtig Johren lang harr he al as Schauspeler arbeit, as he 1980 denn mit den Film Airplane! (dt. Die unglaubliche Reise in einem verrückten Flugzeug) sien Dörbrook harr. Vörher harr he siet de 1950er Johren as Dorsteller in Feernsehregen arbeit oder as Disc-Jockey bi verschedene Radiosenner.

Populär worrn is Nielsen dör siene Tosamenarbeit mit de Bröder David un Jerry Zucker un Jim Abrahams, de as Filmemaker-Trio bekannt sünd. Se harrn em toeerst in en Nevenrull in Airplane! besett un dorna denn in de Hööftrull för de Feernsehreeg Police Squad! (dt.: Die nackte Pistole). An disse Mini-Reeg hebbt sik denn dree Filmen ut de Reeg Naked Gun (dt.: Die nackte Kanone) anslaten, de twüschen 1988 un 1994 dreiht worrn sünd. De meisten vun sien Rullen na 1980 höört to de Kategorie Slapstick-Kummedie, de op eenfacke Woortspelen un Gags baseert.

Nielsen weer Dräger vun’n Order of Canada. Een vun sien Bröder, Erik Nielsen, weer twüschen 1984 un 1986 Viezpremier un Minister för’t Verdeffenderen vun Kanada. He is in’t Öller vun 84 Johren as Naklapp vun en Lungensweer doodbleven.

Filmografie

Johr	Titel	Synchroonsnacker
1949-54	Studio One, Feernsehreeg
1956	Ransom! dt.: Menschenraub	Günter Pfitzmann
1956	Forbidden Planet dt.: Alarm im Weltall	Wolfgang Kieling
1956	The Opposite Sex dt.: Das schwache Geschlecht	Wolfgang Kieling
1958	Colorado-City dt.: In Colorado ist der Teufel los!	Ottokar Runze
1961-62	The New Breed, Feernsehreeg dt.: Schauplatz Los Angeles
1966	Beau Geste dt.: Drei Fremdenlegionäre	Gert Günther Hoffmann
1972	The Poseidon Adventure dt.: Die Höllenfahrt der Poseidon	Heinz Petruo
1976	Grand Jury
1977	The Amsterdam Kill dt.: Der Tiger aus Taipeh	Horst Schön
1979	City on Fire dt.: Stadt in Flammen
1980	Airplane! dt.: Die unglaubliche Reise in einem verrückten Flugzeug	Hubert Suschka
1982	Foxfire Light	Horst Schön (Synchro 1992)
1982	Wrong Is Right dt.: Flammen am Horizont	Heinz Petruo
1982	Police Squad! dt.: Die nackte Pistole
1983	The Creature Wasn’t Nice dt.: Trottel im Weltall	Hans Sievers
1986	Soul Man dt.: Soulman	Heinz Giese
1987	Nuts dt.: Nuts – Durchgedreht	Alexander Allerson
1988	The Naked Gun: From the Files of Police Squad! dt.: Die nackte Kanone	Horst Schön
1990	Repossessed dt.: Von allen Geistern besessen	Horst Schön
1991	The Naked Gun 2½: The Smell of Fear dt.: Die nackte Kanone 2½	Horst Schön
1994	Naked Gun 33⅓: The Final Insult dt.: Die nackte Kanone 33⅓	Horst Schön
1995	Dracula: Dead and Loving It dt.: Dracula – Tot aber glücklich	Horst Schön
1996	Spy Hard dt.: Agent 00	Horst Schön
1997	Family Plan dt.: Die verrückte Kanone	Horst Schön
1997	Mr. Magoo	Horst Schön
1998	Wrongfully Accused dt.: Leslie Nielsen ist sehr verdächtig	Klaus Guth
2000	2001: A Space Travesty dt.: 2002 – Durchgeknallt im All	Horst Schön
2001	Camouflage dt.: Camouflage – Alles nur Tarnung	Berno von Cramm
2006	Scary Movie 4	Hartmut Neugebauer
2008	Superhero Movie	Klaus Sonnenschein
2009	Stan Helsing dt.: Mega Monster Movie	Holger Mahlich

Utteken

Nielsen is för sien Schauspeelkunst ölven mol för Filmpriesen vörslahn, dorünner tweemol för den Primtime Emmy. Wunnen hett he opstunns fief Priesen:

1989: den Sünnerpries vun de ShoWest Convention in de Kategorie Dorsteller un Comedian vun’t Johr
2008: den Costa de Azahar Award
2003: den ACTRA Award of Excellence
2004: den Pries för sien Levenswark vun’t Marco Island Film Festival
sien Steern op’n Walk of Fame in Hollywood

Weblenken

Leslie Nielsen in de Internet Movie Database (engelsch)